ಒಕ್ಕೂಟದ ನೂತನ ಪದಾಧಿಕಾರಿಗಳ ಪದಗ್ರಹಣ

ಲೋಕದರ್ಶನ ವರದಿ

ಧಾರವಾಡ 23: ಸಂಘದಲ್ಲಿಯ ಸದಸ್ಯರು ಒಗ್ಗಟಿನಿಂದ ತಂಡಗಳನ್ನು ನಡೆಸಿಕೊಂಡು ಹೋಗುಬೇಕು. ಹಾಗೆಯೆ ಅವರಿಗೆ ಬೆಂಬಲವಾಗಿ ಈ ಒಕ್ಕೂಟಗಳನ್ನು ರಚಿಸಲಾಗಿದ್ದು ಯೋಜನೆಯಿಂದ ದೊರೆಯುವ ಸೌಲಭ್ಯಗಳನ್ನು ಸದುಪಯೋಗ ಮಾಡಿಕೊಳ್ಳುವುದು ಒಗ್ಗಟಿನಲ್ಲಿ ಬಲವಿದೆ ಎನ್ನುವ ಮಾತು ಈ ನಿಟ್ಟಿನಲ್ಲಿ ಸಾಬೀತಾಗುತ್ತಿರುವುದು ಸಂತೋಷದ ವಿಷಯವಾಗಿದೆ ಎಂದು ಜಿಲ್ಲಾ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ನಿದರ್ೇಶಕ ದಿನೇಶ್ಎಮ್ ಅಭಿಪ್ರಾಯ ವ್ಯಕ್ತ ಪಡಿಸಿದರು.

ಅವರು ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಧಾರವಾಡ ತಾಲೂಕ, ನುಗ್ಗಿಕೇರಿ ವಲಯದ ಪ್ರಗತಿ ಬಂಧು ಸ್ವ-ಸಹಾಯ ಸಂಘಗಳ ಒಕ್ಕೂಟಗಳು ನುಗ್ಗಿಕೇರಿ, ಯರಿಕೊಪ್ಪ, ಇಟಿಗಟ್ಟಿ, ತಾರಿಹಾಳ ಎ ಮತ್ತು ಬಿ ಇವರ ಆಯೋಜನೆಯಲ್ಲಿ ಜರುಗಿದ ಪದಗ್ರಹಣ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಮಾತನಾಡಿದರು. 

ಕಾರ್ಯಕ್ರಮವನ್ನು ಉದ್ದೇಶಿಸಿ ಮಾತನಾಡಿದ ದಿನೇಶ್ ಎಮ್ ಅವರು ನೂತನ ಒಕ್ಕೂಟಗಳ ಪದಗ್ರಹಣದ ಜವಾಬ್ದಾರಿಯನ್ನು ಹಸ್ತಾಂತರಿಸಿದರು.

ಅಧ್ಯಕ್ಷತೆಯನ್ನು ವಹಿಸಿಕೊಂಡಿದ್ದ ಹು-ಧಾ ಮಹಾನಗರ ಪಾಲಿಕೆ ಸದಸ್ಯೆ ಮಂಜುಳಾ ಅಕ್ಕೂರ ಮಹಿಳೆಯರು ಸ್ವಾವಲಂಬನೆಯ ಜೀವನ ನಡೆಸಲು ಶ್ರೀಕ್ಷೇತ್ರ ಧರ್ಮಸ್ಥಳ ಯೋಜನೆಯಿಂದ ಮಹಿಳೆಯರಿಗೆ ಆಥರ್ಿಕವಾಗಿ ನೆರವು ಮತ್ತು ಕ್ರಿಯಾಶೀಲತೆ, ಇನ್ನಿತರ ಕಾರ್ಯಕ್ರಮಗಳ ಆಯೋಜನೆಯನ್ನು ಮಾಡುತ್ತಿದ್ದು ಹೆಚ್ಚಿನ ಸಂಖ್ಯೆಯಲ್ಲಿ ಜನ ಪಾಲ್ಗೊಳ್ಳಬೇಕು ಎಂದು ಹೇಳಿದರು.

ಊರಿನ ಗಣ್ಯರು ಸಿದ್ದಪ್ಪ ಅರಿವಾಳ, ಬಸವರಾಜ ಮಲಕಾರಿ, ಯೋಜನೆ ನಿದರ್ೇಶಕ ದಿನೇಶ್ಎಮ್, ರಾಣಿ ಚನ್ನಮ್ಮ ಬ್ಲಾಕ ಕಾಂಗ್ರೆಸ್ ಅಧ್ಯಕ್ಷ ಹಾಗೂ ಮಲ್ಲನಗೌಡ ಪಾಟೀಲ ಇವರು ಕಾರ್ಯಕ್ರಮವನ್ನು ಉದ್ಘಾಟನೆ ಮಾಡಿದರು.

ಪ್ರಾಸ್ತಾವನೆಯನ್ನು ತಾಲೂಕಿನ ಯೋಜನಾಧಿಕಾರಿ ಉಲ್ಲಾಸ್ ಮೇಸ್ತ ರವರು ತಿಳಿಸಿದರು. ನಿರೂಪಣೆಯನ್ನು ವಲಯದ ಮೇಲ್ವಿಚಾರಕಿ ವನಿತಾ ಗೌಡರವರು ಮಾಡಿದರು. ವಲಯದ ಸೇವಾಪ್ರತಿನಿಧಿಗಳು ಭಾಗವಹಿಸಿದ್ದರು.