ರಷ್ಯಾದ ತುಲಾ ಪ್ರದೇಶದ ಮೇಲೆ ಉಕ್ರೇನ್ ಡ್ರೋನ್ ದಾಳಿ: ಮಹಿಳೆಗೆ ಗಾಯ, ವಿದ್ಯುತ್ ಮೂಲಸೌಕರ್ಯಕ್ಕೆ ಹಾನಿ

ಮಾಸ್ಕೋ, ಜೂನ್ 26: ರಷ್ಯಾದ ತುಲಾ ಪ್ರದೇಶದ ಮೇಲೆ ಉಕ್ರೇನ್ ನಡೆಸಿದ ಡ್ರೋನ್ ದಾಳಿಯಲ್ಲಿ ಮಹಿಳೆಯೊಬ್ಬರು ಗಾಯಗೊಂಡಿದ್ದು, ವಿದ್ಯುತ್ ಮೂಲಸೌಕರ್ಯಕ್ಕೆ ಹಾನಿಯಾಗಿದೆ ಎಂದು ಪ್ರದೇಶದ ಗವರ್ನರ್ ದಿಮಿತ್ರಿ ಮಿಲ್ಯಾಯೆವ್ ಗುರುವಾರ ತಿಳಿಸಿದ್ದಾರೆ.

ಮಿಲ್ಯಾಯೆವ್ ಅವರ ಪ್ರಕಾರ, ಶ್ಚೆಕಿನೋ ಜಿಲ್ಲೆಯ ಒಂದು ಹಳ್ಳಿಯ ಖಾಸಗಿ ಮನೆಗೆ ಡ್ರೋನ್ ದಾಳಿಯಿಂದ ಹಾನಿಯಾಗಿದ್ದು, ಘಟನೆಯಲ್ಲಿ ಮಹಿಳೆಯೊಬ್ಬರು ಗಾಯಗೊಂಡಿದ್ದಾರೆ.

ಇದೇ ದಾಳಿಯಿಂದ ನೊವೊಮೊಸ್ಕೋವ್ಸ್ಕ್ ನಗರದ ವಿದ್ಯುತ್ ಮಾರ್ಗ (ಪವರ್ ಲೈನ್) ಹಾಗೂ ಕೈಗಾರಿಕಾ ಘಟಕಕ್ಕೂ ಹಾನಿಯಾಗಿದೆ ಎಂದು ಅವರು ತಿಳಿಸಿದ್ದಾರೆ. ಹಾನಿಯ ಪ್ರಮಾಣವನ್ನು ಅಧಿಕಾರಿಗಳು ಮೌಲ್ಯಮಾಪನ ಮಾಡುತ್ತಿದ್ದು, ತುರ್ತು ಸೇವಾ ಸಿಬ್ಬಂದಿ ಸ್ಥಳದಲ್ಲಿ ಕಾರ್ಯನಿರ್ವಹಿಸುತ್ತಿದ್ದಾರೆ.

ಗಾಯಗೊಂಡ ಮಹಿಳೆಯ ಆರೋಗ್ಯ ಸ್ಥಿತಿ ಅಥವಾ ಹಾನಿಯ ಸಂಪೂರ್ಣ ವಿವರಗಳು ಇನ್ನೂ ಪ್ರಕಟವಾಗಿಲ್ಲ.