ವಾರ್ಷಿಕ ಸ್ನೇಹ ಸಮ್ಮೇಳನ ಕಾರ್ಯಕ್ರಮ

ಶಿಗ್ಗಾವಿ 24 : ಸರಕಾರಿ ಶಾಲೆಗಳ ಮಕ್ಕಳ ಶೈಕ್ಷಣಿಕ ವಾತಾವರಣ ಬಹಳಷ್ಟು ಸುಧಾರಿಸಿದ್ದು ಪಾಲಕರು ಸಹಿತ ಶಿಕ್ಷಕರೊಂದಿಗೆ ಕೈಜೋಡಿಸಿ ಮಕ್ಕಳು ಶಿಕ್ಷಣವಂತರಾಗಲು ಸಹಕರಿಸಬೇಕು ಎಂದು ಕ್ಷೇತ್ರ ಶಿಕ್ಷಣಾಧಿಕಾರಿ ಎಂ ಬಿ ಅಂಬಿಗೇರ ಹೇಳಿದರು. ಪಟ್ಟಣದ ಸರಕಾರಿ ಮಾದರಿ ಕನ್ನಡ ಗಂಡು ಮಕ್ಕಳ ಶಾಲೆ ನಂ1 ರಲ್ಲಿ ಹಮ್ಮಿಕೊಂಡ ವಾರ್ಷಿಕ ಸ್ನೇಹ ಸಮ್ಮೇಳನ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ, ಕೇವಲ ಮಕ್ಕಳನ್ನ ಶಾಲೆಗೆ ಕಳಿಸಿದರೆ ಪಾಲಕರ ಕಾರ್ಯ ಮುಗಿಯುವುದಿಲ್ಲ, ಮಕ್ಕಳೊಂದಿಗೆ ಸಮಯ ಕಳಿಯಬೇಕು, ಮೋಬೈಲ್ ಗೀಳಿನಿಂದ ಪಾಲಕರ ಮತ್ತು ಮಕ್ಕಳ ಸಂಬಂಧಗಳು ಕಳಚುತ್ತಿವೆ, ಇದು ಒಳ್ಳೆಯ ಬೆಳವಣಿಗೆಯಲ್ಲ, ಮಕ್ಕಳ ಮತ್ತು ಪಾಲಕರ ಗಟ್ಟಿಗೊಳಿಸುವಿಕೆಗೆ ಶೈಕ್ಷಣಿಕ ವಾತಾವರಣ ಪ್ರಭಾವ ಬೀರುತ್ತದೆ ಹೀಗಾಗಿ ಮಾನವೀಯ ಸಂಭಂದಗಳಿಗೆ ಬೆಲೆ ಕೊಡುವ ನಿಟ್ಟಿನಲ್ಲಿ ಯೋಚಿಸಿ ಪಾಲಕರು ಶೈಕ್ಷಣಿಕ ಸುಧಾರಣೆಗೆ ಕೈಜೋಡಿಸಬೇಕು, ಸರಕಾರಗಳೂ ಸಹಿತ ಶಾಲೆಗಳಲ್ಲಿ ಪೌಷ್ಟಿಕಾಂಶಗಳನ್ನು ನೀಗಿಸಲು ಶಾಲೆಯಲ್ಲಿ ವಾರದ 6 ದಿನಗಳು ಮೊಟ್ಟೆ ಕೊಡಲಾಗುತ್ತಿದೆ, ಸಮವಸ್ತ್ರ, ಶೂ, ಸಾಕ್ಸ್‌ ಹಾಗೂ ಪುಸ್ತಕಗಳನ್ನ ವಿತರಿಸುತ್ತಿದೆ, ಸರಕಾರಗಳು ಬಹಳಷ್ಟು ಮೌಲ್ಯಯುತ ಶಿಕ್ಷಣಕ್ಕೆ ಮುಂದಾಗಿದೆ, ಅಂದು ಶಾಲೆಯಲ್ಲಿ ಸೆಗಣಿ ಸಾರಿಸಿ ಸ್ವಚ್ಚವಾಗಿಟ್ಟುಕೊಂಡು ಪಾಠ ಕಲಿತಿದ್ದೇವೆ ಆದರೆ ಇಂದಿನ ಮಕ್ಕಳಿಗೆ ಆ ಪರಿಸ್ಥಿತಿಯಿಲ್ಲ ಎಂದರು. 

ಪ್ರೋ.ಸುರೇಶ ಹರಿಜನ ಮಾತನಾಡಿ, ವಿವಿಧ ಹಂತದ ಭಾಷಾ ಶಿಕ್ಷಣದಲ್ಲಿ ಸಾಹಿತ್ಯ ಕೃತಿಗಳ ಅಳವಡಿಕೆಯಾಗುತ್ತಿದೆ. ಒಂದು ಮಗುವಿನಿಂದ ಹಿಡಿದು ಒಬ್ಬ ಪ್ರಬುದ್ಧ ವ್ಯಕ್ತಿಯವರೆಗೆ ಬದುಕಿನ ಈ ಪ್ರಪಂಚದ ಎಲ್ಲಾ ಅನುಭವಗಳನ್ನು ಅರ್ಥೈಸಿಕೊಳ್ಳಲು ಇರುವ ಮಾಧ್ಯಮ ಭಾಷೆಯಾಗಿದೆ ಹೀಗಾಗಿ ಸಾಹಿತ್ಯಾತ್ಮಕ ವಿಷಯಗಳು ಮಕ್ಕಳ ಶೈಕ್ಷಣಿಕ ಪ್ರೇರಣೆಯನ್ನು ಹೆಚ್ಚಿಸುತ್ತದೆ ಎಂದರು.  ಶಿಗ್ಗಾವಿ ವಿರಕ್ತಮಠದ ಸಂಗನಬಸವ ಮಹಾಸ್ವಾಮಿಗಳು ಸಾನಿದ್ಯ ವಹಿಸಿದ್ದರು, ಶಾಲೆಯ ಮುಖ್ಯ ಶಿಕ್ಷಕ ಲವಕುಮಾರ ಟಿ ಪ್ರಾತಾವಿಕವಾಗಿ ಮಾತನಾಡಿದರು, ಶಿಕ್ಷಕ ವಿಶಾಲ್ ಗೌಡರ್ ವಾರ್ಷಿಕ ವರದಿ ವಾಚಿಸಿದರು. ಕಾರ್ಯಕ್ರಮದಲ್ಲಿ ಸಾಧಕರನ್ನು ಸನ್ಮಾನಿಸಲಾಯಿತು, ನಂತರ ಮಕ್ಕಳಿಂದ ಸಾಂಸ್ಕೃತಿಕ ಕಾರ್ಯಕ್ರಮಗಳು ಜರುಗಿದವು, ಮಾಜಿ ಸೈನಿಕ ಬಸವರಾಜ ಲಕ್ಷ್ಮಿಕೊಪ್ಪ, ಶಿಕ್ಷಣ ಸಂಯೋಜಕ ಉಮೇಶ,  ಎಸ್‌.ಡಿ.ಎಂ.ಸಿ ಅದ್ಯಕ್ಷ ಚಂದ್ರು ಕೊಡ್ಲಿವಾಡ, ಸುಧಾಕರ ದೈವಜ್ಞ, ಶಾಲೆಯ ನಿವೃತ್ತ ಮುಖ್ಯ ಶಿಕ್ಷಕ ಎಂ ಎಂ ದೇವಕ್ಕಿಗೌಡ್ರ ಎಸ್‌.ಡಿ.ಎಂ.ಸಿ ಸದಸ್ಯರಾದ ಮಂಜುನಾಥ ಬಂಡಿವಡ್ಡರ, ರಾಜು ಬಿಂದಲಿ, ಸಂಕಪ್ಪ ಶೆಟ್ಟೆಪ್ಪನವರ, ಗುಲಾಂ ಸಾಧಿರ್ಬಾಡ, ಅಶೋಕ ಬೋರಣ್ಣವರ, ಪ್ರಕಾಶ ಬಾಳಿಕಟ್ಟಿ, ಹನುಮಂತಪ್ಪ ಬಾರೋಡ, ಅಶೋಕ ಓಲೆಕಾರ, ಹೇಮಾ ಪೂಜಾರ, ಮಮತಾ ಮನ್ವಾಚಾರಿ, ಸಾವಿತ್ರಿ ಕಮ್ಮಾರ, ಸವಿತಾ ಬಜಂತ್ರಿ, ಮಂಜುಳಾ ಇಂಗಳಗಿ ಸೇರಿದಂತೆ ಶಾಲೆಯ ಶಿಕ್ಷಕರು, ವಿದ್ಯಾರ್ಥಿಗಳು, ಪಾಲಕರು ಇದ್ದರು.