ಏಳು ತಾಸು ಉಚಿತ ವಿದ್ಯುತ್ ಪೂರೈಸುವಂತೆ ಒತ್ತಾಯಿಸಿ ಮನವಿ

ಶಿಗ್ಗಾವಿ 18: ರೈತರ ಬೋರವೆಲ್‌ಗಳಿಗೆ ಮೊದಲಿನಂತೆಯೇ 7 ತಾಸು ಉಚಿತ ವಿದ್ಯುತ್ ಪೂರೈಸುವಂತೆ ಒತ್ತಾಯಿಸಿ ಪಟ್ಟಣದಲ್ಲಿ ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆ ತಾಲೂಕಾ ಘಟಕದ ವತಿಯಿಂದ ಪ್ರತಿಭಟಿಸಿ ಹೆಸ್ಕಾಂ ಅಧಿಕಾರಿಗಳಿಗೆ ಮನವಿ ಅರ​‍್ಿಸಿದರು. 

ಕಿತ್ತೂರಾಣಿ ಚನ್ನಮ್ಮ ಸರ್ಕಲ್‌ನಿಂದ ಆರಂಭವಾದ ಪ್ರತಿಭಟನಾ ಮೆರವಣಿಗೆಯು ಸಾಗಿ ಕೆಇಬಿ ಎದುರು ಸುಮಾರು 2 ತಾಸಿಗೂ ಹೆಚ್ಚು ಕಾಲ ಪ್ರತಿಭಟನೆ ನಡೆಸಿ ರಾಜ್ಯ ಸರಕಾರದ ವಿರುದ್ದ ರೈತರು ತೀರ್ವ ಅಕ್ರೋಷ ಹೊರಹಾಕಿದರು. 

ಶಿಗ್ಗಾವಿ ತಾಲೂಕಿನ ಎಲ್ಲ ಹಳ್ಳಿಗಳಿಗೆ ಈಗಿನ ಸರಕಾರದ ಆದೇಶದ ಪ್ರಕಾರ ಹಗಲು 3 ಘಂಟೆ, ರಾತ್ರಿ 2 ಘಂಟೆ ಉಚಿತ ವಿದ್ಯುತ್‌ನ್ನು ಪೂರೈಸುತ್ತಿದ್ದು, ಮೊದಲಿನಂತೆಯೇ ಹಗಲು ಹೊತ್ತಿನಲ್ಲಿಯೇ 7 ತಾಸು ರೈತರಿಗೆ ಉಚಿತ ವಿದ್ಯುತ್‌ನ್ನು ಪೂರೈಸಬೇಕೆಂದು ಒತ್ತಾಯಿಸಿದರು, ಸಮರ​‍್ಕ ಮಳೆ ಬಾರದೇ ಇರುವುದರಿಂದ ರೈತರ ಬೆಳೆಗಳು ಸರಿಯಾಗಿ ಬಾರದೇ ಇರುವುದರಿಂದ, ದನಕರುಗಳಿಗೆ ಮೇವಿನ ಕೊರತೆ ಹಾಗೂ ಬರುವ ಬೇಸಿಗೆಯಲ್ಲಿ ನೀರಿನ ಅಭಾವ ಉಂಟಾಗುವ ಸಾದ್ಯತೆ ಇದೆ ಹೀಗಾಗಿ ರೈತರಿಗೆ ಹಗಲು ಹೊತ್ತಿನಲ್ಲಿಯೇ 1 ನಾನು ವಿದ್ಯುತ್ತನ್ನು ಪೂರೈಸಬೇಕೆಂದು ಮನವಿಯಲ್ಲಿ ಒತ್ತಾಯಿಸಿದ್ದಾರೆ. 

ಜಿಲ್ಲಾಧ್ಯಕ್ಷ ಹನುಮಂತಪ್ಪ ಹುಚ್ಚಣ್ಣನವರ್, ಉಪಾಧ್ಯಕ್ಷ ಹನುಮಂತ ದೊಡ್ಡಮನಿ, ತಾಲೂಕ ಅಧ್ಯಕ್ಷ ಆನಂದ ಕೆಳಗಿನಮನಿ, ಉಪಾಧ್ಯಕ್ಷ ಶಂಕರಗೌಡ ಪಾಟೀಲ್, ಕಾರ್ಯದರ್ಶಿ ಗೀರೀಶ ಪಾಟೀಲ್, ಬಸಲಿಂಗಪ್ಪ ನರಗುಂದ, ಈರಣ್ಣ ಸಮಗೊಂಡ, ಮಂಜುನಾಥ್ ಕಂಕನವಾಡ, ರುದ್ರ​‍್ಪ ಬಳಿಗಾರ, ದೊಡ್ಡೂರು ರಮೇಶ, ಬಸವರಾಜ್ ತಳವಾರ್ ಸೇರಿದಂತೆ ರೈತರು ಇದ್ದರು.