ಆಕ್ಸಿಜನ್ ಪ್ಲ್ಯಾಂಟ್ ಕಾಮಗಾರಿ ಶೀಘ್ರ ಆರಂಭಿಸಿ: ಶಾಸಕ ಗಣೇಶ್ ಹುಕ್ಕೇರಿ ಆಗ್ರಹ

ಚಿಕ್ಕೋಡಿ 29: ಜಿಲ್ಲಾ ಸ್ಥಾನಮಾನ ಹೊಂದಿರುವ ಚಿಕ್ಕೋಡಿಗೆ ಮಂಜೂರ ಆಗಿರುವ ಆಕ್ಸಿಜನ್  ಪ್ಲ್ಯಾಂಟ್ ಕಾಮಗಾರಿ ಆದಷ್ಟು ಬೇಗ ಪ್ರಾರಂಭ ಮಾಡಬೇಕೆಂದು ಶಾಸಕ ಗಣೇಶ್ ಹುಕ್ಕೇರಿ ಸರ್ಕಾರವನ್ನು ಒತ್ತಾಯಿಸಿದರು. 

ಮಂಗಳವಾರ ಪತ್ರಿಕಾ ಪ್ರಕಟಣೆ ನೀಡಿದ ಅವರು, ರೈಲು ಹೋದ ಬಳಿಕ ಟಿಕೇಟ್ ತೊಗೊಂಡು ಏನು ಪ್ರಯೋಜನ..? ಅದೇ ರೀತಿ  ಮಂಜೂರ ಆಗಿರುವ ಆಕ್ಸಿಜನ್ ಪ್ಲ್ಯಾಂಟ್ ಅವಶ್ಯಕತೆ ಇದ್ದ ಸಂದರ್ಭದಲ್ಲಿ ಪ್ರಾರಂಭ ಆಗದೆ, ಆಮೇಲೆ ಪ್ರಾರಂಭ ಮಾಡಿದ್ರೆ ಏನು ಪ್ರಯೋಜನ ಎಂದು  ಪ್ರಶ್ನಿಸಿದ್ದಾರೆ. 

ಕೊರೊನಾ ಎರಡನೆ ಅಲೆಯಲ್ಲಿ ನಮ್ಮ ಭಾಗದ ಜನ ಬಹಳಷ್ಟು ಕಷ್ಟವನ್ನು ಅನುಭವಿಸಿದ್ದಾರೆ, ಕೆಲವರು ಜೀವ ಕೂಡ ಕಳೆದು ಕೊಂಡಿದ್ದಾರೆ.  ಎರಡನೇ ಅಲೆಯಲ್ಲಿ ಜನರಿಗೆ ಅವಶ್ಯಕತೆ ಎನಿಸಿದ್ದನ್ನ ಮೂರನೇ ಅಲೆಯ ಪ್ರಾರಂಭಕ್ಕೂ ಮುನ್ನ ಸರಿ ಮಾಡದೆ ಇದ್ದರೇ  ಮತ್ತೆ ಸಮಸ್ಯೆ ಅನುಭವಿಸಬೇಕಾಗುತ್ತದೆ. ಕೊರೊನಾ ಎರಡನೇ ಅಲೆ ಸಂದರ್ಭದಲ್ಲಿ ನಮ್ಮ ಚಿಕ್ಕೋಡಿ ಭಾಗಕ್ಕೆ ಅತಿ ಅವಶ್ಯಕ ಎನಿಸಿದ್ದೂ,  ಆರ್‌.ಟಿ.ಪಿ.ಸಿ.ಆರ್ ಸೆಂಟರ್ ಮತ್ತು ಆಕ್ಸಿಜನ್ ಪ್ಲ್ಯಾಂಟ್ ಎಂದರು. 

ಈಗಾಗಲೇ ನಾನು ಚಿಕ್ಕೊಡಿಗೆ ಆರ್‌.ಟಿ.ಪಿ.ಸಿ.ಆರ್ ಸೆಂಟರ್  ಮಂಜೂರು ಮಾಡಿಸಿಕೊಂಡು ಬಂದಿದ್ದೆನೆ. ಅದರ ನಿರ್ಮಾಣ ಕಾರ್ಯ ಕೂಡ ಪ್ರಾರಂಭ ಮಾಡಲಾಗಿದ್ದೂ, ಕೆಲವೆ ದಿನಗಳಲ್ಲಿ ಟೆಸ್ಟಿಂಗ್ ಪ್ರಾರಂಭ ನಡೆಯಲಿದೆ.  ಚಿಕ್ಕೋಡಿಗೆ ಮಂಜೂರ ಆಗಿರುವ ಆಕ್ಸಿಜನ್ ಪ್ಲ್ಯಾಂಟ್ ನಿರ್ಮಾಣ ಕಾರ್ಯ ಕೂಡ ಆದಷ್ಟು ಬೇಗ ಆರಂಭ ಆಗಬೇಕು. ಈಗಾಗಲೇ ಮಹಾರಾಷ್ಟ್ರದಲ್ಲಿ ಕೋರೊನಾ ಮೂರನೆ ಅಲೆಯ ಪ್ರಾರಂಭ ಆಗಿದೆ. ನಮ್ಮ ಚಿಕ್ಕೋಡಿ ಮಹಾರಾಷ್ಟ್ರದ ಗಡಿ ಕ್ಷೇತ್ರ ಆಗಿರುವುದರಿಂದ ಹೆಚ್ಚಿನ ಮುನ್ನಚ್ಚರಿಕೆ ವಹಿಸುವುದು ಅವಶ್ಯಕವಾಗಿದೆ. ಸಂಬಂಧಪಟ್ಟ ಅಧಿಕಾರಿಗಳು ಹಾಗೂ ಗುತ್ತಿಗೆದರಾರು ಹೆಚ್ಚಿನ ಆಸಕ್ತಿ ತೋರಿಸಿ ಆದಷ್ಟು ಬೇಗ ಕಾಮಗಾರಿ ಪ್ರಾರಂಭ ಮಾಡಬೇಕೆಂದು ಶಾಸಕ ಗಣೇಶ್ ಹುಕ್ಕೇರಿ ಆಗ್ರಹಿಸಿದ್ದಾರೆ.