ಏ.15 ರಿಂದ ಓಲೇಮಠದ ಜಾತ್ರಾ ಮಹೋತ್ಸವ

ಲೋಕದರ್ಶನ ವರದಿ 

ಜಮಖಂಡಿ 15: ನಗರದ ಐತಿಹಾಸಿಕ ಓಲೇಮಠದ ಜಾತ್ರಾ ಮಹೋತ್ಸವ ಏ.15 ರಿಂದ 20 ವರೆಗೆ ಅದ್ದೂರಿಯಾಗಿ ಜರುಗಲಿದ್ದು. ಕಾರ್ಯಕ್ರಮದ ವಿಶೇಷತೆಯು ನಗರವನ್ನು ಸ್ವಚ್ಛಗೊಳಿಸುವ ಪೌರಕಾರ್ಮಿಕರಿಂದ ಉದ್ಘಾಟನೆ ನಡೆಯಲಿದೆ ಎಂದು ಓಲೇಮಠದ ಆನಂದ ದೇವರು ಹೇಳಿದರು. 

ನಗರದ ಓಲೇಮಠದ ಸಭಾ ಭವನದಲ್ಲಿ ನಡೆದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, 20 ರಂದು ವೃಕೋತ್ಸವ ಹಾಗೂ ಭವ್ಯ ಮೆರವಣಿಗೆ ಬಸವೇಶ್ವರ ವೃತ್ತದಿಂದ ಓಲೇಮಠದವರೆಗೆ ನಡೆಯಲಿದೆ. ಸಂಜೆ ರಥೋತ್ಸವ, ಬಸವೇಶ್ವರ ಜಯಂತಿ ಕಾರ್ಯಕ್ರಮಗಳು ಜರುಗಲಿವೆ. 17 ರಂದು ಓಲೇಮಠದ ನೂತನ ಕಟ್ಟಡದ ನೀಲನಕ್ಷೆ ಉದ್ಘಾಟನೆ ಹಾಗೂ ವಿಶೇಷ ಉಪನ್ಯಾಸ ಕಾರ್ಯಕ್ರಮಗಳು ನಡೆಯುತ್ತವೆ, ಸಂತರು, ಶರಣರು, ಸಾಹಿತಿಗಳು, ವಿವಿಧ ಮಠಾಧೀಶರಗಳು ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದು. ವಿಶೇಷ ಕಾರ್ಯಕ್ರಮಗಳು ಜರುಗಲಿವೆಂದು ತಿಳಿಸಿದರು.