ಜೂಜಾಟ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ 10 ಜನರ ವಿರುದ್ಧ ಪ್ರಕರಣ ದಾಖಲು
ಬಳ್ಳಾರಿ. ಅ. 21 : ಗ್ರಾಮೀಣ ಪೊಲೀಸ್ ಠಾಣಾ ಸರಹದ್ದಿನ ಹಲಕುಂದಿ ಗ್ರಾಮದಲ್ಲಿ ಇಸ್ಪೀಟ್ ಜೂಜಾಟ ನಡೆಯುತ್ತಿರುವ ಬಗ್ಗೆ ಖಚಿತ ಮಾಹಿತಿ ಆಧರಿಸಿ, ಬಳ್ಳಾರಿ ಗ್ರಾಮೀಣ ಪೊಲೀಸ್ ಠಾಣೆಯ ಅಧಿಕಾರಿ ಹಾಗೂ ಸಿಬ್ಬಂದಿಯವರು ದಾಳಿ ಮಾಡಿ, ವಿಜಯ ಅ ವಿಜಿ, ಖಾದರ್, ವಿಶಾಲ್, ಮುಕ್ತಿಯಾರ್, ಪ್ರಸಾದ್, ದುರ್ಗೇಶ್, ಇರ್ಫಾನ್, ಮಣಿಕಂಠ, ರುದ್ರೇಶ, ಮದರ್ ವಲಿ, ಖಾಜಾ, ಲೋಕೇಶ ತಂದೆ ಮಲ್ಲೇಶಪ್ಪ ಸೇರಿದಂತೆ 10 ಜನ ಆರೋಪಿತರ ವಿರುದ್ಧ ಬಳ್ಳಾರಿ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಗುನ್ನೆ ನಂ 296/2026 ಕಲಂ 87 ಕೆ.ಪಿ ಆ್ಯಕ್ಟ್‌ ರ ಅಡಿಯಲ್ಲಿ ಪ್ರಕರಣ ದಾಖಲಿಸಿ ಕ್ರಮ ಕೈಗೊಳ್ಳಲಾಗಿದೆ ಎಂದು ಎಸ್ ಪಿ ಸುಮನ್ ಪನ್ನೇ ಕರ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ
ಜೂಜಾಟ ನಡೆಯುತ್ತಿದ್ದ ಸ್ಥಳದಲ್ಲಿ ರೂ 97,020/- ನಗದು ಹಣ, 19 ಮೋಟಾರ್ ಸೈಕಲ್‌ಗಳು, 14 ಮೊಬೈಲ್ ಫೋನ್‌ಗಳನ್ನು ಜಪ್ತುಪಡಿಸಿಕೊಳ್ಳಲಾಗಿದೆ. ವಿಜಯ ಅ ವಿಜಯ್ ಬಾಬು ತಂದೆ ಲೇಟ್ ಗುರುಸ್ವಾಮಿ, 39 ವರ್ಷ, ಭೋವಿ ಜನಾಂಗ, ಖಾಲಿ ಚೀಲ ವ್ಯಾಪಾರ, ವಾಸ ಬಂದಿಮೋಟ್, ಬಳ್ಳಾರಿ ನಗರ ಹಾಗೂ ಖಾದರ್ ಅ ವಡ್ಡರ ಬಂಡ ಖಾದರ್ ತಂದೆ ಜಹಾಂಗೆರ್, 27 ವರ್ಷ, ಮುಸ್ಲಿಂ, ವಾಸ ವಡ್ಡರಬಂಡೆ ಬಳ್ಳಾರಿ ನಗರ ಎಂಬುವರು ಕೂಡಿ ಅಂದರ್ ಬಹರ್ ಇಸ್ಪೀಟ್ ಜೂಜಾಟವನ್ನು ಆಡಿಸುತ್ತಿದ್ದರು ಎಂಬ ಖಚಿತ ಮಾಹಿತಿ ಮೇರೆಗೆ ಈ ದಾಳಿ ನಡೆಸಲಾಗಿದೆ ಎಂದು ತಿಳಿದು ಬಂದಿದೆ.
ಪೊಲೀಸ್ ಅಧೀಕ್ಷಕರು ಹಾಗೂ ಹೆಚ್ಚುವರಿ ಪೊಲೀಸ್ ಅಧೀಕ್ಷಕರವರ ಮಾರ್ಗದರ್ಶನದಲ್ಲಿ, ಜೂಜಾಟ ನಡೆಯುತ್ತಿದ್ದ ಸ್ಥಳದ ಮೇಲೆ ಮಾಲತೇಶ ಕೂನಬೇವು ಡಿ.ಎಸ್.ಪಿ, ಚಂದನ್ ಗೋಪಾಲ್‌.ಬಿ ಪೊಲೀಸ್ ಇನ್ಸ್‌ಪೆಕ್ಟರ್ ಹಾಗೂ ಸಿಬ್ಬಂದಿಯವರಾದ ಭೀರ‍್ಪ, ಚಂದ್ರಶೇಖರ್, ರಮೇಶ ಬಾಬು, ಮುಸ್ತಾಫ್ ಅಲಿ, ಮಂಜುನಾಥ್, ಮಾರ್ಕ, ಹೊನ್ನೂರ, ಪರಶುರಾಮ್ ರವರುಗಳ ತಂಡ ದಾಳಿ ಮಾಡಿರುತ್ತಾರೆ ಇವರುಗಳನ್ನು ಜಿಲ್ಲಾ ಎಸ್. ಪಿ ಡಾ. ಸುಮನ್ ಡಿ.ಪೆನ್ನೇಕರ್ ಶ್ಲಾಘಿಸಿದ್ದಾರೆ.
