ರಸ್ತೆ ಕಾಮಗಾರಿಗೆ ಭೂಮಿ ಪೂಜೆ

ಲೋಕದರ್ಶನ ವರದಿ

ಅಥಣಿ 29: ಕಾಗವಾಡ ವಿಧಾನ ಸಭಾ ಕ್ಷೇತ್ರದಲ್ಲಿ ಶಾಸಕ ಶ್ರೀಮಂತ ಪಾಟೀಲರ ಸತತ ಪ್ರಯತ್ನದಿಂದ ನೂರಾರು ಕೋಟಿ ರೂ.ಗಳ ಅನುದಾನ ವಿವಿಧ ಯೋಜನೆಗಳಡಿ ಅಭಿವಥೃದ್ಧಿಗಾಗಿ ಮಂಜೂರಾಗಿದೆ ಎಂದು ಬಿಜೆಪಿ ಮುಖಂಡ ಆರ್.ಎಮ್. ಪಾಟೀಲ ಹೇಳಿದರು. ಅವರು ವಿವಿಧ ರಸ್ತೆ ಕಾಮಗಾಗಳಿಗೆ ಭೂಮಿ ಪೂಜೆ ನೆರವೇರಿಸಿ ಮಾತನಾಡುತ್ತಿದ್ದರು.  

     ಶಾಸಕ ಶ್ರೀಮಂತ ಪಾಟೀಲರು ಕ್ಷೇತ್ರದ ಅಭಿವೃದ್ಧಿಗೆ ಒತ್ತು ನೀಡಿದ್ದಾರೆ ಹೀಗಾಗಿಯೇ ಅವರು ಕ್ಷೇತ್ರದ ಅಭಿವೃದ್ಧಿಗಾಗಿ ತಮ್ಮ ಶಾಸಕ ಸ್ಥಾನಕ್ಕೆ ರಾಜಿನಾಮೆ ನೀಡಿ ಬಿಜೆಪಿ ಸೇರ್ಪಡೆಗೊಂಡು ಮತ್ತೆ ಉಪ ಚುನಾವಣೆಯಲ್ಲಿ ಭಾರಿ ಬಹುಮತದಿಂದ ಶಾಸಕರಾಗಿ ಆಯ್ಕೆಯಾದರು. ಬಿಜೆಪಿ ಸೇರ್ಪಡೆಗೊಂಡ ನಂತರದಿಂದ ಮುಖ್ಯಮಂತ್ರಿ ಬಿ.ಎಸ್.ಯಡಿಯುರಪ್ಪನವರು ವಿಶೇಷ ಅನುದಾನವನ್ನು ಬಿಡುಗಡೆಗೊಳಿಸಿದ ಪರಿಣಾಮ ಕಾಗವಾಡ ಕ್ಷೇತ್ರದಲ್ಲಿ ಅಭಿವೃದ್ಧಿಯ ಪರ್ವ ಪ್ರಾರಂಭಗೊಂಡಿದೆ ಎಂದು ಹೇಳಿದರು. 

      ಉಪ ಚುನಾವಣೆಯ ಸಂದರ್ಭದಲ್ಲಿ ಮುಖ್ಯಮಂತ್ರಿ ಯಡಿಯುರಪ್ಪನವರು ಶ್ರೀಮಂತ ಪಾಟೀಲರು ಚುನಾವಣೆಯಲ್ಲಿ ಆಯ್ಕೆಯಾದ ನಂತರ ಕೇವಲ ಶಾಸಕರಾಗದೇ ಮಂತ್ರಿಯೂ ಆಗುತ್ತಾರೆ ಎಂದು ಮತದಾರರ ಎದುರು ಭರವಸೆ ನೀಡಿದ್ದರು. ಈಗ ಅವರು ತಾವು ಕೊಟ್ಟ ಮಾತನ್ನು ಉಳಿಸುವ ಕಾಲ ಬಂದಿದ್ದು, ಮಂತ್ರಿ ಮಂಡಳ ವಿಸ್ತರಣೆಯಲ್ಲಿ ಶ್ರೀಮಂತ ಪಾಟೀಲರಿಗೆ ಮಂತ್ರಿ ಭಾಗ್ಯ ಕಲ್ಪಿಸಬೇಕು ಎಂದು ಮನವಿ ಮಾಡಿದರು.  

      ಕಾಗವಾಡ ಕ್ಷೇತ್ರದ ಅಗ್ರಹಾರಿಣಿ ಇಂಗಳಗಾಂವ, ಅಬ್ಬಿಹಾಳ, ತೆವರಟ್ಟಿ ಕ್ರಾಸ್ಗಳಲ್ಲಿ ರಸ್ತೆ ಕಾಮಗಾರಿಗಳಿಗೆ ಭೂಮಿ ಪೂಜೆ ನೆರವೇರಿಸಿದರು.  ಪಿಎಲ್ಡಿ ಬ್ಯಾಂಕ ನಿರ್ದೇಶಕ ಮಹಾದೇವ ಕೋರೆ, ಲೋಕೋಪಯೋಗಿ ಇಲಾಖೆಯ ಗೋಪಾಲ ಸೂರ್ಯವಂಶಿ, ನಾನಾಸಾಹೇಬ ಅವತಾಡೆ, ಶೇಖರ ಕರಿಬಸಪ್ಪಗೋಳ, ರಾಜು ಆಲಬಾಳ, ಹೊಳೆಪ್ಪ ತೇಲಿ, ರಾಜು ಮಾನೆ, ಆರ್.ಪಿ.ಅವತಾಡೆ, ವಿನಾಯಕ ಬಾಗಡಿ, ದತ್ತಾ ಭೋಸಲೆ, ಕೃಷ್ಣಾ ಕಾಂಬಳೆ ಸೇರಿದಂತೆ ಅನೇಕರು ಉಪಸ್ಥಿತರಿದ್ದರು.