ಕಡತ ವಿಲೇವಾರಿ ಮಾಸಾಚರಣೆ ಆದ್ಯತೆಯ ಮೇಲೆ ನಿರ್ವಹಿಸಿ - ಜಿಲ್ಲಾಧಿಕಾರಿ ಮುಗಿಲನ್

ಕಾರವಾರ : ಸ್ವಾತಂತ್ರದ ಅಮೃತ ಮಹೋತ್ಸವವನ್ನು ಅರ್ಥಪೂರ್ಣವಾಗಿ ಆಚರಿಸುವ ದೃಷ್ಠಿಯಿಂದ  ಜಿಲ್ಲೆಯ ಎಲ್ಲಾ ಇಲಾಖೆಗಳು ಅ. 16 ರಿಂದ ಸೆ.15ರ ವರೆಗೆ ಕಡತ ವಿಲೇವಾರಿ ಮಾಸಾಚರಣೆಯನ್ನು ಆಚರಿಸುತ್ತಿದ್ದು, ಕಡತ ವಿಲೇವಾರಿಯನ್ನು ಪ್ರಾಮಾಣಿಕವಾಗಿ ಆದ್ಯತೆ ಮೇಲೆ ಮಾಡಲು ಅಧೀನ ಸಿಬ್ಬಂದಿಗೆ ಜಿಲ್ಲಾಧಿಕಾರಿ ಮುಲ್ಲೈ ಮುಗಿಲನ್ ಆದೇಶಿಸಿದ್ದರೆ. ಉತ್ತರ ಕನ್ನಡ ಜಿಲ್ಲಾ ಉಸ್ತುವಾರಿ ಸಚಿವರು ಕರೆ ನೀಡಿದ್ದು, ಅದರ ಅಂಗವಾಗಿ  ಉತ್ತರ ಕನ್ನಡ ಜಿಲ್ಲೆಯ ಎಲ್ಲಾ ಜಿಲ್ಲಾ ಮಟ್ಟದ ಹಾಗೂ ಅದರ ಅಧೀನ ಕಛೇರಿಗಳು ಅ. 16 ರಿಂದ 15-9-2021ರ ಕಡತ ವಿಲೇವಾರಿ ಮಾಸಾಚರಣೆಯ ಅವಧಿಯಲ್ಲಿ ಕಂದಾಯ ಇಲಾಖೆಯ ಸಿಬ್ಬಂದಿಗಳು  ಬಾಕಿ ಇರುವ ಹಾಗೂ ಈ ಅವಧಿಯಲ್ಲಿ ಸ್ವೀಕೃತವಾಗುವ ಕಡತಗಳನ್ನು ಆದ್ಯತೆಯ ಮೇರೆಗೆ ವಿಲೇವಾರಿಗೊಳಿಸಲು ಸುತ್ತೋಲೆಯನ್ನು ಹೊರಡಿಸಲಾಗಿದೆ ಎಂದು ಜಿಲ್ಲಾಧಿಕಾರಿ ಹೇಳಿದ್ದಾರೆ. ಸೆ,15 ರೊಳಗಿನ  ಅವಧಿಯಲ್ಲಿ ಎಲ್ಲಾ ಜಿಲ್ಲಾ ಮಟ್ಟದ ಅಧಿಕಾರಿಗಳು ತಮ್ಮ ಹಾಗೂ ಅಧೀನ ಕಛೇರಿಗಳ ಕಡತ ವಿಲೇವಾರಿ ಕುರಿತಂತೆ ಪ್ರಾರಂದಲ್ಲಿ ಬಾಕಿ ಇರುವ ಕಡತಗಳು, ಪ್ರತಿ ವಾರಕ್ಕೆ ನಿಗಧಿ ಪಡಿಸಲಾದ ಗುರಿ, ನಿಖಾಲೆ ಪಡಿಸಲಾದ ಕಡತಗಳು, ಬಾಕಿ ಇರುವ ಕಡತಗಳ ವಿಲೇವಾರಿಗೆ ಕೈಗೊಳ್ಳ ಬೇಕಾಗಿರುವ ಕ್ರಮಗಳ ಬಗ್ಗೆ ಸೂಚಿಸಲಾಗಿದೆ.  

ಕಡತಗಳ  ಬಗ್ಗೆ ವಿಸ್ತ್ರೃತವಾದ ಒಂದು ಕ್ರಿಯಾ ಯೋಜನೆ  ಸಿದ್ದಪಡಿಸಿಕೊಳ್ಳಲು ಸಹ  ಸೂಚಿಸಲಾಗಿದೆ. ಅಲ್ಲದೇ ಇ-ಕಛೇರಿ ಹಾಗೂ ಸಕಾಲ ತಂತ್ರಾಂಶದಲ್ಲಿನ ಆನ್ ಲೈನ್ ಕಡತಗಳನ್ನು ಕೂಡಾ ಶೀಘ್ರ ವಿಲೇವಾರಿಗೊಳಿಸಲು ಹಾಗೂ ವಿಲೇವಾರಿಗೊಂಡ ಕಡತಗಳ ಮಾಹಿತಿಯನ್ನು ಪ್ರತಿ ವಾರದ ಕೊನೆಯಲ್ಲಿ ಜಿಲ್ಲಾಧಿಕಾರಿಗಳಿಗೆ ಸಲ್ಲಿಸಲು ಹಾಗೂ ಕಡತ ವಿಲೇವಾರಿ ಮಾಸಾಚರಣೆಯ ಅವಧಿಯಲ್ಲಿ ಅಧೀನ ಕಛೇರಿಗಳ ತಪಾಸಣೆಯನ್ನು ಕೂಡಾ ನಡೆಸಲು ಸುತ್ತೋಲೆಯಲ್ಲಿ ನಿರ್ದೇಶಿಸಲಾಗಿರುತ್ತದೆ ಎಂದು ಜಿಲ್ಲಾಧಿಕಾರಿ ಹೇಳಿದ್ದಾರೆ.  

          ಸರಕಾರದ ವಿವಿಧ ಯೋಜನೆಯಡಿ ನೀಡಲಾಗುವ ಪಿಂಚಣಿ ಸೌಲಭ್ಯಗಳನ್ನು ವಿವಿಧ ಕಾರಣಗಳಿಂದ  ಪಡೆದುಕೊಳ್ಳಲು ಸಾಧ್ಯವಾಗದೇ ಇರುವವರಿಗೆ  ಪಿಂಚಣಿ ಸೌಲಭ್ಯವನ್ನು ನೀಡುವಲ್ಲಿ ಪಿಂಚಣಿ ಅದಾಲತ್ ಹಾಗೂ ಭೂದಾಖಲೆಗಳಲ್ಲಿ ಇರುವ  ದೋಷಗಳ ತಿದ್ದುಪಡಿಗಾಗಿ ಕಂದಾಯ ಅದಾಲತನ್ನು ಪ್ರತಿ ತಿಂಗಳು ಮೊದಲನೆ ಹಾಗೂ ಮೂರನೇ ಶನಿವಾರದಂದು ಕಡ್ಡಾಯವಾಗಿ ಹಮ್ಮಿಕೊಳ್ಳಲು ಜಿಲ್ಲೆಯ ಸಹಾಯಕ ಆಯುಕ್ತರು ಹಾಗೂ ತಹಸೀಲ್ದಾರರಿಗೆ ಈಗಾಗಲೇ ನಿರ್ದೇಶನ ನೀಡಲಾಗಿದ್ದು, ಸಂಬಂದಿಸಿದ ಸಹಾಯಕ ಆಯುಕ್ತರು ಹಾಗೂ ತಹಸೀಲ್ದಾರರು ನಿಗಧಿಪಡಿಸಲಾದ ಅದಾಲತ್ ಗಳಲ್ಲಿ ಹಾಜರಿದ್ದು ಸ್ಥಳದಲ್ಲಿಯೇ ಅರ್ಜಿಗಳನ್ನು ಸಾಧ್ಯವಾದಷ್ಟು ಮಟ್ಟಿಗೆ ಇತ್ಯರ್ಥಗೊಳಿಸಲು ಕ್ರಮ ವಹಿಸಲು ಕೂಡಾ ಸೂಚಿಸಲಾಗಿದೆ. 

  ಜೊಯಿಡಾ, ದಾಂಡೇಲಿಗೆ ಅ.25 ವಿಶೇಷ ಕ್ಯಾಂಪ್ :            

 ಕಳೆದ ತಿಂಗಳಿನಲ್ಲಿ ಸುರಿದ ಮಳೆಯಿಂದಾಗಿ ಅಣಶಿ ಘಟ್ಟದಲ್ಲಿ ಉಂಟಾದ ಭೂಕುಸಿತದಿಂದಾಗಿ  ಕಾರವಾರ-ಜೊಯಿಡಾ  ರಸ್ತೆ ಸಂಚಾರ ಸಂಪೂರ್ಣ ಬಂದ್ ಅಗಿದೆ.  ಈ ಕಾರಣದಿಂದ ಜೊಯ್ಡಾ , ದಾಂಡೇಲಿ ಹಾಗೂ ಹಳಿಯಾಳ ತಾಲೂಕುಗಳ ಜನಸಾಮಾನ್ಯರಿಗೆ  ಜಿಲ್ಲಾ ಕೇಂದ್ರ ಕಾರವಾರಕ್ಕೆ ಬರಲು ಸಾಧ್ಯವಾಗುತ್ತಿಲ್ಲ. ಈ ತಾಲೂಕುಗಳ  ಜನಸಾಮಾನ್ಯರಿಗೆ ಜಿಲ್ಲಾ ಮಟ್ಟದ ಸರಕಾರಿ ಕಚೇರಿಗಳಲ್ಲಿನ ಕೆಲಸಗಳಿಗೆ ಹಾಗೂ ಕಾರವಾರ ಜಿಲ್ಲಾಸ್ಪತ್ರೆಯಲ್ಲಿ ವೈದ್ಯಕೀಯ ಚಿಕಿತ್ಸೆಗಳಿಗೆ ತೊಂದರೆಯಾಗುತ್ತಿರವದು ಗಮನಕ್ಕೆ ಬಂದ ಹಿನ್ನಲೆಯಲ್ಲಿ ಅಗಸ್ಟ 25 ರಂದು ವಿಶೇಷ ಕ್ಯಾಂಪ್ ಹಮ್ಮಿಕೊಳ್ಳಲಾಗಿದ್ದು, ಪೂರ್ವಾಹ್ನ ಅವಧಿಯಲ್ಲಿ ಜೊಯ್ಡಾ ತಾಲೂಕಿನ ಹಾಗೂ ಅಪರಾಹ್ನ ಹಳಿಯಾಳ ತಾಲೂಕಿನ  ವಿವಿಧ ಇಲಾಖೆಗಳ ಸರಕಾರಿ ಕಛೇರಿಗಳಲ್ಲಿ ಆಯಾ ಇಲಾಖೆಗಳ ಜಿಲ್ಲಾ ಮಟ್ಟದ ಅಧಿಕಾರಿಗಳು ಹಾಜರಿದ್ದು ಸಾರ್ವಜನಿಕರಿಂದ ಅಹವಾಲುಗಳನ್ನು ಸ್ವೀಕರಿಸಿ, ಸಾಧ್ಯವಾದಷ್ಟು ಮಟ್ಟಿಗೆ ಸ್ಥಳದಲ್ಲಿಯೇ ಅರ್ಜಿಗಳನ್ನು ಇತ್ಯರ್ಥ ಪಡಿಸಲಿದ್ದಾರೆಂದು ಜಿಲ್ಲಾಧಿಕಾರಿ ಹೇಳಿದ್ದಾರೆ.  

             ಅಲ್ಲದೇ ಸಾರ್ವಜನಿಕ ಆಸ್ಪತ್ರೆ, ದಾಂಡೇಲಿಯಲ್ಲಿ ವಿಶೇಷ ಆರೋಗ್ಯ ಶಿಬಿರ  ಆಯೋಜಿಸಲಾಗಿದ್ದು, ಇದರಲ್ಲಿ ಕ್ರಿಮ್ಸ ಕಾರವಾರದ ತಜ್ಞ ವೈದ್ಯರು ಹಾಜರಿರಲಿದ್ದಾರೆ. ಕಾರಣ  ಜೊಯ್ಡಾ, ದಾಂಡೇಲಿ ಹಾಗೂ ಹಳಿಯಾಳ ತಾಲೂಕಿನ ನಾಗರಿಕರು ಇದರ ಸದುಪಯೋಗ ಪಡೆದುಕೊಳ್ಳಲು ಕೋರಲಾಗಿದೆ.