ಲೋಕದರ್ಶನ ವರದಿ 

   ಧಾರವಾಡ 08: ಎಸ್‌. ಸ್ಪೋರ್ಟ್ಸ ಪಾರ್ಕನವರು ಸಾಧನಕೇರಿಯ ಎಸ್‌. ಸ್ಪೋರ್ಟ್ಸ ಪಾರ್ಕನಲ್ಲಿ ಆಯೋಜಿಸಿದ್ದ ಫುಟ್‌ಬಾಲ್ ಟೂರ್ನಮೆಂಟ್‌ನಲ್ಲಿ ಜೆ.ಎಸ್‌.ಎಸ್‌. ಶ್ರೀಮಂಜುನಾಥೇಶ್ವರ ಸೆಂಟ್ರಲ್ ಶಾಲೆಯ ಮಕ್ಕಳು ಭಾಗವಹಿಸಿ 2ನೇ ಸ್ಥಾನವನ್ನು ಪಡೆದಿರುತ್ತಾರೆ. ಈ ಟೂರ್ನಮೆಂಟ್‌ನಲ್ಲಿ ಒಟ್ಟು 22 ತಂಡಗಳು ಭಾಗವಹಿಸಿದ್ದು ನಮ್ಮ ಶಾಲೆಯತಂಡವು ಎರಡನೇ ಸ್ಥಾನಗಳಿಸಿದ್ದು ತಂಡದ ಸಾಧನೆಗೆ ಕಾರಣರಾದ ವಿದ್ಯಾರ್ಥಿಗಳು ಹಾಗೂ ತಂಡದ ಕೋಚ್‌ಗಳಾದ ಶ್ರೀ. ಶಿವಾನಂದ ಎಸ್, ಶ್ರೀ ಗಣೇಶ. ಹೆಚ್ ಹಾಗೂ ಮ್ಯಾನೇಜರ್ ಶ್ರೀ. ಸಂತೋಷ. ಎಮ್ ಇವರನ್ನು ಜೆ.ಎಸ್‌.ಎಸ್ ಸಂಸ್ಥೆಯ ಕಾರ್ಯದರ್ಶಿಗಳದ ಡಾ .ಅಜಿತ ಪ್ರಸಾದ, ಆಡಳಿತಾಧಿಕಾರಿಗಳಾದ ಶ್ರೀಯುತ ಅರಿಹಂತ ಪ್ರಸಾದ, ಜೆ.ಎಸ್‌.ಎಸ್‌. ಐಟಿಐ ಕಾಲೇಜಿನ ಪ್ರಾಂಶುಪಾಲರಾದ ಶ್ರಿಯುತ ಮಹಾವೀರ ಉಪಾಧ್ಯೆ ಹಾಗೂ ಶಾಲಾ ಪ್ರಾಂಶುಪಾಲರಾದ ಶ್ರೀಮತಿ ರಜನಿ ಪಾಟೀಲ್ ಅಭಿನಂದಿಸಿ ಶುಭ ಹಾರೈಸಿದರು.