ಸರ್ವರಿಗೂ ಜ್ಞಾನವನ್ನು ನೀಡಿದ ಮಹಾನ್ ವ್ಯಕ್ತಿ ಸರ್ವಜ್ಞ: ಮುನೀರ್

ಬಳ್ಳಾರಿ20: ಸರ್ವಜ್ಞ  ಒಬ್ಬರು ಮಹಾನ್ ಚೇತನ, ಸಂತನೂ ಹೌದು, ಕವಿಯು ಹೌದು. ಸರ್ವಜ್ಞರು ಅಪಾರ ಜ್ಞಾನವುಳ್ಳವರಾಗಿದ್ದರು ಎಂದು ಬಳ್ಳಾರಿ ಮಹಾನಗರ  ಪಾಲಿಕೆಯ ಆಯುಕ್ತ ಮಹಮ್ಮದ್ ಮುನೀರ್ ಅವರು ಬಣ್ಣಿಸಿದರು.

    ನಗರದ ಡಾ.ಜೋಳದರಾಶಿ ದೊಡ್ಡನಗೌಡ ರಂಗಮಂದಿರದಲ್ಲಿ ಬುಧವಾರ ಜಿಲ್ಲಾಡಳಿತ, ಜಿ.ಪಂ, ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಹಾಗೂ ಮಹಾನಗರ ಪಾಲಿಕೆ ಇವರ ಸಂಯುಕ್ತಾಶ್ರಯದಲ್ಲಿ   ಹಮ್ಮಿಕೊಂಡಿದ್ದ, ಸಂತ ಕವಿ ಸರ್ವಜ್ಞ  ಜಯಂತಿಗೆ ಚಾಲನೆ ನೀಡಿ   ಮಾತನಾಡಿದರು.ಅನಾದಿ ಕಾಲದಿಂದಲೂ ನಮ್ಮ ದೇಶದ ನಾಡು ನುಡಿ, ಸಂಸ್ಕೃತಿ ಪರಂಪರೆಯನ್ನು ಕಟ್ಟಿ ಬೆಳೆಸಿದ ಮಹಾತ್ಮರು ಅನೇಕರು. ಅವರೆಲ್ಲರೂ ಮುಂದಿನ ಪೀಳಿಗೆಗಾಗಿ ತಮ್ಮಲ್ಲಿ ಇರುವಂತಹ ಜ್ಞಾನವನ್ನು ನೀಡಿದ ಮಹಾ ಚೇತನಗಳು.  

  ಕಾಶ್ಮೀರದಿಂದ ಕನ್ಯಾಕುಮಾರಿವರೆಗೆ ಅನೇಕ ಸಾಧಕರು ಉದಯಿಸಿ ತಮ್ಮ ಆದರ್ಶಗಳಿಂದ ನಮ್ಮ ದೇಶದ ಹಿರಿಮೆ-ಗರಿಮೆಗಳನ್ನು ಜಗತ್ತಿನ ಉತ್ತುಂಗ ಶಿಖರದಲ್ಲಿ ನಿಲ್ಲಿಸಿದಂತಹ ವ್ಯಕ್ತಿಗಳಲ್ಲಿ ಅತಂತ್ಯ ಮುಖ್ಯವಾಗಿ ಕಂಡು ಬರುವಂತಹ ಸರ್ವರಿಗೂ ಜ್ಞಾನವನ್ನು ಹಂಚಿದಂತಹ ಮಹಾನ್ ಚೇತನ ನಮ್ಮ ಕವಿ ಸರ್ವಜ್ಞ  ಎಂದು ಅವರು ಹೇಳಿದರು.          ಸರ್ವಜ್ಞರು ಹಾವೇರಿ ಜಿಲ್ಲೆಯ ಹಿರೇಕೆರೂರು ತಾಲೂಕಿನ ಮಾಸೂರಿ(ಅಂಬಲೂರು)ನಲ್ಲಿ ಸಾಕು ತಾಯಿ ಮಲ್ಲಕ್ಕ ಮತ್ತು ತಂದೆ ಬಸವರಸ ಎಂಬ ದಂಪತಿಗಳಿಗೆ  ಮಕ್ಕಳ ಭಾಗ್ಯ ಇಲ್ಲದ ಕಾರಣ ತಂದೆ ಬಸವರಸನು ಪುತ್ರ ಸಂತಾನಕ್ಕಾಗಿ ಕಾಶಿ ಕ್ಷೇತ್ರಕ್ಕೆ ಪಯಣಿಸಿ ಅಲ್ಲಿನ ಕಾಶಿ ವಿಶ್ವನಾಥನ ಮೊರೆ ಹೋದಾಗ, ಕನಸಿನಲ್ಲಿ ಪ್ರತ್ಯಕ್ಷನಾಗಿ ನನ್ನ ಪ್ರಸಾದದಿಂದ ಹುಟ್ಟುವ ನಿನ್ನ ಮಗನು ಸಂಸಾರಿಯಾಗದೆ, ಲೋಕವನ್ನು ಬೆಳಗಿಸುವ ಮಹಾನ್ ಜ್ಯೋತಿಯಾಗುತ್ತಾನೆ ಎಂದು ಹೇಳಿದ ಮಾತಿನ ಬಳಿಕ, ತನ್ನ ಹಳ್ಳಿಗೆ ಮರಳುವ ಮಾರ್ಗ ಮಧ್ಯದಲ್ಲಿ  ಅಂಬಲೂರು ಎಂಬ ಗ್ರಾಮಕ್ಕೆ ಬರುತ್ತನೆ. ದಾರಿಯಲ್ಲಿ ಗುಡುಗು ಸಿಡಿಲುಗಳಿಂದ ಮಳೆ ಸುರಿಯುತ್ತಿರುವಾಗ   ಹತ್ತಿರದಲ್ಲಿ 'ಕುಂಬಾರ ಮಾಳಿ' ಎಂಬ ಮಹಿಳೆಯ ಮನೆಯಲ್ಲಿ ವಿಶ್ರಾಂತಿ ಪಡೆಯುವ ಮಧ್ಯದಲ್ಲಿ ಅವಳ ಅಪಾರ ಸೇವೆಯನ್ನು ನೋಡಿ ಅವಳಿಗೆ  ಮನಸೊತು   ವಿವಾಹನಾಗುತ್ತನೆ.  ಈ ದಂಪತಿಗೆ ಜನಿಸಿದ   ಮಗುವಿಗೆ 'ಪುಷ್ಪದತ್ತ'  ಎಂದು ನಾಮಕರಣ ಮಾಡಿದರು  ಎಂಬುದಾಗಿ ಇತಿಹಾಸದ ಪುಟಗಳಲ್ಲಿ  ನಾವು ಕಾಣಬಹುದು ಎಂದು  ಅವರು   ಹೇಳಿದರು. ಶಿಕ್ಷಕರು, ಸಾಹಿತಿ, ಗಾಯಕ ಅಮಾತಿ ಬಸವರಾಜ್ ಅವರು ವಿಶೇಷ ಉಪನ್ಯಾಸ ನೀಡಿ, ಸರ್ವಜ್ಞ ಸ್ವತಃ ತಮ್ಮ ತ್ರಿಪದಿಯಲ್ಲಿ ತಿಳಿಸಿರುವಂತೆ ಏಳು ಕೋಟಿ ಏಳು ಲಕ್ಷ ಏಳು ಸಾವಿರ ಎಪ್ಪತ್ತು ವಚನಗಳನ್ನು ರಚನೆ ಮಾಡಿದ್ದು, ಇಂದು ಸಾವಿರಗಳಲ್ಲಿ ಮಾತ್ರ ವಚನಗಳು ಲಭ್ಯವಿದೆ ಎಂದು ಸಂಶೋಧಕ ಮಲ್ಲೇಪುರಂ ವೆಂಕಟೇಶ್ವರವರ ಸಂಶೋಧನೆಯಲ್ಲಿ ತಿಳಿದು ಬಂದಿದೆ  ಹಾಗೂ  ಆಡುಮುಟ್ಟದ ಸೊಪ್ಪಿಲ್ಲ, ಸರ್ವಜ್ಞ  ಮೂತರ್ಿ ಬರೆಯದ ವಿಷಯವಿಲ್ಲ ಎಂಬ ಮಹಾನ್ ಹೇಳಿಕೆಯನ್ನು ಇತಿಹಾಸಕಾರರು ನುಡಿದಿದ್ದಾರೆ ಎಂದರು.     ಇದೇ ಸಂದರ್ಭದಲ್ಲಿ ಫೆ.14ರಂದು ಕಾಶ್ಮೀರದಲ್ಲಿ ನಡೆದ ಘಟನೆಯಲ್ಲಿ ಹುತಾತ್ಮರಾದ ಭಾರತೀಯ ಸೇನೆಯ ಯೋಧರಿಗೆ ಮೌನಾಚರಣೆ ಮೂಲಕ ಶ್ರದ್ಧಾಂಜಲಿಯನ್ನು ಸಲ್ಲಿಸಿದರು.  

   ಕಾರ್ಯಕ್ರಮದಲ್ಲಿ ಜಿಲ್ಲಾ ಶಾಲಿವಾಹನ ಕುಂಬಾರ ಸಂಘದ ಅಧ್ಯಕ್ಷ ಕೆ.ರಂಗಸ್ವಾಮಿ, ಸಹ ಕಾರ್ಯದಶರ್ಿ ಕೆ.ವಿ.ನಾರಾಯಣ,  ಜಿಲ್ಲಾ ಕುಂಬಾರ ಸಂಘದ ಅಧ್ಯಕ್ಷ  ಕೆ.ಎಮ್. ಗುರುರಾಜ್,  ಕೆ.ಬಸಪ್ಪ  ಹಾಗೂ ಸಮಾಜದ ಮುಂಖಾಂಡರು ಸೇರಿದಂತೆ ಇತರೆ ಗಣ್ಯವ್ಯಕ್ತಿಗಳು ಇದ್ದರು