ಟೇಬಲ್ ಟೆನಿಸ್ ಸ್ಪರ್ಧೆಯಲ್ಲಿ ವಿದ್ಯಾರ್ಥಿನಿಯರಿಗೆ ತೃತಿಯ ಸ್ಥಾನ
ಧಾರವಾಡ ನಮ್ಮ ಶಾಲೆಯ 15 ವಿದ್ಯಾರ್ಥಿನಿಯರು ದಿನಾಂಕ 14 ರಿಂದ 17ನೇ ಜುಲೈ, 2025 ರವರೆಗೆ, ಎಮರಾಲ್ಡ್‌ ಹೈಟ್ಸ್‌ ಇಂಟರನ್ಯಾಷನಲ್ ಸ್ಕೂಲ್, ಇಂದೋರ (ಮಧ್ಯಪ್ರದೇಶ)ನಲ್ಲಿ ನಡೆದ 14, 17 ಮತ್ತು 19 ವರ್ಷದೊಳಗಿನವರ ವಿಭಾಗಗಳಲ್ಲಿ ಟೇಬಲ್ ಟೆನಿಸ್ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದರು.
19 ವರ್ಷದೊಳಗಿನವರ ವಿಭಾಗದಲ್ಲಿ ನಮ್ಮ ಶಾಲೆಯ ತಂಡ ಮೂರನೆಯ ಸ್ಥಾನವನ್ನು ಗಳಿಸಿತು. ಈ ವಿಭಾಗದಲ್ಲಿ ಸುಮಾರು 15ಕ್ಕೂ ಹೆಚ್ಚು ಐಪಿಎಸ್‌ಸಿ ಶಾಲೆಗಳು ಭಾಗವಹಿಸಿದ್ದವು.
ಕಿತ್ತೂರ ರಾಣಿ ಚನ್ನಮ್ಮ ಸ್ಮಾರಕ ಸಮಿತಿಯ ಚೇರಮನ್‌ರಾದ ಡಾ. ವ್ಹಿ. ವಿ. ತೆಗ್ಗಿಮನಿ, ಸದಸ್ಯ ಕಾರ್ಯದರ್ಶಿಗಳಾದ ಶ್ರೀ ಮಹಾಂತೇಶ ಎಸ್ ಕೌಜಲಗಿ ಹಾಗೂ ಪ್ರಾಚಾರ್ಯರಾದ ನಿವೃತ್ತ ಕರ್ನಲ್ (ಡಾ) ರಾಹುಲ್ ಶರ್ಮಾ ಅವರು ವಿದ್ಯಾರ್ಥಿನಿಯರಿಗೆ ಹೃತ್ಪೂರ್ವಕ ಅಭಿನಂದನೆ ಸಲ್ಲಿಸಿದರು. ಜೊತೆಗೆ ಈ ಸಾಧನೆಗೆ ಕಾರಣರಾದ ಶಿಕ್ಷಕರನ್ನು ಸಹ ಅಭಿನಂದಿಸಿದರು.
