ವಿವಿಧ ಬೇಡಿಕೆಗಳ ಈಡೇರಿಕೆಗೆ ಆಗ್ರಹಿಸಿ ಅಂಗನವಾಡಿ ಆಶಾ ಕಾರ್ಯಕರ್ತೆಯರ ಬೃಹತ್ ಪ್ರತಿಭಟನೆ
ಜಮಖಂಡಿ 10: ಆಲ್ ಇಂಡಿಯಾ ಯುನೈಟೆಡ್ ಟ್ರೇಡ್ ಯೂನಿಯನ್ ಸೆಂಟರ್ (ಎಐಯುಟಿಯುಸಿ) ಸಂಘಟನೆಯ ಅಂಗನವಾಡಿ ಹಾಗೂ ಸಹಾಯಕಿಯರು ಮತ್ತು ಆಶಾ ಕಾರ್ಯಕರ್ತೆಯರು ವಿವಿಧ ಬೇಡಿಕೆಯನ್ನು ಈಡೇರಿಸಬೇಕೆಂದು ಬೃಹತ್ ಪ್ರತಿಭಟನೆಯನ್ನು ನಡೆಸಿದರು.
ನಗರದ ಎ,ಜಿ,ದೇಸಾಯಿ ಸರ್ಕಲ್‌ದಿಂದ ತಹಶೀಲ್ದಾರ ಕಚೇರಿಯವರೆಗೆ ಪಾದಯಾತ್ರೆಯ ಮೂಲಕ ಸರಕಾರದ ವಿರುದ್ದ ಘೋಷಣೆಯನ್ನು ಕೂಗುತ್ತಾ ತಹಶೀಲ್ದಾರ ಸದಾಶಿವ ಮಕ್ಕೋಜಿ ಅವರ ಮೂಲಕ ಪ್ರಧಾನಮಂತ್ರಿಗಳಿಗೆ ಮನವಿ ಸಲಿಸಿದರು.
ನಂತರ ಮಾತನಾಡಿದ ಅವರು, ಕೇಂದ್ರಕಾರ್ಮಿಕ ಸಂಘಟನೆಗಳ ಜಂಟಿ (ಜೆಸಿಟಿಯು)ಸಮಿತಿ ಕರೆಯ ಮೇರೆಗೆ ಇಂದು ಕಾರ್ಮಿಕರನ್ನು ಗುಲಾಮಗಿರಿಗೆ ತಳ್ಳುವ 4 ಸಂಹಿತೆಗಳು, ಕೇಂದ್ರ ಹಾಗೂ ರಾಜ್ಯ ಸರ್ಕಾರಗಳ ಕಾರ್ಮಿಕ ವಿರೋಧಿ, ಕಾರ‍್ೋರೇಟ್ ಪರವಾದ ನೀತಿಗಳ ವಿರುದ್ಧ, ಅಷ್ಟೇ ಅಲ್ಲದೇ ನಮ್ಮ ರಾಜ್ಯದಲ್ಲಿ ವಿಶಿಷ್ಟವಾಗಿ ಈ ಲೇಬರ್ ಕೊಡಗಳನ್ನು ಫ್ಯಾಕ್ಟರಿ ಕಾಯ್ದೆಗೆ ತಿದ್ದುಪಡಿ ಮಾಡುವ ಮೂಲಕ ಹಿಂಬಾಗಿಲಿನಿಂದ ಅನೌಪಚಾರಿಕವಾಗಿ ತರಲು ಯತ್ನಿಸುವುದನ್ನು ವಿರೋಧಿಸಿ ಎಐಯುಟಿಯುಸಿ ತೀವ್ರವಾಗಿ ವಿರೋಧಿಸುತ್ತದೆ ಎಂದರು.
ನಾಲ್ಕು ಕಾರ್ಮಿಕ ಸಂಹಿತೆಗಳನ್ನು ಕೂಡಲೇ ರದ್ದುಗೊಳಿಬೇಕು, ಅಸಂಘಟಿತ ವಲಯದ ಕಾರ್ಮಿಕರು, ಗುತ್ತಿಗೆ ಕಾರ್ಮಿಕರು ಮತ್ತು ಸ್ಕಿಮ್ ಸೇರಿದಂತೆ ಎಲ್ಲಾ ಕಾರ್ಮಿಕರಿಗೆ ರಾಷ್ಟ್ರೀಯ ಕನಿಷ್ಠ ವೇತನ 26 ಸಾವಿರ ರೂ,ಗಳನ್ನು ಪ್ರತಿ ತಿಂಗಳು. ಕಾರ್ಮಿಕರಿಗೆ ನೀಡಬೇಕು, ವಿವಿಧ ಯೋಜನೆಗಳು ಮತ್ತು ನೆಪಗಳ ಅಡಿಯಲ್ಲಿ ಯಾವುದೇ ರೀತಿಯ ಕೆಲಸವನ್ನು ಹೊರಗುತ್ತಿಗೆ, ಸ್ಥಿರ-ಅವಧಿಯ ಉದ್ಯೋಗ, ಅಪ್ರೆಂಟಿಸ್‌ಗಳು, ತರಬೇತಿದಾರರು ಇತ್ಯಾದಿ ಕ್ಯಾಶುವಲ್ ಮಾಡಬಾರದು. ಗುತ್ತಿಗೆ ಕಾರ್ಮಿಕರಿಗೆ ಸಮಾನ ಕೆಲಸಕ್ಕೆ ಸಮಾನ ವೇತನವನ್ನು ತಕ್ಷಣ ಜಾರಿಗೊಳಿಸಬೇಕು, ಅಸಂಘಟಿತ ಕಾರ್ಮಿಕರು ಮತ್ತು ಕೃಷಿ ಕಾರ್ಮಿಕರು ಸೇರಿದಂತೆ ಎಲ್ಲಾ ವರ್ಗದ ಕಾರ್ಮಿಕರಿಗೆ ಕನಿಷ್ಠ ರೂ.9 ಸಾವಿರ ರೂ,ಗಳ ಪಿಂಚಣಿ ಮತ್ತು ಸಾಮಾಜಿಕ ಭದ್ರತೆಯನ್ನು ಖಚಿತಪಡಿಸಿಕೊಳ್ಳಿ. ಮನೆ ಆಧಾರಿತ ಕಾರ್ಮಿಕರು, ವ್ಯಾಪಾರಿಗಳು, ಗೃಹ ಕಾರ್ಮಿಕರು, ನಿರ್ಮಾಣಕಾರ್ಮಿಕರು, ವಲಸೆ ಕಾರ್ಮಿಕರು, ಸ್ಕಿಮ್ ಕಾರ್ಮಿಕರು, ಕೃಷಿ ಕಾರ್ಮಿಕರು, ಅಂಗಡಿ ಸ್ಥಾಪನೆಗಳಲ್ಲಿನ ಕಾರ್ಮಿಕರು, ಲೋಡಿಂಗ್ ಅನ್ ಲೋಡಿಂಗ್ ಕಾರ್ಮಿಕರು, ಗಿಗ್‌ಕಾರ್ಮಿಕರು, ಸಾಲ್ಟ್‌ ಪ್ಯಾನ್‌ಕಾರ್ಮಿಕರು, ಬೀಡಿಕಾರ್ಮಿಕರು, ಟಾಡಿ-ಟ್ಯಾಪ್ಟರ್‌ಗಳು, ರಿಕ್ಷಾ ಎಳೆಯುವವರು, ಆಟೋ ರಿಕ್ಷಾ ಟ್ಯಾಕ್ಸಿಚಾಲಕರು, ಮಾಜಿ ದೇಶಪ್ರೇಮಿ ಕಾರ್ಮಿಕರು, ಮೀನುಗಾರಿಕೆ ಸಮುದಾಯ ಇತ್ಯಾದಿ ಕಾರ್ಮಿಕರನ್ನು ನೋಂದಾಯಿಸಬೇಕು ಮತ್ತು ಪಿಂಚಣಿ ಸೇರಿದಂತೆ ಸಮಗ್ರ ಸಾಮಾಜಿಕ ಭದ್ರತೆಯಲ್ಲಿ ಪೋರ್ಟಬಿಲಿಟಿ ನೀಡಬೇಕು. ಹಳೆಯ ಪಿಂಚಣಿ ಯೋಜನೆಯನ್ನು ಮರುಸ್ಥಾಪಿಸಿ. ಮತ್ತು ಎನ್‌ಪಿಎಸ್ ಮತ್ತು ಯುಪಿಎಸ್ ರದ್ದುಗೊಳಿಸಿ. ಬೋನಸ್, ಭವಿಷ್ಯ ನಿಧಿಯ ಪಾವತಿ ಮತ್ತು ಅರ್ಹತೆಯ ಮೇಲಿನ ಎಲ್ಲಾ ಮಿತಿಗಳನ್ನು ತೆಗೆದುಹಾಕುವುದ, ಗ್ರಾಚ್ಯುಟಿ ಪ್ರಮಾಣವನ್ನು ಹೆಚ್ಚಿಸಬೇಕು, ಅರ್ಜಿ ಸಲ್ಲಿಸಿದ 45 ದಿನಗಳ ಅವಧಿಯಲ್ಲಿ ಕಾರ್ಮಿಕ ಸಂಘಗಳ ಕಡ್ಡಾಯ ನೋಂದಣಿ ಐಎಲ್‌ಒ ಸಮಾವೇಶಗಳು ಸಿ87 ಮತ್ತು ಸಿ98ರ ತಕ್ಷಣದ ಅನುಮೋದನೆ ನೀಡಬೇಕೆಂದು ಹೀಗೆ ವಿವಿಧ ಬೇಡಿಕೆಯನ್ನು ನೀಡಬೇಕೆಂದು ಒತ್ತಾಯಿಸಿದರು.
ಇದೇ ಸಂದರ್ಭದಲ್ಲಿ ಶೋಭಾ ಪಾಟೀಲ, ಕಸ್ತೂರಿ ಅಂಗಡಿ, ಸುನಂದಾ ಬಿಜ್ಜರಗಿ, ಗೌರವ್ವ ಮೈಗೂರ, ಆರ್‌.ಎಮ್‌. ಶೇಗುಣಸಿ, ವಿ.ಬಿ. ಕೋರೆಮಠ, ಬಿ.ಪಿ. ಹಿರೇಮಠ,ಮಾಲಾ ಮುಳಿಕ, ಎಮ್‌. ಎಸ್‌. ಕಾತರಾಳ, ದ್ರಾಕ್ಷಾಯಣಿ ನಂದೇಶ್ವರ, ಛಾಯಾ ಲಗಳಿ, ಅಂಜನಾ ಕುಂಬಾರ, ಗಂಗು ಬಿರಾದರ, ಸುನೀತಾ ಜಂಬಗಿ, ಜಿ.ಎಮ್‌. ಹಣಗಂಡಿ, ಜಿ.ಆರ್‌. ದಾತರೆ, ವಾಯ್‌.ಎನ್‌. ದರಮಟ್ಟಿ, ಕೆ.ಎಮ್‌.ಹೊಳ್ಳೆನ್ನವರ, ಐ.ಎಸ್‌.ಮಠಪತಿ, ಶಾಂತಾ ಕುಂಚನೂರ, ಎಸ್‌.ಎಮ್‌. ಗುಗರಿ, ಬಾಗು ಗಸ್ತಿ, ಸಾವಿತ್ರಿ ಯಲ್ಲಟ್ಟಿ, ಎನ್‌.ಎಸ್‌. ಸನದಿ, ಎಸ್‌. ಎಮ್‌. ಓಣಿ, ಸಿ.ಎಚ್‌. ನ್ಯಾಮಗೌಡ, ಆಶಾ ಲಕ್ಕಪ್ಪಗೋಳ ಸೇರಿದಂತೆ ಅನೇಕರು ಇದ್ದರು,
