ವಿಶ್ವ ಮಾನಸಿಕ ಆರೋಗ್ಯ ದಿನಾಚರಣೆಯ ಜಾಥಾ
ಲೋಕದರ್ಶನ ವರದಿ
ವಿಶ್ವ ಮಾನಸಿಕ ಆರೋಗ್ಯ ದಿನಾಚರಣೆಯ ಜಾಥಾ
ಧಾರವಾಡ 18 : ವಿಶ್ವ ಮಾನಸಿಕ ಆರೋಗ್ಯ ದಿನಾಚರಣೆಯ ಪ್ರಯುಕ್ತ ಜಿಲ್ಲಾ ಕಾನೂನು ಸೇವೆಗಳ ಪ್ರಾಧಿಕಾರ, ಧಾರವಾಡ ಮಾನಸಿಕ ಆರೋಗ್ಯ ಮತ್ತು ನರವಿಜ್ಞಾನಗಳ ಸಂಸ್ಥೆ, ಧಾರವಾಡ, ಭಾರತೀಯ ವೈದ್ಯಕೀಯ ಸಂಘ ಧಾರವಾಡ ಶಾಖೆ, ಕರ್ನಾಟಕ ವಿಜ್ಞಾನ ಮಹಾವಿದ್ಯಾಲಯ, ರಾಷ್ಟ್ರೀಯ ಸೇವಾ ಯೀಜನೆ ಮತ್ತು ಎನ್‌.ಸಿ.ಸಿ ಘಟಕ, ದಿ.ಶ್ರೀ.ಕೆ.ಆರ್.ಪಾಂಡುರಂಗಿ ಮೆಮೋರಿಯಲ್ ಚಾರಿಟೆಬಲ್ ಫೌಂಡೇಶನ್, ಸ್ವಾಮಿ ವಿವೇಕಾನಂದ ಯೂತ್ ಮೂವಮೆಂಟ್, ಧಾರವಾಡ ಇವರ ಸಹಯೋಗದಲ್ಲಿ ಅಕ್ಟೋಬರ್ 15 ರಂದು “ವಿಶ್ವ ಮಾನಸಿಕ ಆರೋಗ್ಯ ದಿನಾಚರಣೆ” ಯ ನಿಮಿತ್ತ ಜಾಥಾ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿತ್ತು.
ಈ ಕಾರ್ಯಕ್ರಮವನ್ನು ಶ್ರೀ ಪರಶುರಾಮ ಎಫ್‌.ದೊಡ್ಡಮನಿ, ಹಿರಿಯ ಸಿವಿಲ್ ನ್ಯಾಯಾಧೀಶರು ಹಾಗೂ ಸದಸ್ಯ ಕಾರ್ಯದರ್ಶಿಗಳು, ಜಿಲ್ಲಾ ಕಾನೂನು ಸೇವೆಗಳ ಪ್ರಾಧಿಕಾರ, ಧಾರವಾಡ, ಪದ್ಮಶ್ರೀ ಪುರಸ್ಕೃತರು ಹಾಗೂ ನಿಮ್ಹಾನ್ಸ್‌ ಸಂಸ್ಥೆಯ ಮಾಜಿ ನಿರ್ದೇಶಕರಾದ ಡಾ.ಬಿ.ಎನ್‌.ಗಂಗಾಧರ ಹಾಗೂ ಶ್ರೀಮತಿ ಮಂಜರಿ ಸಾಳುಂಕೆ, ಪ್ರಾಂಶುಪಾಲರು, ಕರ್ನಾಟಕ ವಿಜ್ಞಾನ ಮಹಾವಿದ್ಯಾಲಯ, ಧಾರವಾಡ ಇವರುಗಳು ಹಸಿರು ನಿಶಾನೆ ತೋರಿಸುವುದರ ಮೂಲಕ ಜಾಥಾ ಕ್ಕೆ ಚಾಲನೆ ನೀಡಿದರು. ಪದ್ಮಶ್ರೀ ಪುರಸ್ಕೃತರು ಹಾಗೂ ನಿಮ್ಹಾನ್ಸ್‌ ಸಂಸ್ಥೆಯ ಮಾಜಿ ನಿರ್ದೇಶಕರಾದ ಡಾ.ಬಿ.ಎನ್‌.ಗಂಗಾಧರ ಇವರು ಮಾತನಾಡಿ, ಸಮಾಜದಲ್ಲಿ ಮಾನಸಿಕ ಕಾಯಿಲೆಗಳ ಕುರಿತು ಜಾಗೃತಿಯನ್ನು ಮೂಡಿಸುವುದು ನಮ್ಮೆಲ್ಲರ ಜವಾಬ್ದಾರಿಯಾಗಿದೆ. ಈ ಜಾಥಾ ಕಾರ್ಯಕ್ರಮ ಯಶಸ್ವಿಯಾಗಲಿ ಎಂದು ಶುಭಕೋರಿದರು.
ಡಾ.ಅರುಣಕುಮಾರ ಸಿ, ನಿರ್ದೇಶಕರು, ಡಿಮ್ಹಾನ್ಸ್‌ ಧಾರವಾಡ ಇವರು ಮಾತನಾಡಿ ಯಾವಾಗ ಬೌದ್ದಿಕ ಅಪಾಯ ಉಂಟಾಗುತ್ತದೆಯೋ ಆಗ ಮಾನಸಿಕ ಆಘಾತವು ಹೆಚ್ಚಾಗುತ್ತದೆ ಮತ್ತು ಆ ಸಮಯದಲ್ಲಿ ಸಹಾಯ ಅತ್ಯಗತ್ಯವೆಂದು ತಿಳಿಸಿದರು. ಮಾನಸಿಕ ಆರೋಗ್ಯವಿಲ್ಲದೇ ದೈಹಿಕ ಆರೋಗ್ಯವು ಸಂಪೂರ್ಣವಾಗುವುದಿಲ್ಲ ಅಂತಹ ಸಂದರ್ಭದಲ್ಲಿ ಮನಸ್ಸಿಗೆ ದೊರೆಯುವ ಆರೈಕೆ ಬದುಕಿನ ಬಾಳು ಬದೆಲಾಯಿಸಬಲ್ಲ ಓಷಧಿಯಾಗುತ್ತದೆ ಎಂದು ಮಾತನಾಡಿದರು. ಟೆಲಿಮಾನಸ್ ಯೋಜನೆ ಉಚಿತವಾಗಿ ದೂರವಾಣಿ ಮೂಲಕ ಮಾನಸಿಕ ಸಹಾಯವನ್ನು ನೀಡುತ್ತಿದೆ. ಟೆಲಿಮಾನಸ್ ಒಂದು ಜೀವಧಾರೆಯಾಗಿದೆ ಎಂದು ತಿಳಿಸಿದರು. ಸೇವೆಯೆಂದರೆ ಕೇವಲ ಆಸ್ಪತ್ರೆಯಲ್ಲ, ಅದು ಕೇಳುವ ಕಿವಿ, ಸಹಾಯಮಾಡುವ ಕೈ ಮತ್ತು ದಯೆಯ ಮನಸ್ಸು ಕೂಡ ಹೌದು, ಒಬ್ಬರು ಕೇಳಿದರೆ ಅಳುವ ಮನಸ್ಸು ಕೂಡ ನಗುತ್ತದೆ, ಮನಸ್ಸು ಸೌಖ್ಯವಾಗಿದ್ದರೆ ಬದುಕು ಸುಗಮವಾಗುತ್ತದೆ ಎಂದು ತಿಳಿಸಿದರು.
ಖ್ಯಾತ ಮನೋವೈದ್ಯರಾದ ಡಾ.ಆನಂದ ಪಾಂಡುರಂಗಿ ಧಾರವಾಡ ಇವರು ಮಾತನಾಡಿ ಮನೋರೋಗಗಳ ಬಗ್ಗೆ ಮೂಢನಂಬಿಕೆಗಳನ್ನು ಹೋಗಲಡಿಸುವುದರಲ್ಲಿ ಇಂತಹ ಜಾಥಾಗಳು ಸಾಕಷ್ಟು ಪರಿಣಾಮಕಾರಿಯಾಗಿ ಮನೋವಿಜ್ಞಾನದ ಬಗ್ಗೆ ವೈಜ್ಞಾನಿಕ ತಿಳುವಳಿಕೆಯನ್ನು ನೀಡುವಲ್ಲಿ ಪರಿಣಾಮಕಾರಿಯಾಗುತ್ತದೆ. ಈ ದಿಶೆಯಲ್ಲಿ ಮನೆ ಮತ್ತು ಮನಗಳಿಗೆ ಈ ಸಂದೇಶ ಮುಟ್ಟುವಲ್ಲಿ ಈ ಜಾಥಾ ಅರ್ಥಪೂರ್ಣವಾಗಿದೆ ಎಂದು ತಿಳಿಸಿದರು.
ಡಾ.ಜಗದೀಶ ನಿರಡಿ, ಅಧ್ಯಕ್ಷರು, ಭಾರತೀಯ ವೈದ್ಯಕೀಯ ಸಂಘ ಧಾರವಾಡ ಶಾಖೆ ಇವರು ಮಾತನಾಡಿ ಮನೋರೋಗಗಳ ಕುರಿತು ಸಾರ್ವಜನಿಕರಿಗೆ ತಿಳುವಳಿಕೆ ಮೂಡಿಸುವಲ್ಲಿ ಭಾರತೀಯ ವೈದ್ಯಕೀಯ ಸಂಘ ಧಾರವಾಡ ಶಾಖೆಯು ಕೈ ಜೋಡಿಸಿದೆ ಮತ್ತು ಮುಂಬರುವ ದಿನಗಳಲ್ಲಿ ಇನ್ನು ಅನೇಕ ಜಾಗೃತಿ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲು ಉದ್ದೇಶವನ್ನು ಹೊಂದಿದೆ ಎಂದು ತಿಳಿಸಿದರು.
ಶ್ರೀಮತಿ ಮಂಜರಿ ಸಾಳುಂಕೆ, ಪ್ರಾಂಶುಪಾಲರು, ಕರ್ನಾಟಕ ವಿಜ್ಞಾನ ಮಹಾವಿದ್ಯಾಲಯ, ಧಾರವಾಡ ಇವರು ಮಾತನಾಡಿ ಇಂದಿನ ಆಧುನಿಕ ಯುಗದಲ್ಲಿ ಮಕ್ಕಳಲ್ಲಿ ಹೆಚ್ಚುತ್ತಿರುವ ಒತ್ತಡದಿಂದ ಮನಸ್ಸಿನ ಸಮಸ್ಯೆಗಳ ಬಗ್ಗೆ ಅರಿತುಕೊಂಡು ತಿಳುವಳಿಕೆ ಮೂಡಿಸುವಲ್ಲಿ ಪಾಲಕರು ಮುಂದಾಗಬೇಕು ಎಂದು ತಿಳಿಸಿದರು.
ಈ ಕಾರ್ಯಕ್ರಮದಲ್ಲಿ ಡಿಮ್ಹಾನ್ಸ್‌ ಸಂಸ್ಥೆಯ ವೈದ್ಯಕೀಯ ಅಧೀಕ್ಷಕರಾದ ಡಾ.ರಾಘವೇಂದ್ರ ನಾಯಕ್, ಶ್ರೀ ಶ್ರೀನಿವಾಸ ವಾಡಪ್ಪಿ
ಗೌರವ ಉಪಾಧ್ಯಕ್ಷರು, ಕರ್ನಾಟಕ ವಿದ್ಯಾವರ್ಧಕ ಸಂಘ ಧಾರವಾಡ, ಡಾ.ಶಿವಕುಮಾರ ಕುಂಬಾರ, ಅರವಳಿಕೆ ತಜ್ಞರು, ಸಿವಿಲ್ ಆಸ್ಪತ್ರೆ ಧಾರವಾಡ, ಡಾ.ರಾಜೀವ ಘೋಟೆ, ಕಾರ್ಯದರ್ಶಿಗಳು, ಭಾರತೀಯ ವೈದ್ಯಕೀಯ ಸಂಘ ಧಾರವಾಡ ಶಾಖೆ, ಶ್ರೀಮತಿ ಜ್ಯೋತಿ ದೊಡ್ಡಮನಿ, ಸಂಯೋಜಕರು, ರಾಷ್ಟ್ರೀಯ ಸೇವಾ ಯೋಜನೆ, ಕೆ.ಸಿ.ಡಿ ಧಾರವಾಡ, ಡಾ.ಗೀತಾ ಉತ್ತೂರು, ಎನ್‌.ಎಮ್‌.ಓ, ಆಲ್ ಇಂಡಿಯಾ ಜಾಯಿಂಟ್ ಸೆಕ್ರೇಟರಿ ಇವರುಗಳು ಈ ಕಾರ್ಯಕ್ರಮದಲ್ಲಿ ಉಪಸ್ಥಿತಿರಿದ್ದರು.
ಈ ಜಾಥಾದಲ್ಲಿ ಭಾರತೀಯ ವೈದ್ಯಕೀಯ ಸಂಘ ಧಾರವಾಡ ಶಾಖೆಯ ಎಲ್ಲಾ ಪದಾಧಿಕಾರಿಗಳು, ಡಿಮ್ಹಾನ್ಸ್‌ ಸಂಸ್ಥೆಯ ಸೈಕಿಯಾಟ್ರಿ ವಿಭಾಗದ ಪ್ರಾಧ್ಯಾಪಕರಾದ ಡಾ.ರಂಗನಾಥ ಕುಲಕರ್ಣಿ, ಸೈಕಿಯಾಟ್ರಿ ವಿಭಾಗದ ಸಹಾಯಕ ಪ್ರಾಧ್ಯಾಪಕರಾದ ಡಾ.ಆದಿತ್ಯ ಪಾಂಡುರಂಗಿ, ಡಾ.ತೇಜಸ್ವಿ ಪಿ. ಡಾ.ಸ್ವಪ್ನಾ ಪಾಂಡುರಂಗಿ, ಡಾ.ಮೇಘಮಾಲಾ ತಾವರಗಿ, ಕ್ಲಿನಿಕಲ್ ಸೈಕಾಲಜಿ ವಿಭಾಗದ ಸಹ ಪ್ರಾಧ್ಯಾಪಕರಾದ ಡಾ.ಗಾಯತ್ರಿ ಹೆಗಡೆ, ಸೈಕಿಯಾಟ್ರಿಕ್ ನರ್ಸಿಂಗ್ ವಿಭಾಗದ ಪ್ರಾಧ್ಯಾಪಕರಾದ ಡಾ.ಆರ್.ಶ್ರೀವಾಣಿ, ಸಹಪ್ರಾಧ್ಯಾಪಕರಾದ ಡಾ.ಜಿ.ಟಿ ಸುನಂದಾ, ಡಿಮ್ಹಾನ್ಸ್‌ ಸಂಸ್ಥೆಯ ನರ್ಸಿಂಗ್ ಅಧಿಕಾರಿಗಳು, ಮನೋವೈದ್ಯಕೀಯ ಸಮಾಜಕಾರ್ಯಕರ್ತರಾದ ಶ್ರೀ ಅಶೋಕ ಕೋರಿ, ಓಬಾ ನಾಯ್ಕ ಪಿ, ಆರ.ಎಮ್‌.ತಿಮ್ಮಾಪೂರ, ಪ್ರಶಾಂತ ಪಾಟೀಲ್, ಶ್ರೀಮತಿ ಶ್ರೀದೇವಿ ಬಿರಾದಾರ, ಪ್ರಾಧ್ಯಾಪಕರಾದ ಡಾ.ಸತೀಶ್ ಕೌಜಲಗಿ, ಸಹಾಯಕ ಪ್ರಾಧ್ಯಾಪಕರಾದ ಶ್ರೀ ಅನಂತರಾಮು ಬಿ.ಜಿ, ಸ್ವಾಮಿ ವಿವೇಕಾನಂದ ಯೂತ್ ಮೂವಮೆಂಟ್‌ನ ಪ್ರಾದೇಶಿಕ ವ್ಯವಸ್ಥಾಪಕರಾದ ಡಾ.ಮೋಹನಕುಮಾರ ಥಂಬದ ಹಾಗೂ ಇವರ ಸಂಸ್ಥೆಯ ಇತರ ಸಿಬ್ಬಂದಿಗಳು, ಟೆಲಿಮಾನಸ್ ವಿಭಾಗದ ಮನೋವೈದ್ಯರಾದ ಡಾ.ರಾಘವೇಂದ್ರ ಪಾಟೀಲ್ ಮತ್ತು ಟೆಲಿಮಾನಸ್ ತಂಡದವರು, ಕರ್ನಾಟಕ ವಿಜ್ಞಾನ ಮಹಾವಿದ್ಯಾಲಯ, ಧಾರವಾಡ ದ ವಿದ್ಯಾರ್ಥಿಗಳು ಈ ಜಾಥಾದಲ್ಲಿ ಭಾಗವಹಿಸಿದ್ದರು. ಡಿಮ್ಹಾನ್ಸ್‌ ಸಂಸ್ಥೆಯ ನರ್ಸಿಂಗ್ ವಿಭಾಗ, ಸೈಕಿಯಾಟ್ರಿ, ಕ್ಲಿನಿಕಿಲ್ ಸೈಕಾಲಜಿ ವಿಭಾಗ ಹಾಗೂ ಮನೋವೈದ್ಯಕೀಯ ಸಮಾಜಕಾರ್ಯ ವಿಭಾಗದ ವಿದ್ಯಾರ್ಥಿಗಳು, ಸೇರಿದಂತೆ ಒಟ್ಟು 550 ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಈ ಜಾಥಾದಲ್ಲಿ ಭಾಗವಹಿಸಿದ್ದರು. ಜಾಥಾವು ಕೆ.ಸಿ.ಡಿ ಕಾಲೇಜಿನಿಂದ ಪ್ರಾರಂಭಗೊಂಡು, ಎಲ್‌.ಆಯ್‌.ಸಿ ಕಛೇರಿ ಮುಂಭಾಗದಿಂದ ಚಲಿಸಿ, ಕೆ.ಸಿ ಪಾರ್ಕ ಮಾರ್ಗವಾಗಿ ಡಿಮ್ಹಾನ್ಸ್‌ ಸಂಸ್ಥೆಗೆ ತಲುಪಿತು.
