ಯುವ ಜನರ ಮೂಲಕ ಕೇಂದ್ರದ ಯೋಜನೆಗಳು ಸಾರ್ವಜನಿಕರಿಗೆ ತಲುಪಲಿ: ಡಾ. ಶಶಿಧರ ನರೇಂದ್ರ

ಯುವ ಜನರ ಮೂಲಕ ಕೇಂದ್ರದ ಯೋಜನೆಗಳು ಸಾರ್ವಜನಿಕರಿಗೆ  ತಲುಪಲಿ: ಡಾ. ಶಶಿಧರ ನರೇಂದ್ರ 

ಧಾರವಾಡ 16: ಕೇಂದ್ರ ಸರ್ಕಾರದ ಹಲವು ಜನಪರ ಯೋಜನೆಗಳನ್ನು ಗ್ರಾಮೀಣ ಪ್ರದೇಶದ ಜನರಿಗೆ ತಲುಪಿಸುವಲ್ಲಿ ಯುವಜನರ ಪಾತ್ರ ಬಹಳ ಮಹತ್ವದ್ದಾಗಿದೆ ಎಂದು ಸಂಸ್ಕಾರ ಭಾರತಿಯ ಕರ್ನಾಟಕ ಉತ್ತರ ಪ್ರಧಾನ ಕಾರ್ಯದರ್ಶಿ ಡಾ. ಶಶಿಧರ ನರೇಂದ್ರ ಹೇಳಿದರು. 

ಭಾರತ ಸರ್ಕಾರದ ಮೇರಾ ಯುವ ಭಾರತ ಧಾರವಾಡ, ಸಂಸ್ಕಾರ ಭಾರತಿ ಧಾರವಾಡ, ಶ್ರೀ ವಾಲ್ಮೀಕಿ ಸಾಂಸ್ಕೃತಿಕ ಹಾಗೂ ಕ್ರೀಡಾ ಯುವ ಸಂಘ ಮತ್ತು ಅರ್ಜುನ ಪ.ಪೂ. ವಿಜ್ಞಾನ ಮಹಾವಿದ್ಯಾಲಯದ ಸಹಯೋಗದಲ್ಲಿ ಕಾಲೇಜಿನ ಸಭಾ ಭವನದಲ್ಲಿ ಏರಿ​‍್ಡಸಿದ್ದ ಪ್ರಮುಖ ಯೋಜನೆಗಳ ಕುರಿತ ಕಾರ್ಯಾಗಾರವನ್ನು ಉದ್ಘಾಟಿಸಿ ಅವರು ಮಾತನಾಡಿದರು. 

ಪ್ರಧಾನ ಮಂತ್ರಿ ಅವರು ಅನೇಕ ಜನಪರ ಕಾರ್ಯಕ್ರಮಗಳನ್ನು ಜಾರಿಗೆ ತಂದಿದ್ದಾರೆ. ಇತಂಹ ಯುವ ಕೇಂದ್ರಗಳ ಮೂಲಕ ಅವುಗಳ ಬಗ್ಗೆ ಜನರಿಗೆ ಜಾಗೃತಿ ಮೂಡಿಸಲು ಯುವಜನತೆ ಮುಂದಾಗಬೇಕು ಎಂದು ಕರೆ ನೀಡಿದರು.  

ಕಾಲೇಜಿನ ನಿರ್ದೇಶಕರಾದ ಶಿವರಾಮ ಸುಲಾಖೆ ಮುಖ್ಯ ಅತಿಥಿಗಳಾಗಿ ಮಾತನಾಡಿ ಸ್ವಚ್ಛ ಭಾರತದಂತಹ ಪ್ರಮುಖ ಯೋಜನೆಗಳಿಗೆ ಪ್ರತಿಯೊಬ್ಬರೂ ಕೈಜೋಡಿಸಿ, ಸುಂದರ ಪರಿಸರ ಮತ್ತು ಆರೋಗ್ಯಪೂರ್ಣ ಜೀವನ ನಿರ್ಮಾಣ ಮಾಡಲು ಯುವಜನತೆ ಪಾಲ್ಗೊಳ್ಳಬೇಕು ಎಂದರು. 

ಮೇರಾ ಯುವ ಭಾರತ ಧಾರವಾಡದ ಜಿಲ್ಲಾ ಯುವ ಅಧಿಕಾರಿಗಳಾದ ಎಂ ಗೌತಮ್ ರೆಡ್ಡಿ ಪ್ರಾಸ್ತಾವಿಕವಾಗಿ ಮಾತನಾಡಿದರು.  

ನಂತರದಲ್ಲಿ ಸಂಪನ್ಮೂಲ ವ್ಯಕ್ತಿಗಳಾದ ಪ್ರದೀಪ ಮೇಲ್ಗಡೆ, ಡಾ. ಅಮೃತಾ ಮಡಿವಾಳ, ಆಯುಬ್ ಇವರು ಸರ್ಕಾರದ ಯೋಜನೆಗಳ ಕುರಿತು ಸಮಗ್ರ ಮಾಹಿತಿ ನೀಡಿದರು.  

ಈ ಸಂದರ್ಭದಲ್ಲಿ ಭಾಗವಹಿಸಿದ ಶಿಬಿರಾರ್ಥಿಗಳಿಗೆ ಪ್ರಮಾಣಪತ್ರ ವಿತರಿಸಲಾಯಿತು ಮತ್ತು ಪ್ರಮುಖ ಯೋಜನೆಗಳ ಕುರಿತ ಬ್ರೋಚರ್ ಬಿಡುಗಡೆಗೊಳಿಸಲಾಯಿತು.   

ಕಾರ್ಯಕ್ರಮದಲ್ಲಿ ಕಾಲೇಜಿನ ಪ್ರಾಂಶುಪಾಲರಾದ ಸಂತೋಷ ಹಂಚಾಟೆ, ಡಾ. ನಾಗೇಂದ್ರ ದೊಡ್ಡಮನಿ, ಮುರಳೀಧರ, ವೈಶಾಲಿ ರಸಾಕರ, ಶಿವಾಜಿ ಎನ್‌. ಕೆ ಅನೇಕ ಗಣ್ಯರು ಹಾಗೂ ಯುವ ಜನತೆ ಉಪಸ್ಥಿತರಿದ್ದರು.