ವಿಜೃಂಭಣೆಯಿಂದ ಜರುಗಿದ ಮೂರುಸಾವಿರಮಠದ ರಥೋತ್ಸವವು
ಹುಬ್ಬಳ್ಳಿ 21: ಶ್ರಾವಣ ಮಾಸದಲ್ಲಿ ಜರಗುವ ಮೂರುಸಾವಿರಮಠ ಮಹಾಸಂಸ್ಥಾನದ ಶ್ರೀ ಗುರುಸಿದ್ದೇಶ್ವರ ರಥೋತ್ಸವವು ವಿಜೃಂಭಣೆಯಿಂದ ಜರುಗಿತು.
ಜಾತ್ರಾ ಮಹೋತ್ಸದಲ್ಲಿ ಭಕ್ತರು ಶ್ರದ್ಧಾ, ಭಕ್ತಿಯಿಂದ ಪಾಲ್ಗೊಂಡು ಪುನೀತರಾದರು. ಶ್ರೀ ಜಗದ್ಗುರು ಮೂರುಸಾವಿರಮಠದ ಪೀಠಾಧ್ಯಕ್ಷರಾದ ಶ್ರೀ ಜಗದ್ಗುರು ಗುರುಸಿದ್ಧರಾಜಯೋಗೀಂದ್ರ ಮಹಾಸ್ವಾಮಿಜಿ ಅವರು ಶೂನ್ಯ ಸಿಂಹಾಸನಾರೂಢರಾಗಿ ಭಕ್ತರಿಗೆ ಆಶೀರ್ವಾದ ನೀಡಿದರು.
ವಾಕರಸಾ ಸಂಸ್ಥೆಯ ಮಾಜಿ ಅಧ್ಯಕ್ಷ ಸದಾನಂದ ಡಂಗನವರ, ಗ್ರಂಥಪಾಲಕ ಡಾ. ಸುರೇಶ ಡಿ. ಹೊರಕೇರಿ, ಮಹೇಶ ಚಿಕ್ಕವೀರಮಠ, ರವಿ ಬಡ್ನಿ, ಅನಿಲ ಕವಿಶೆಟ್ಟಿ, ಎಂ.ಎಸ್‌.ಶಿರಗಣ್ಣವರ, ವೀರೇಶ ಸಂಗಳದ, ಧಾರವಾಡಶೆಟ್ಟರ ಸಿ.ಜಿ., ವಿ.ಜಿ.ಪಾಟೀಲ, ಬಸವರಾಜ ಯಕಲಾಸಪೂರ, ಸದಾಶಿವ ಚೌಶೆಟ್ಟಿ, ಗೀರೀಶ, ನವೀನ, ಮುಂತಾದವರು ಶ್ರದ್ಧಾ, ಭಕ್ತಿಯಿಂದ ಭಾಗವಹಿಸಿದ್ದರು. ಪೂಜ್ಯರ ದರ್ಶನ ಆಶೀರ್ವಾದ ಪಡೆದರು.
