56,000 ಮಂದಿ ಪಾಕಿಸ್ಥಾನದ ಭಿಕ್ಷುಕರು ಸೌದಿ ಅರೇಬಿಯಾದಿಂದ ಗಡೀಪಾರು
ರಿಯಾದ್: ದೇಶೀಯ ವಿಮಾನ ಹಾರಾಟ ನಿಷೇಧ ಪಟ್ಟಿಗಳು ಮತ್ತು ವಿದೇಶಿ ಸರಕಾರಗಳ ಕಠಿನ ಎಚ್ಚರಿಕೆಗಳಿಗೂ ಬೆದರದೆ , ಸಾವಿರಾರು ಪಾಕಿಸ್ಥಾನಿಗಳು ಭಿಕ್ಷೆ ಬೇಡಲು ವಿದೇಶಗಳಿಗೆ ಪ್ರಯಾಣಿಸುವುದನ್ನು ಮುಂದುವರೆಸಿದ್ದು,ಇನ್ನು ಕೆಲವರು ವಿದೇಶಗಳಿಗೆ ಪ್ರಯಾಣಿಸಲು ಪ್ರಯತ್ನಿಸುತ್ತಿದ್ದಾರೆ.ಈ ನಡುವೆ ಇಸ್ಲಾಂನ ಎರಡು ಪವಿತ್ರ ಸ್ಥಳಗಳನ್ನು ಹೊಂದಿರುವ ಸೌದಿ ಅರೇಬಿಯಾವು ಭಿಕ್ಷಾಟನೆ ನಿರತರಾಗಿದ್ದ ಸುಮಾರು 56,000 ಮಂದಿ ಪಾಕಿಸ್ಥಾನಿಗಳನ್ನು ಗಡೀಪಾರು ಮಾಡಿದೆ.
ವರದಿಗಳ ಪ್ರಕಾರ, ಸಂಘಟಿತ ಭಿಕ್ಷಾಟನಾ ಗ್ಯಾಂಗ್‌ಗಳು ವಿದೇಶಗಳಿಗೆ ವಲಸೆ ಹೋಗುವುದನ್ನು ತಡೆಯಲು ಪಾಕಿಸ್ಥಾನನದ ಫೆಡರಲ್ ತನಿಖಾ ಸಂಸ್ಥೆ 2025 ರಲ್ಲಿ 66,154 ಪ್ರಯಾಣಿಕರನ್ನು ವಿಮಾನಗಳಿಂದ ಇಳಿಸಿದ ಹೊರತಾಗಿಯೂ ಈ ಅಂಕಿ ಅಂಶ ಕಂಡು ಬಂದಿದೆ.
ಕಳೆದ ತಿಂಗಳಷ್ಟೇ, ಯುಎಇ ಹೆಚ್ಚಿನ ಪಾಕಿಸ್ಥಾನಿ ನಾಗರಿಕರಿಗೆ ವೀಸಾ ನೀಡುವುದನ್ನು ನಿಲ್ಲಿಸಿತ್ತು. ಅವಕಾಶ ನೀಡಿದರೆ ಅವರು ಗಲ್ಫ್ ದೇಶಕ್ಕೆ ಪ್ರಯಾಣಿಸಿ ಅಪರಾಧ ಚಟುವಟಿಕೆಗಳಲ್ಲಿ ಮತ್ತು ಭಿಕ್ಷಾಟನೆಯಲ್ಲಿ ಭಾಗಿಯಾಗುವ ಸಾಧ್ಯತೆ ಇದೆ ಎನ್ನುವುದು ಪ್ರಮುಖ ಕಾರಣವಾಗಿತ್ತು.
