ಬಸವರಾಜ ಸಿ.ಎಸ್ ಇವರಿಗೆ ಪ್ರತಿಷ್ಠಿತ ಕನಕ ಪ್ರಶಸ್ತಿ

ಧಾರವಾಡ  08: ಜಗದ್ಗುರು ಶ್ರೀ ರೇವಣಸಿದ್ದೇಶ್ವರ ಮಹಾ ಮಠ ಮನಸೂರು ಧಾರವಾಡ ಹಾಗೂ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಇವರ ಆಶ್ರಯದಲ್ಲಿ ನಡೆದ ಕನಕ ಪಂಚಮಿ  ಉತ್ಸವ ಹಾಗೂ ಪ್ರತಿಷ್ಠಿತ ಕನಕ ಪ್ರಶಸ್ತಿಯನ್ನು ಹಾಸನದ ರಾಷ್ಟ್ರೋತ್ಥಾನ ಶಾಲೆಯ ಚಿತ್ರ ಕಲಾ ಶಿಕ್ಷಕರಾದ ಶ್ರೀ ಬಸವರಾಜ ಸಿ ಎಸ್  ಇವರಿಗೆ ಅವರ ಸುದೀರ್ಘ 28 ವರ್ಷಗಳ ಕಾಲ ಸೇವೆಯನ್ನು ಸಾಧನೆಯನ್ನು ಗುರುತಿಸಿ ಮಠದಿಂದ ನೀಡುವ ರಾಜ್ಯ ಕನಕ ಪ್ರಶಸ್ತಿ ಯನ್ನು ನೀಡಿ ಗೌರವಿಸಿದೆ. 

ಅದೇ ರೀತಿ ಇವರಿಗೆ  ರಾಷ್ಟ್ರೋತ್ಥಾನ ವಿದ್ಯಾ ಕೇಂದ್ರದ  ಪ್ರಧಾನ ಮಾತಾಜಿ  ಶ್ರೀ ಮತಿ ಉಮಾ ಪಾಟಿಲ್  ಹಾಗೂ ಶಾಲಾ ಆಡಳಿತ ಮಂಡಳಿ ಮತ್ತು ಎಲ್ಲಾ ಶಿಕ್ಷಕರು, ಸ್ಥಳೀಯ ಸಂಘ ಸಂಸ್ಥೆಗಳು ಮತ್ತು ಕುಟುಂಬ ಸದಸ್ಯರು , ವಿದ್ಯಾರ್ಥಿಗಳು ಅಭಿನಂದಿಸಿ  ಗೌರವಿಸಿದ್ದರು . ಇದೇ ಸಂದರ್ಭದಲ್ಲಿ ಮಠದ ಪೂಜ್ಯಶ್ರೀ ಡಾ. ಬಸವರಾಜ ದೇವರು ಶಿವು ಹಿರೇಮಠ, ರಂಗಾಯಣ ನಿರ್ದೇಶಕ ರಾಜು ತಾಳಿಕೋಟೆ, ಸಾಂಸ್ಕೃತಿಕ ಸಂಘಟನೆಯ ಯಮನಪ್ಪ ಜಾಲಗಾರ , ಪ್ರಭು ಹಂಚಿನಾಳ ಇನ್ನಿತರರು ಉಪಸ್ಥಿತರಿದ್ದರು.