ಶಾಲಾ ಸಂಸತ್ ಚುನಾವಣೆ: ಶೇ.95 ಮತದಾನ
ಶಾಲಾ ಸಂಸತ್ ಚುನಾವಣೆ: ಶೇ.95 ಮತದಾನ
ಹೂವಿನ ಹಡಗಲಿ, ಜು.16: ಪಟ್ಟಣದ ಸರ್ಕಾರಿ ಅನುದಾನಿತ ತುಂಗಭದ್ರ ಪ್ರೌಢಶಾಲೆಯಲ್ಲಿ ಶಾಲಾ ಸಂಸತ್ ಚುನಾವಣೆ ಯಶಸ್ವಿಯಾಗಿ ನಡೆಯಿತು. ವಿದ್ಯಾರ್ಥಿಗಳು ತಮ್ಮ ಆಧಾರ್ ಕಾರ್ಡ್‌ ನೋಂದಣಿಯೊಂದಿಗೆ ಸರತಿ ಸಾಲಿನಲ್ಲಿ ನಿಂತು ಮತದಾನದ ಹಕ್ಕು ಚಲಾಯಿಸಿದರು.
ಮತದಾನದ ಹಕ್ಕಿನ ಮಹತ್ವವನ್ನು ವಿದ್ಯಾರ್ಥಿಗಳಿಗೆ ತಿಳಿಸುವ ಉದ್ದೇಶದಿಂದ ಶಾಲೆಯಲ್ಲಿ ಶಾಲಾ ಸಂಸತ್ ಚುನಾವಣೆ ಆಯೋಜಿಸಲಾಗಿದೆ ಎಂದು ಸಮಾಜ ವಿಜ್ಞಾನ ಶಿಕ್ಷಕ ಆನಂದ್ ಜಿ ತಿಳಿಸಿದ್ದಾರೆ. ಡಾ. ಬಿ.ಆರ್‌. ಅಂಬೇಡ್ಕರ್ ಮತದಾರರ ಸಾಕ್ಷರತಾ ಕ್ಲಬ್ ವತಿಯಿಂದ 2026-27ನೇ ಸಾಲಿನ ಶಾಲಾ ಸಂಸತ್ ಚುನಾವಣೆ ಹಾಗೂ ಮತ ಎಣಿಕೆ ಕಾರ್ಯ ನಡೆಯಿತು.
ಈ ವರ್ಷ ಶಾಲೆಯ 340 ವಿದ್ಯಾರ್ಥಿಗಳು (ಶೇ.95) ಮತ ಚಲಾಯಿಸಿ ಚುನಾವಣಾ ಪ್ರಕ್ರಿಯೆಯಲ್ಲಿ ಭಾಗವಹಿಸಿದರು. ಸಾರ್ವತ್ರಿಕ ಚುನಾವಣೆಯಲ್ಲಿ ಬಳಸುವ ಬ್ಯಾಲೆಟ್ ಪತ್ರ, ಮತಪೆಟ್ಟಿಗೆ, ಮತದಾರರ ಗುರುತಿನ ಪರೀಶೀಲನೆ ಸೇರಿದಂತೆ ವಿವಿಧ ಚುನಾವಣಾ ಪ್ರಕ್ರಿಯೆಗಳ ಬಗ್ಗೆ ವಿದ್ಯಾರ್ಥಿಗಳಿಗೆ ಪ್ರಾಯೋಗಿಕ ಅರಿವು ಮೂಡಿಸಲಾಯಿತು.
ಶಾಲೆಯ ಶಿಕ್ಷಕರಾದ ಸ್ವಾಮಿನಾಥ ರಾಮಸ್ವಾಮಿ, ಲಂಬಾಣಿ ಗಿಡ್ಡನಾಯಕ್, ಗೀತಾ ಪಿ.ಎಂ., ಪ್ರತಿಭಾ ಎನ್‌., ವೈ. ಜಯಮ್ಮ, ರೇಖಾ ಎಸ್‌. ಹಾಗೂ ಸಂಗಮೇಶ ಸುಂಕದ ಅವರು ಚುನಾವಣಾಧಿಕಾರಿಗಳಾಗಿ ಕರ್ತವ್ಯ ನಿರ್ವಹಿಸಿದರು.
ಫಲಿತಾಂಶ
ಸಿ8ನೇ ತರಗತಿ: ಎಚ್‌. ಮಹಮ್ಮದ್ ಆಲಂ, ಅಮೃತ ಜೀವನ್ ಗೌಡ, ನಿರ್ಮಲಾ
ಸಿ9ನೇ ತರಗತಿ: ಎ. ಉಮೇಶ್, ಬಿ. ಲಾವಣ್ಯ, ಆಕಾಶ್, ಅನುಷಾ ಮರಾಠ
ಸಿ10ನೇ ತರಗತಿ: ಬಿ. ವೀರೇಶ್, ಇಡ್ಲಿ ವಿಜಯಲಕ್ಷ್ಮಿ, ಪುನೀತ್ ಎಂ., ಸೋಗಿ ರೇಣುಕಾ
ಇವರು ಶಾಲಾ ಸಂಸತ್ತಿಗೆ ಆಯ್ಕೆಯಾಗಿದ್ದಾರೆ ಎಂದು ಸಂಚಾಲಕ ಆನಂದ್ ಜಿ ತಿಳಿಸಿದ್ದಾರೆ..
