ಬಳ್ಳಾರಿ  07: ಎಬಿವಿಪಿ ಬಳ್ಳಾರಿ ವಿಭಾಗ ಸಂಘಟನಾ ಕಾರ್ಯದರ್ಶಿಗಳಾದ ಶ್ರೀ ನಾಗರಾಜ ಬಟಗೇರಾ ಅವರು ಮಾತನಾಡಿ ‘ವಿದ್ಯಾರ್ಥಿಗಳು ರಾಷ್ಟ್ರದ ಭವಿಷ್ಯ, ವಿದ್ಯಾರ್ಥಿಗಳು ಸದೃಡವಾಗಿದ್ದರೆ ದೇಶ ಸದೃಡವಾಗಿರುತ್ತದೆ. ಯಾವುದೆ ದುಶ್ಚಟಗಳಿಗೆ ಬಲಿಯಾಗಬೇಡಿ ಹಾಗೂ ಮಾದಕ ಸೇವನೆಯ ವಿರುದ್ದ ಧ್ವನಿ ಎತ್ತಬೇಕು. ಬಳ್ಳಾರಿಯನ್ನು ನಶಾಮುಕ್ತ ಜಿಲ್ಲೆಯನ್ನಾಗಿ ಮಾಡಲು ವಿದ್ಯಾರ್ಥಿ ಸಮುದಾಯ ಸಹಕರಿಸಬೇಕು ಎಂದು ಹೇಳಿದರು.

ಮುಖ್ಯ ಅತಿಥಿಗಳಾಗಿ ಆಗಮಿಸಿದ ನಗರದ ದೇವಿ ಕ್ಲಿನಿಕ್‌ನ ಮುಖ್ಯಸ್ಥರಾದ ಡಾ.ಚಂದ್ರಶೇಖರ ಎಮ್‌. ಅವರು ಮಾತನಾಡಿ ‘ಮಾದಕ ವಸ್ತುಗಳು ದೇಶಕ್ಕೆ ಹಾಗೂ ಸಮಾಜಕ್ಕೆ ಮಾರಕವಾಗಿವೆ. ಇದರಿಂದಾಗಿ ಸಮಾಜದ ಸ್ವಾಸ್ಥ್ಯ ಹಾಳಾಗುತ್ತಿದೆ.ದೇಶದ ನಿರ್ಮಾತೃಗಳಾದ ಯುವಕರು ಹಾಗೂ ವಿದ್ಯಾರ್ಥಿಗಳು ಯಾವುದೆ ಕಾರಣಕ್ಕೂ ಮಾದಕ ವಸ್ತುಗಳಿಗೆ ಬಲಿಯಾಗಬಾರದು. ಅದರಿಂದಾಗಿ ಕುಟುಂದಲ್ಲಿ ಅಸಮತೋಲನ ವಾತಾವರಣ, ಅಸಭ್ಯ ವರ್ತನೆ ಹಾಗೂ ಇನ್ನೀತರ ದುಷ್ಟ ಹವ್ಯಾಸ ಬೆಳೆಯುತ್ತದೆ.

ಅದನ್ನು ಸೇವಿಸುವ ಹಾಗೂ ಪ್ರೋತ್ಸಾಹ ನೀಡುವ ವ್ಯಕ್ತಿಗೆ ಕಾನೂನು ಚೌಕಟ್ಟಿನಲ್ಲಿ ಜಾಮೀನು ರಹಿತ ಶಿಕ್ಷೆಯಾಗುತ್ತದೆ ಎಂದು ತಿಳಿಸಿದರು. ಎಬಿವಿಪಿಯು ಇದನ್ನು ತಡೆಯುವ ನಿಟ್ಟಿನಲ್ಲಿ ಎಲ್ಲಾ ಕಾಲೇಜು ಕ್ಯಾಂಪಸ್‌ಗಳಲ್ಲಿ “ನಶಾಮುಕ್ತ ಕ್ಯಾಂಪಸ್‌” ಹಮ್ಮಿಕೊಂಡಿರುವುದು ಅಭಿನಂದನಾರ್ಹ ಸಂಗತಿ ಎಂದು ತಿಳಿಸಿದರು. ಕಾಲೇಜಿನ ಪ್ರಾಂಶುಪಾಲರಾದ ಶ್ರೀ ಸಂದೀಪ ಅವರು ಅಧ್ಯಕ್ಷೀಯ ನುಡಿ ಆಡಿದರು. ಅನನ್ಯ ಅವರು ನಿರೂಪಿಸಿ ಕೆ.ದಿಲಿಪ್ ಕುಮಾರ ಅವರು ವಂದಿಸಿದರು. ಈ ಸಂದರ್ಭದಲ್ಲಿ  ಕಾರ್ಯಕರ್ತರಾದ ದಿಲಿಪ್ ಕುಮಾರ, ರಘು.ಎಮ್, ಅನನ್ಯ ಮಂಜುನಾಥ ಹಾಗೂ ಕಾಲೇಜಿನ ಸಿಬ್ಬಂದಿ ವರ್ಗದವರು ಉಪಸ್ಥಿತರಿದ್ದರು.