ಇಂಡಿ ತಾಲ್ಲೂಕಿನ್ಯಾಂತ ದಸರ ಹಬ್ಬದ ಸಡಗರ

ಲೋಕದರ್ಶನ ವರದಿ 

 ಇಂಡಿ 21: ಭಾರತೀಯ ಸನಾತನ ಸಂಸ್ಕೃತಿಯಲ್ಲಿ ಅತ್ಯಂತ ವಿಜೃಂಭಣೆಯಿಂದ ಮತ್ತು ಧಾರ್ಮಿಕ ಶ್ರದ್ಧೆಯಿಂದ ಆಚರಿಸಲ್ಪಡುವ ಪ್ರಮುಖ ಹಬ್ಬಗಳಲ್ಲಿ ವಿಜಯದಶಮಿ ಹಬ್ಬವು ಒಂದು. ಶರದ್ ಋತುವಿನ ನವರಾತ್ರಿ ಉತ್ಸವದ ಕೊನೆಯ ದಿನವಾದ ಹತ್ತನೇ ದಿನದಂದು ಈ ಹಬ್ಬವನ್ನು ಆಚರಿಸಲಾಗುತ್ತದೆ. ಇದು ಕೇವಲ ಒಂದು ಧಾರ್ಮಿಕ ಉತ್ಸವವಷ್ಟೇ ಅಲ್ಲ, ಮನುಷ್ಯನ ಮನಸ್ಸಿನಲ್ಲಿರುವ ಅಜ್ಞಾನ, ಅಹಂಕಾರ ಮತ್ತು ದುರ್ಗುಣಗಳೆಂಬ ರಾಕ್ಷಸೀ ಪ್ರವೃತ್ತಿಯ ಮೇಲಿನ ಜ್ಞಾನ ಮತ್ತು ಸತ್ಪ್ರವೃತ್ತಿಯ ವಿಜಯದ ಸಂಕೇತವಾಗಿದೆ.

ಪೌರಾಣಿಕ ಹಿನ್ನೆಲೆಯ ಪ್ರಕಾರ, ತಾಯಿ ದುರ್ಗಾದೇವಿಯು ಒಂಬತ್ತು ದಿನಗಳ ಕಾಲ ಘೋರ ಯುದ್ಧ ಮಾಡಿ ಮಹಿಷಾಸುರನನ್ನು ವಧಿಸಿದ ದಿನ ಮತ್ತು ಶ್ರೀರಾಮಚಂದ್ರನು ಲಂಕೆಯ ಅಧಿದೇವತೆಯಾದ ರಾವಣನನ್ನು ಸಂಹರಿಸಿ ವಿಜಯ ಸಾಧಿಸಿದ ಪವಿತ್ರ ದಿನವೇ ವಿಜಯದಶಮಿ. ಈ ದಿನವು "ಗೆಲುವಿನ ದಿನ" ಎಂದು ಖ್ಯಾತವಾಗಿದೆ. ಈ ಹಬ್ಬದ ಸಂದರ್ಭದಲ್ಲಿ ಜನರು ಪರಸ್ಪರ ’ಬನ್ನಿ’ (ಬನ್ನಿ ಎಲೆ) ಮುಡಿಸಿ, ಹಿರಿಯರ ಆಶೀರ್ವಾದ ಪಡೆದು, ಸಿಹಿ ಹಂಚಿಕೊಳ್ಳುವ ಮೂಲಕ ತಮ್ಮಲ್ಲಿರುವ ಹಳೆಯ ವೈಷಮ್ಯಗಳನ್ನು ಮರೆತು ಬಾಂಧವ್ಯವನ್ನು ಗಟ್ಟಿಗೊಳಿಸುತ್ತಾರೆ.

ಒಟ್ಟಾರೆಯಾಗಿ, ವಿಜಯದಶಮಿ ಎಂದರೆ ಬದುಕಿನಲ್ಲಿ ಸತ್ಯ, ಧರ್ಮ ಮತ್ತು ಪರಿಶ್ರಮಕ್ಕೆ ಸಿಗುವ ಶಾಶ್ವತ ಗೆಲುವಿನ ದ್ಯೋತಕವಾಗಿದೆ ಎಂದು ಹೇಳುತ್ತಾರೆ ಹಿರಿಯರು.ಅದರಂತೆ ಇಂಡಿ ತಾಲ್ಲೂಕಿನ ತಡವಲಗಾ ಗ್ರಾಮದಲ್ಲಿ ಕೂಡಾ ಅಭಿನವ ರಾಚೋಟೇಶ್ವರ ಶಿವಾಚಾರ್ಯ ದಿವ್ಯ ಸಾನಿಧ್ಯದಲ್ಲಿ ಗ್ರಾಮದ ಮರುಳಸಿದ್ದೇಶ್ವರ ಫಲಕ್ಕಿ ಮೂಲ ದೇವಾಲಯದಿಂದ ವಾದ್ಯ ವೃಂದ ಸಂಗೀತ ನೃತ್ಯ ಭಜನೆ ಯೊಂದಿಗೆ ಗ್ರಾಮದ ಪ್ರಮುಖ ಬೀದಿಗಳಲ್ಲಿ ಸಂಚರಿಸಿ ಊರ ಹೊರ ವಲಯದಲ್ಲಿ ಇರುವ ಬನ್ನಿ ಕಟ್ಟಿಗೆ ಹೋಗಿ ಅಲ್ಲಿ ಇರುವ ಬನ್ನಿ ಗೀಡಕ್ಕೆ ಪೂಜ್ಯರ ಸಾನಿಧ್ಯದಲ್ಲಿ ವಿಷೇಶ ಪೂಜೆ ಸಲ್ಲಿಸಿ ಬನ್ನಿ ಮೂಡಿದು.

ತಮ್ಮ ತಮ್ಮ ಮನೆಗಳಿಗೆ ಬಂದು ಆರತಿ ಬೆಳಗಿಕೊಂಡು ನಂತರ ಒಬ್ಬರಿಗೊಬ್ಬರು ಬನ್ನಿ ಕೊಟ್ಟು ಶುಭ ಹಾರೈಕೆಗಳು ಮಾಡಿಕೊಳ್ಳುತ್ತಾರೆ. ಈ ಸಂದರ್ಭದಲ್ಲಿ ಖ್ಯಾತ ಪುರಾಣಿಕರಾದ ಶಿವಾನಂದಯ್ಯ ಹೀರೆಮಠ,  ರೇವಣಸಿದ್ದಯ್ಯ ಹಿರೇಮಠ  ಶುಭಯ್ಯ ಮಠಪತಿ ಬಸವರಾಜ ಪಾಟೀಲ ಸೇರಿದಂತೆ ಸಾವಿರಾರು ಭಕ್ತರು ಉಪಸ್ಥಿತರಿದ್ದರು.