ನೃತ್ಯ ದೈವಿಕವಾದ ಪುರಾತನಗಂಧರ್ವ ವಿದ್ಯೆ: ಕವಿತಾ ರಾಠೋಡ

ಶಿಗ್ಗಾವಿ 31 : ನೃತ್ಯವು ಒಂದು ದೈವಿಕವಾದ ಪುರಾತನ ಗಂಧರ್ವ ವಿದ್ಯೆ ಈ ವಿದ್ಯೆಯನ್ನು ಮಕ್ಕಳಿಗೆ ತರಬೇತಿ ನೀಡುವಲ್ಲಿ ಈ ನೃತ್ಯ ಶಾಲೆ ಹಾಗೂ ಕಾಮನಹಳ್ಳಿ ಕುಟುಂಬದ ಸೇವೆ ಶ್ಲಾಘನೀಯ ಎಂದು ಸಮಾಜ ಸೇವಕಿ ಕವಿತಾ ರಾಠೋಡ ಹೇಳಿದರು.

ಪಟ್ಟಣದ ಜಯನಗರದ ವರಸಿದ್ಧಿ ವಿನಾಯಕ ದೇವಸ್ಥಾನದಲ್ಲಿ ಶ್ರೀ ನಟರಾಜ ನಾಟ್ಯಕಲಾ ಸಂಸ್ಥೆ ವತಿಯಿಂದ ಅಖಿಲ ಭಾರತ ಗಂಧರ್ವ ಮಹಾ ವಿದ್ಯಾಲಯ ನಡೆಸುವ ಭರತನಾಟ್ಯ ಪರೀಕ್ಷೆಯ ಅಂಕಪಟ್ಟಿ ವಿತರಿಸಿ ಮಾತನಾಡಿದ ಅವರು ಮಕ್ಕಳು ಈ ನೃತ್ಯ ಕಲಿಕೆಯಲ್ಲಿ ಆಳವಾದ ಅಧ್ಯಯನ ಮಾಡಲು ಹೆಚ್ಚಿನ ಆಸಕ್ತಿಯನ್ನು ಬೆಳೆಸಿಕೊಳ್ಳ ಬೇಕು ಪೋಷಕರು ಮಕ್ಕಳ ಕಲಿಕೆಗೆ ಆದ್ಯತೆ ನೀಡಬೇಕು ಎಂದರು.

ನೃತ್ಯ ಗುರು ಸಾಯಿಬಾಬಾ ಕಾಮನಹಳ್ಳಿ ಅವರು ಗಂಧರ್ವ ಮಹಾ ವಿದ್ಯಾಲಯ ಮತ್ತು ಡಾ ಗಂಗೂಬಾಯಿ ಹಾನಗಲ್ ವಿಶ್ವ ವಿದ್ಯಾಲಯ ನಡೆಸುವ ನೃತ್ಯ ಪರೀಕ್ಷೆಗಳ ಬಗ್ಗೆ ಮಾಹಿತಿ ನೀಡಿ ಅದರ ಸದುಪಯೋಗ ಪಡೆಯಲು ತಿಳಿಸಿದರು.ಅಧ್ಯಕ್ಷತೆಶಾಲಿನಿ ಕಾಮನಹಳ್ಳಿ ವಹಿಸಿದ್ದರು. ಕು ಜಾಹ್ನವಿ ಎಸ್ ಕೆ ಸ್ವಾಗತಿಸಿ ವಂದಿಸಿದರು.