ಅವಸರ್ ಫೌಂಡೇಶನ್‌-ಕೃಷಿ ವಿವಿ ಹಿರಿಯ ಪ್ರಾಥಮಿಕ ಶಾಲೆ ಒಪ್ಪಂದ
ಧಾರವಾಡ 07: ಕೃಷಿ ವಿಶ್ವವಿದ್ಯಾಲಯದ ಆವರಣದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಕೃಷಿನಗರ ಹಿರಿಯ ಪ್ರಾಥಮಿಕ ಶಾಲೆಯೊಂದಿಗೆ ಬೆಂಗಳೂರಿನ ಅವಸರ್ ಪ್ರತಿಷ್ಠಾನವು ಶಾಲೆಯ ನವೀಕರಣದ ಒಪ್ಪಂದಕ್ಕೆ ಸಹಿ ಹಾಕಲಾಯಿತು.
ಕೃಷಿನಗರ ಶಾಲೆಯ ಆವರಣದಲ್ಲಿ ಆಯೋಜಿಸಿದ ಸಮಾರಂಭದಲ್ಲಿ ಎರಡೂ ಸಂಸ್ಥೆಗಳ ಪ್ರತಿನಿಧಿಗಳು ಒಪ್ಪಂದಕ್ಕೆ ಸಹಿ ಮಾಡಿದರು. ಕೃಷಿ ವಿಶ್ವವಿದ್ಯಾಲಯ, ಧಾರವಾಡದ ಕುಲಸಚಿವ ಜಯಶ್ರೀ ಶಿಂತ್ರಿ, ಕಾರ್ಯದರ್ಶಿ ಡಾ. ಹೆಚ್‌.ಬಿ. ಬಬಲಾದ, ಬೆಂಗಳೂರಿನ ಅವಸರ್ ಪ್ರತಿಷ್ಠಾನದ ವ್ಯವಸ್ಥಾಪಕ ಟ್ರಸ್ಟಿಗಳಾದ ಆನಂದ್ ಚತುರ್ವೇದಿ ಒಪ್ಪಂದ ಪತ್ರಗಳನ್ನು ವಿನಿಮಯ ಮಾಡಿಕೊಂಡರು.
ಪ್ರಸ್ತುತ ಶಾಲೆಗೆ ಕಟ್ಟಡ ದುರಸ್ತಿ ಹಾಗೂ ಬಣ್ಣ ಹಚ್ಚುವ ಕಾರ್ಯ, ಅಧ್ಯಯನ ಸಾಮಾಗ್ರಿಗಳ ಪೂರೈಕೆ, ವಿದ್ಯುತ್ ಉಪಕರಣಗಳ ಜೋಡಣೆ, ಇನ್ನಿತರ ಅಂಶಗಳನ್ನು ಈ ಒಪ್ಪಂದವು ಹೊಂದಿದೆ. ಶಾಲೆಯ ನಿರ್ವಹಣಾ ಸಮಿತಿಯ ಖಜಾಂಚಿ ಡಾ. ಬಿ. ಎನ್‌. ಅರವಿಂದಕುಮಾರ್, ಸದಸ್ಯರುಗಳಾದ ಡಾ.ಎಸ್‌.ಎಂ. ಮುಂದಿನಮನಿ, ಡಾ. ಆರ್‌. ವಿ. ಕೋಟಿ, ಡಾ. ಎಸ್‌. ಕೆ. ಪಾಟೀಲ ಮತ್ತು ಮುಖ್ಯ ಶಿಕ್ಷಕಿ ಇಂದಿರಾ ತುಪಸುಂದರ ಉಪಸ್ಥಿತರಿದ್ದರು.
