ಬಸ್ ನಿರ್ವಾಹಕ ಹಾಗೂ ಕನ್ನಡ ಪರ ಹೋರಾಟಗಾರನ ಮೇಲೆ ಹಲ್ಲೆ

ಲೋಕದರ್ಶನ ವರದಿ 

ಬಸ್ ನಿರ್ವಾಹಕ ಹಾಗೂ ಕನ್ನಡ ಪರ ಹೋರಾಟಗಾರನ ಮೇಲೆ ಹಲ್ಲೆ 

ಹಾವೇರಿ 27 : ಬಸ್ ನಿರ್ವಾಹಕ ಹಾಗೂ ಕನ್ನಡ ಪರ ಹೋರಾಟಗಾರನ ಮೇಲೆ ಹಲ್ಲೆ ಮಾಡಿದ ಮರಾಠಿ ಪುಂಡರನ್ನು ಗಡಿಪಾರು ಮಾಡುವಂತೆ ರಾಜ್ಯ ಸರ್ಕಾರಕ್ಕೆ ಅಪರ ಜಿಲ್ಲಾಧಿಕಾರಿಗಳ ಮೂಲಕ ರಾಜ್ಯ ಸರ್ಕಾರಕ್ಕೆ ಕರ್ನಾಟಕ ರಕ್ಷಣಾ ವೇದಿಕೆ ಗಜಸೇನೆ ಕಾರ್ಯಕರ್ತರು ಮನವಿ ಸಲ್ಲಿಸಿದರು. 

          ವೇದಿಕೆ ಜಿಲ್ಲಾಧ್ಯಕ್ಷ ಮಂಜುನಾಥ ಓಲೇಕಾರ ಮಾತನಾಡಿ ಬೆಳಗಾವಿಯ ಬಾಳೆಕುಂದ್ರಿಯಲ್ಲಿ ಕನ್ನಡದಲ್ಲಿ ಮಾತನಾಡು ಎಂದಿದ್ದಕ್ಕೆ ಬೆಳಗಾವಿ ಭಾಗದ ಮರಾಠಿಗರು ಬಸ್ ನಿರ್ವಾಹಕನ ಮೇಲೆ ಮನಸ್ಸೊ ಇಚ್ಚೆ ಹಲ್ಲೆ ಮಾಡಿ ತನ್ನ ಮೊಮ್ಮಗಳ ವಯಸ್ಸಿನ ಹೆಣ್ಣು ಮಗುವಿನ ಕಡೆಯಿಂದ ಮಹಾದೇವಪ್ಪ ಹುಕ್ಕೇರಿಯವರ ಮೇಲೆ ಪೊಕ್ಸೊ ಪ್ರಕರಣ ದಾಖಲಿಸಿದ ಮರಾಠಿಗರ ಉದ್ದಟತನವನ್ನು ಕರ್ನಾಟಕ ರಕ್ಷಣಾ ವೇದಿಕೆ ಗಜಸೇನೆ ತೀವ್ರವಾಗಿ ಖಂಡಿಸುತ್ತದೆ.ಕೂಡಲೆ ರಾಜ್ಯ ಸರ್ಕಾರ ಗಡಿ ಭಾಗದ ಕನ್ನಡಿಗರ ಪರ ನಿಂತು ಎಂ,ಇ,ಎಸ್, ಗುಂಡಾಗಳ ಸೂಕ್ತ ಕ್ರಮ ಕೈಗೊಳ್ಳಬೇಕು ಎಂದು ಕರ್ನಾಟಕ ರಕ್ಷಣಾ ವೇದಿಕೆ ಗಜಸೇನೆ ಆಗ್ರಹಿಸುತ್ತದೆ ಎಂದು ಮಂಜುನಾಥ ಓಲೇಕಾರ ಆಕ್ರೋಶ ವ್ಯಕ್ತಪಡಿಸಿದರು. 

         ಈ ಸಂದರ್ಭದಲ್ಲಿ ಜಿಲ್ಲಾ ಉಪಾಧ್ಯಕ್ಷ ಫಕ್ಕೀರೇಶ ಕಟ್ಟಿಮನಿ,ಜಿಲ್ಲಾ ಉಪಾಧ್ಯಕ್ಷ ಸುಭಾನಿ ಹಿತ್ತಲಮನಿ,ರಾಜ್ಯ ಮಹಿಳಾ ಸಂಚಾಲಕಿ ಪ್ರೇಮಾ ಮೂಲಿಮನಿ,ಉತ್ತರಕರ್ನಾಟಕ ಮಹಿಳಾ ಸಂಚಾಲಕಿ ಸುಧಾ ಪಾಟೀಲ.ಉತ್ತರ ಕರ್ನಾಟಕ ಮಹಿಳಾ ಪ್ರಧಾನಕಾರ್ಯದರ್ಶಿ ಗೌರಮ್ಮ ಬೆಲ್ಲದ ಹಾವೇರಿ ತಾಲೂಕು ಅಧ್ಯಕ್ಷ ಜಗದೀಶ ಮಲ್ಲಾಡದ, ಜಿಲ್ಲಾ ಸಂಚಾಲಕ ಮಾಲತೇಶ ಜಿ.ಕೆ ರಾಣೆಬೆನ್ನೂರ ತಾಲೂಕು ಅಧ್ಯಕ್ಷ ಕುಮಾರ ಸುಳ್ಳನವರ,ಜಿಲ್ಲಾ ಸಂಚಾಲಕ ನಾಗರಾಜ ವಾಲಿಕಾರ, ಮಹಬೂಬ್ಬಿ ಹಿತ್ತಲಮನಿ,ಚಿಕ್ಕಪ್ಪ ಬಿಜ್ಜೂರ,ಶೊಬಾ ಇಚ್ಚಂಗಿ,ಗಿರಿಜಮ್ಮ ನೀಡಗುಂದಿ,ಹಾಲಮ್ಮ ಹಿರೇಗೌಡ್ರ ವಿಜಿಯಾ ಹಿರೇಮಠ,ಶ್ರೀದೇವಿ ಹಿರೇಮಠ, ಅಕ್ಕಮಹಾದೇವಿ ನೇರ್ತಿ,ಭಾಗ್ಯಶ್ರೀ ಮೋರೆ ಲಲಿತಾ ಗೊರವರ, ಮಲ್ಲವ್ವ ಮಕರಬ್ಬಿ, ಲಕ್ಷ್ಮೀ ಗಂಗಮ್ಮನವರ ಸೇರಿದಂತೆ ಅನೇಕರಿದ್ದರು.