ಎರಡು ಚರಣಕ್ಕೆ ನಿಂತ ವಂದೇ ಮಾತರಂ: ಮೈಕ್ ಹಿಡಿದು ಪೂರ್ಣಗೊಳಿಸಿದ ಶಾಸಕ ಬೆಲ್ದಾಳೆ

ಎರಡು ಚರಣಕ್ಕೆ ನಿಂತ ವಂದೇ ಮಾತರಂ: ಮೈಕ್ ಹಿಡಿದು ಪೂರ್ಣಗೊಳಿಸಿದ ಶಾಸಕ ಬೆಲ್ದಾಳೆ  

ಬೀದರ್ 13: ಬೀದರ್ ದಕ್ಷಿಣ ಕ್ಷೇತ್ರದ ಬೇಮಳಖೇಡಾ ಗ್ರಾಮದಲ್ಲಿ ನಡೆದ ‘ಪ್ರಜಾ ಸೇವಾ ಆಂದೋಲನ’ (ಜನಸ್ಪಂದನ) ಕಾರ್ಯಕ್ರಮದಲ್ಲಿ ವಂದೇ ಮಾತರಂ ಗಾಯನದ ವೇಳೆ ಶಾಸಕ ಡಾ. ಶೈಲೇಂದ್ರ ಬೆಲ್ದಾಳೆ ಅವರು ಸ್ವತಃ ಮೈಕ್ ಹಿಡಿದು ಗಾಯನವನ್ನು ಮುಂದುವರಿಸಿ, ಎಲ್ಲಾ ಚರಣಗಳನ್ನು ಹಾಡಿದ ಘಟನೆ ನಡೆಯಿತು.  ಸರ್ಕಾರಿ ಕಾರ್ಯಕ್ರಮಗಳಲ್ಲಿ ವಂದೇ ಮಾತರಂನ ಮೊದಲ ಎರಡು ಚರಣಗಳನ್ನು ಮಾತ್ರ ಹಾಡಬೇಕು ಎಂಬ ಕರ್ನಾಟಕ ಸರ್ಕಾರದ ಆದೇಶದ ಹಿನ್ನೆಲೆಯಲ್ಲಿ, ಜನಸ್ಪಂದನ ಕಾರ್ಯಕ್ರಮದ ಆರಂಭದಲ್ಲಿ ವಂದೇ ಮಾತರಂನ ಮೊದಲ ಎರಡು ಚರಣಗಳನ್ನು ಹಾಡಿ ನಿಲ್ಲಿಸಲಾಯಿತು.  ಈ ಸಂದರ್ಭದಲ್ಲಿ ವೇದಿಕೆಯಲ್ಲಿದ್ದ ಶಾಸಕ ಡಾ. ಶೈಲೇಂದ್ರ ಬೆಲ್ದಾಳೆ ಅವರು ಸ್ವತಃ ಮೈಕ್ ಹಿಡಿದು ವಂದೇ ಮಾತರಂ ಗಾಯನವನ್ನು ಪುನಃ ಪ್ರಾರಂಭಿಸಿ, ಎಲ್ಲಾ ಚರಣಗಳನ್ನು ಹಾಡಿದರು. ಶಾಸಕರು ಗಾಯನ ಮುಂದುವರಿಸಿದ ಸಂದರ್ಭದಲ್ಲಿ ಸಭೆಯಲ್ಲಿ ದೇಶಭಕ್ತಿಯ ವಾತಾವರಣ ನಿರ್ಮಾಣವಾಯಿತು. ಸಾರ್ವಜನಿಕರು ಹಾಗೂ ಕಾರ್ಯಕರ್ತರು ಶಾಸಕರೊಂದಿಗೆ ಧ್ವನಿಗೂಡಿಸಿ ದೇಶಭಕ್ತಿಯ ಭಾವನೆ ವ್ಯಕ್ತಪಡಿಸಿದರು.  ನಂತರ ಮಾತನಾಡಿದ ಶಾಸಕ ಡಾ. ಶೈಲೇಂದ್ರ ಬೆಲ್ದಾಳೆ, “ವಂದೇ ಮಾತರಂ ದೇಶಭಕ್ತಿಯ ಪ್ರತೀಕವಾಗಿದ್ದು, ಅದರ ಗಾಯನಕ್ಕೆ ಯಾವುದೇ ರೀತಿಯ ನಿರ್ಬಂಧ ಇರಬಾರದು. ಸರ್ಕಾರ ಹೊರಡಿಸಿರುವ ಆದೇಶವನ್ನು ಹಿಂಪಡೆಯಬೇಕು” ಎಂದು ಒತ್ತಾಯಿಸಿದರು.