ಐಎಂಇಆರ್ ವತಿಯಿಂದ ಆಯೋಜಿಸಲಾದ ಆರು ದಿನಗಳ ರಫ್ತು ನಿರ್ವಹಣಾ ತರಬೇತಿ ಕಾರ್ಯಕ್ರಮಕ್ಕೆ ಚಾಲನೆ

ಲೋಕದರ್ಶನ ವರದಿ 

ಧಾರವಾಡ  15: ವಿಶ್ವೇಶ್ವರಯ್ಯ ಟ್ರೇಡ್ ಪ್ರಮೋಶನ್ ಸೆಂಟರ್ ಧಾರವಾಡ, ಜಿಲ್ಲಾ ಕೈಗಾರಿಕಾ ಕೇಂದ್ರ ಬೆಳಗಾವಿ ಹಾಗೂ ಕೆಎಲ್‌ಎಸ್ ಐಎಂಇಆರ್ ಬೆಳಗಾವಿ ಇವರ ಸಂಯುಕ್ತ ಆಶ್ರಯದಲ್ಲಿ 2026ರ ಜೂನ್ 15 ರಿಂದ ಜೂನ್ 20ರವರೆಗೆ ಆರು ದಿನಗಳ ರಫ್ತು ನಿರ್ವಹಣಾ ತರಬೇತಿ ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ. ಇದರ ಉದ್ಘಾಟನಾ ಸಮಾರಂಭವು ಜೂನ್ 15, ಸೋಮವಾರ ಬೆಳಿಗ್ಗೆ 10.30 ಗಂಟೆಗೆ ನಡೆಯಿತು.  ಅತಿಥಿ ಗೌರವಾನ್ವಿತರಾಗಿ ಭಾಗವಹಿಸಿದ್ದ ಡಾ. ಶಿವರಾಜ್ ಆರ್‌. ಕುಲಕರ್ಣಿ, ಜಂಟಿ ನಿರ್ದೇಶಕರು, ಜವಳಿ ಇಲಾಖೆ, ಬೆಳಗಾವಿ ಅವರು ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಂಡರು. ಅವರು ಉದ್ಯಮಶೀಲತೆ ಹಾಗೂ ವಸ್ತು ಮತ್ತು ಸೇವೆಗಳ ವಾಣಿಜ್ಯೀಕರಣವನ್ನು ಜಾಗತಿಕ ಮಟ್ಟಕ್ಕೆ ವಿಸ್ತರಿಸುವ ಮಹತ್ವವನ್ನು ಒತ್ತಿಹೇಳಿದರು.