ಜಂಟಿ ನಿರ್ದೇಶಕರಾಗಿ ಜಯಶ್ರೀ ಕಾರೇಕರ ಅಧಿಕಾರ ಸ್ವೀಕಾರ
ಧಾರವಾಡ 22: ಶಾಲಾ ಶಿಕ್ಷಣ ಇಲಾಖೆ ಬೆಳಗಾವಿ ವಿಭಾಗದ ಅಪರ ಆಯುಕ್ತಾಲಯದಲ್ಲಿ ಜಂಟಿ ನಿರ್ದೇಶಕರಾಗಿ ಹಿರಿಯ ಕೆ.ಇ.ಎಸ್‌. ಅಧಿಕಾರಿ ಜಯಶ್ರೀ ಕಾರೇಕರ ಸೋಮವಾರ ಅಧಿಕಾರ ಸ್ವೀಕರಿಸಿದರು.
1994ರಲ್ಲಿ ಕೆ.ಇ.ಎಸ್‌. ತೇರ್ಗಡೆ ಹೊಂದಿ ಹಾವೇರಿ ಜಿಲ್ಲೆ ಹಾನಗಲ್ ತಾಲೂಕು ಶೇಷಗಿರಿ ಸರಕಾರಿ ಪ್ರೌಢ ಶಾಲೆಯ ಮುಖ್ಯಾಧ್ಯಾಪಕಿಯಾಗಿ, 1997ರಲ್ಲಿ ನಗರದ ಡಯಟ್ ಉಪನ್ಯಾಸಕಿಯಾಗಿ, 2003ರಲ್ಲಿ ಮತ್ತೆ ಕಲಘಟಗಿ ತಾಲೂಕು ಹಿರೇಹೊನ್ನಳ್ಳಿ ಸರಕಾರಿ ಪ್ರೌಢ ಶಾಲೆ ಮುಖ್ಯ ಶಿಕ್ಷಕಿಯಾದರು. ನಂತರ ಹಿರಿಯ ಉಪನ್ಯಾಸಕಿಯಾಗಿ ಕಾರ್ಯನಿರ್ವಹಿಸಿದರು. ನಿಕಟಪೂರ್ವದಲ್ಲಿ ಧಾರವಾಡ ಡಯಟ್ ಪ್ರಾಚಾರ್ಯರಾಗಿದ್ದರು.
