ರಿಶೇಲ್ ಪ್ರಕರಣ: ಆರೋಪಿ ಚಿರಾಗ್‌ಗೆ ಫೆ 10ರ ತನಕ ನ್ಯಾಯಾಂಗ ವಶಕ್ಕೆ
ಕಾರವಾರ 07 : ಜನೇವರಿ 9 ರಂದು ಕದ್ರಾದ ಯುವತಿ ರಿಶೆಲ್ ಡಿಸೋಜಾ ಆತ್ಮಹತ್ಯೆ ಪ್ರಕರಣದಲ್ಲಿ ಆರೋಪಿತನಾಗಿದ್ದ ಚಿರಾಗ್ ನನ್ನು ಫೆ.10ರ ತನಕ ನ್ಯಾಯಾಂಗ ಬಂಧನದಲ್ಲಿಡಲು ನ್ಯಾಯಾಲಯ ಸೂಚಿಸಿದೆ. ಪೊಲೀಸ್ ಕಸ್ಟಡಿ ನಿನ್ನೆ ಅವಧಿ ಮುಗಿದ ಹಿನ್ನೆಲೆಯಲ್ಲಿ ಪೊಲೀಸರು ನ್ಯಾಯಾಧೀಶರ ಎದುರು ಚಿರಾಗನನ್ನು ಹಾಜರುಪಡಿಸಿದ್ದರು. ಚೆನೈನಲ್ಲಿ ಜ.30 ರಂದು ಚೆನ್ನೈ ನಲ್ಲಿ ಚಿರಾಗ್ ಕೋಠಾರಕರ್ ನನ್ನು ಬಂಧಿಸಿದ್ದ ಪೊಲೀಸರು ನ್ಯಾಯಾಲಯಕ್ಕೆ ಹಾಜರುಪಡಿಸಿ, ಹೆಚ್ಚಿನ ವಿಚಾರಣೆಗೆ 9 ದಿನಗಳ ಕಾಲ ಪೊಲೀಸ್ ವಶಕ್ಕೆ ಪಡೆದಿದ್ದರು. ಚಿರಾಗ್ ಪರ ವಕೀಲರು ಜಾಮೀನಿಗಾಗಿ ಸಿಜೆಎಂ ನ್ಯಾಯಾಲಯದಲ್ಲಿ ವಾದಿಸಿದ್ದು , ಸರ್ಕಾರದ ಪರ ಪಿಪಿ ತನುಜಾ ವಾದಿಸಿದ್ದಾರೆ. ಜಾಮೀನು ಸಂಬಂಧದ ನಿರ್ಣಯವನ್ನು ನ್ಯಾಯಾಲಯ ಫೆ.10 ರಂದು ನೀಡಲಿದೆ.
