ವಕೀಲರ ಸಂಘದ ಉಪಾಧ್ಯಕ್ಷ ಮಾಲಿಪಾಟೀಲ್ಗೆ ವಿಶೇಷ ಸನ್ಮಾನ
ಕೊಪ್ಪಳ, ಸೆ.16: ಜಿಲ್ಲಾ ವಕೀಲರ ಸಂಘದ ನೂತನ ಜಿಲ್ಲಾ ಉಪಾಧ್ಯಕ್ಷರಾಗಿ ಆಯ್ಕೆಯಾಗಿರುವ ನ್ಯಾಯವಾದಿ ಎ.ಎಸ್‌. ಮಾಲಿಪಾಟೀಲ್ ಅವರಿಗೆ ‘ಕರುನಾಡ ಚೇತನ’ ಪ್ರಶಸ್ತಿ ಪ್ರದಾನ ಮಾಡಿ ಸನ್ಮಾನಿಸಲಾಯಿತು. ಇತ್ತೀಚೆಗೆ ನಡೆದ ಸಮಾರಂಭವೊಂದರಲ್ಲಿ ಕಾರಣಾಂತರಗಳಿಂದ ಅನುಪಸ್ಥಿತರಾಗಿದ್ದ ಹಿನ್ನೆಲೆಯಲ್ಲಿ, ಅವರ ಕಚೇರಿ ಸಭಾಂಗಣದಲ್ಲಿ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮ ಆಯೋಜಿಸಲಾಗಿತ್ತು. ಜಿಲ್ಲಾ ವಕೀಲರ ಸಂಘದ ಅಧ್ಯಕ್ಷ ಪ್ರಕಾಶ್ ಆನಂದ ಹಳ್ಳಿಯವರ ನೇತೃತ್ವದಲ್ಲಿ ಮಾಲಿಪಾಟೀಲ್ ಅವರನ್ನು ಪ್ರಶಸ್ತಿ ನೀಡಿ ಗೌರವಿಸಲಾಯಿತು.
ಈ ಸಂದರ್ಭದಲ್ಲಿ ‘ವಿಶಾಲ ಪ್ರಕಾಶನ’ದ ಪ್ರಕಾಶಕ ಹಾಗೂ ಹಿರಿಯ ಪತ್ರಕರ್ತ ಜಿ.ಎಸ್‌. ಗೋನಾಳ, ಹಿರಿಯ ಪತ್ರಕರ್ತ ಎಂ. ಸಾಧಿಕ್ ಅಲಿ, ಕೆಡಬ್ಲ್ಯುಜೆ ಜಿಲ್ಲಾ ಖಜಾಂಚಿ ಫಕೀರ‍್ಪ ಗೋಠೂರ, ಹಿರಿಯ ನ್ಯಾಯವಾದಿ ಬಿ. ಶರಣಪ್ಪ, ಯುವ ನ್ಯಾಯವಾದಿಗಳಾದ ಅಂಜುಮನ್ ಎಸ್‌.ಎಂ., ಸೋಮರಾಜ್ ರೆಡ್ಡಿ ಗೋನಾಳ, ನಿಂಗಪ್ಪ ಮಜ್ಜಗಿ, ಕಚೇರಿ ಸಹಾಯಕ ಮಂಜುನಾಥ್ ಸೇರಿದಂತೆ ಸಂಘದ ಪದಾಧಿಕಾರಿಗಳು, ಕಾರ್ಯಕರ್ತರು ಹಾಗೂ ಅಭಿಮಾನಿಗಳು ಉಪಸ್ಥಿತರಿದ್ದರು.
