ಜಮಖಂಡಿ ವ್ಯಾಪಾರಸ್ಥರಿಂದ ಬಂದ್ ಕರೆ

ಲೋಕದರ್ಶನ ವರದಿ, 

ಜಮಖಂಡಿ : 23: ಹೊರರಾಜ್ಯಗಳಿಂದ ಅರಸಿ ಬಂದ ವ್ಯಾಪಾರಿಗಳ ವಿರುದ್ದ ಮಾ.25 ರಂದು ಜಮಖಂಡಿ ವ್ಯಾಪಾರಸ್ಥರಿಂದ ಹಾಗೂ ವಿವಿಧ ಕನ್ನಡ ಪರ ಸಂಘಟನೆಯಿಂದ ಬಂದ್ ಕರೆಯನ್ನು ಘೋಷಿಲಾಗುತ್ತದೆಂದು ನ್ಯಾಯವಾದಿ ಎನ್,ಎಸ್,ದೇವರವರ ತಿಳಿಸಿದರು. 

ಇಲ್ಲಿನ ರಮಾ ನಿವಾಸದಲ್ಲಿ ನಡೆದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಕನ್ನಡಿಗರನ್ನು ಹತ್ತಿಕ್ಕಿ ಬೇರೆ ಭಾಷೆಯ ಮತ್ತು ಬೇರೆ ರಾಜ್ಯದ ಜನರು ಇಲ್ಲಿಗೆ ಆಶ್ರಯ ಅರಸಿ ಬಂದು. ವಿಶಾಲ ಹೃದಯದ ಕನ್ನಡಿಗರಿಂದ ಅವಕಾಶವನ್ನು ಪಡೆದುಕೊಂಡು ಇಂದು ಕನ್ನಡಿಗರೊಂದಿಗೆ ಅನಾರೋಗ್ಯಕರವಾದ ವ್ಯಾಪಾರ ಪೈಪೋಟಿಗೆ ಇಳಿಯುತ್ತಿದ್ದಾರೆ. ಶೇ.70 ರಿಂದ 80 ರಷ್ಟು ಸ್ಥಳೀಯ ವ್ಯಾಪಾರಿಗಳಿಂದ ರಾಜಸ್ಥಾನಿ, ಗುಜರಾತಿ, ಉತ್ತರ​‍್ರದೇಶದ ವ್ಯಾಪಾರಿಗಳ ಪಾಲಾಗುತ್ತಿದೆ. ಪ್ರತಿಯೊಂದು ವ್ಯಾಪಾರಗಳು ಬೇರೆ ರಾಜ್ಯದವರ ಅಂಗಡಿಗಳನ್ನು ಪಡೆದುಕೊಂಡು ಅವರೆ ಉದ್ಯೋಗವನ್ನು ಮಾಡುತ್ತಿದ್ದಾರೆ. ಅವರಲ್ಲಿ ಸ್ಥಳೀಯ ಕೂಲಿ ಕಾರ್ಮಿಕರನ್ನು ಕೆಲಸಕ್ಕೆ ಪಡೆದುಕೊಳ್ಳದೆ. ನಿರುದ್ಯೋಗಿಗಳು ಕೆಲಸವಿಲ್ಲದೆ ಪರದಾಡುತ್ತಿದ್ದಾರೆ. ಹೊರ ರಾಜ್ಯದ ರಾಜಸ್ಥಾನಿ, ಉತ್ತರ​‍್ರದೇಶ, ಗುಜರಾತ್‌ದಿಂದ ಅರಸಿ ಬಂದ ವ್ಯಾಪಾರಿಗಳು ಮರಳಿ ತಮ್ಮ ರಾಜ್ಯಕ್ಕೆ ಹೋಗಬೇಕೆಂದು ಒತ್ತಾಯಿಸಿದರು.   

ವಿವಿಧ ಕನ್ನಡ ಪರ ಸಂಘಟನೆಗಳು ಮತ್ತು ವಿವಿಧ ವ್ಯಾಪಾರಸ್ಥರ ಸಂಘಟನೆಗಳು ಬಂದ್‌ಗೆ ಬೆಂಬಲವನ್ನು ನೀಡಿದ್ದಾರೆ ಎಂದರು. 

ಸುದ್ದಿಗೋಷ್ಠಿಯಲ್ಲಿ ಕಾಡು ಜಿರಲಿ, ಅರುಣ ಲಗಳಿ, ಶಿವಶರಣ ಮನಗೂಳಿ, ರಾಜು ಗಾಂದಿ, ರಾಕೇಶ ಜೈನ್, ಶೀತಲ ರಾಠಿ, ವಸೀಮ ಅವಟಿ, ತೋಫಿಕ್ ಕಡಕೋಳ, ಆನಂದ ಮನಗೂಳಿ, ವಿಠ್ಠಲ ಮರಾಠೆ, ಸುಂದರ ಮೀಶಿ, ಸೈಯದ ಶೇಖ, ಮಹಾಂತೇಶ ಕಲ್ಯಾಣಿ, ಜಿ,ಎಚ್, ಹಲ್ಯಾಳ, ಪ್ರಕಾಶ ಚವ್ಹಾಣ, ಪ್ರಭು ಕಲ್ಯಾಣಶೆಟ್ಟಿ, ಗಣೇಶ ಸಾಳೋಂಕಿ, ಪವಣ ಪತಂಗೆ ಸೇರಿದಂತೆ ಅನೇಕರು ಇದ್ದರು,