ನೇಪಾಳ ಪ್ರವಾಹದಲ್ಲಿ ಸಾವಿನ ಸಂಖ್ಯೆ 1,127ಕ್ಕೆ ಏರಿಕೆ; ಇನ್ನೂ 4,858 ಮಂದಿ ನಾಪತ್ತೆ

ಕಠ್ಮಂಡು, ಸೆಪ್ಟೆಂಬರ್ 2: ನೇಪಾಳದಲ್ಲಿ ಸಂಭವಿಸಿದ ಭೀಕರ ಪ್ರವಾಹದಲ್ಲಿ ಸಾವನ್ನಪ್ಪಿದವರ ಸಂಖ್ಯೆ 1,127ಕ್ಕೆ ಏರಿಕೆಯಾಗಿದೆ ಎಂದು ಪೊಲೀಸ್ ಮೂಲಗಳನ್ನು ಉಲ್ಲೇಖಿಸಿ ವರದಿಗಳು ತಿಳಿಸಿವೆ.

ಕಠ್ಮಂಡು ಪೋಸ್ಟ್ ವರದಿ ಪ್ರಕಾರ, ಪ್ರವಾಹ ಪೀಡಿತ ಪ್ರದೇಶಗಳಿಂದ 6,541 ಮಂದಿಯನ್ನು ರಕ್ಷಿಸಲಾಗಿದೆ, ಆದರೆ 4,858 ಮಂದಿ ಇನ್ನೂ ನಾಪತ್ತೆಯಾಗಿದ್ದಾರೆ.

ಆಗಸ್ಟ್ 26ರ ಬೆಳಗ್ಗೆ ಉತ್ತರ ನೇಪಾಳದಲ್ಲಿ ಪ್ರವಾಹ ಸಂಭವಿಸಿತು. ಚೀನಾದ ಭಾಗದಿಂದ ಭಾರೀ ಪ್ರಮಾಣದಲ್ಲಿ ಹರಿದು ಬಂದ ನೀರು ಪರ್ವತ ಪ್ರದೇಶದಲ್ಲಿರುವ ಭೋಟೇಕೋಶಿ ನದಿಗೆ ನುಗ್ಗಿದ ಪರಿಣಾಮ ಪ್ರವಾಹ ಉಂಟಾಯಿತು.

ವರದಿಗಳ ಪ್ರಕಾರ, ಹಿಮನದಿ ಕುಸಿತದ ಬಳಿಕ ಸಂಭವಿಸಿದ ಭೂಕುಸಿತ ಈ ದುರಂತಕ್ಕೆ ಕಾರಣವಾಗಿದ್ದು, ಭಾರೀ ಪ್ರಮಾಣದ ನೀರಿನ ಪ್ರವಾಹ ಕೆಳಭಾಗಕ್ಕೆ ಹರಿದು ವ್ಯಾಪಕ ಹಾನಿಯನ್ನುಂಟುಮಾಡಿದೆ.