ಬಸ್ತವಾಡದಲ್ಲಿ ಬೆಳಗಾವಿಯ ಮಹಾವೀರ ಮಿರ್ಜಿ ಕಾಲೇಜಿನ ಎನ್‌ಎಸ್‌ಎಸ್ ಶಿಬಿರ
ಲೋಕದರ್ಶನ ವರದಿ
ಕಾಗವಾಡ: (ಬೆಳಗಾವಿ) 05: ನಗರದ ಎಸ್‌ಎಸ್‌ಎಸ್ ಸಮಿತಿಯ ಮಹಾವೀರ ಪಿ. ಮಿರ್ಜಿ ಮಹಾವಿದ್ಯಾಲಯದ ರಾಷ್ಟ್ರೀಯ ಸೇವಾ ಯೋಜನೆಯ ಶಿಬಿರವನ್ನು ಶನಿವಾರ ದಿ.04 ರಂದು ಬೆಳಗಾವಿ ತಾಲೂಕಿನ ಬಸ್ತವಾಡ ಗ್ರಾಮದಲ್ಲಿ ಆಯೋಜಿಸಲಾಯಿತು. ಶಿಬಿರವನ್ನು ಬಸ್ತವಾಡ ಗ್ರಾ.ಪಂ. ಅಭಿವೃದ್ಧಿ ಅಧಿಕಾರಿ ಆಶಾ ಎಸ್‌. ಉದ್ಘಾಟಿಸಿ, ಮೊಬೈಲ್ ಬಳಕೆಯ ಬಗ್ಗೆ ಮಾತನಾಡಿದರು.
ಮುಖ್ಯ ಅತಿಥಿಗಳಾಗಿ ಗ್ರಾ.ಪಂ.ಮಾಜಿ ಅಧ್ಯಕ್ಷೆ ಶಿಲ್ಪಾ ಪಾಟೀಲ, ಸಮಿತಿಯ ಬೆಳಗಾವಿಯ ಶಾಲಾ ಹಾಗೂ ಕಾಲೇಜಿನ ಕಾರ್ಯಕಾರಿ ಮಂಡಳಿಯ ಚೇರಮನ್ ವಿನೋದ ಪಾಟೀಲ ಮಾತನಾಡಿ, ಶಿಬಿರಾರ್ಥಿಗಳಿಗೆ ತಮ್ಮ ಜವಾಬ್ದಾರಿಯನ್ನು ತಿಳಿಸಿಕೊಟ್ಟರು.
ಅತಿಥಿಗಳಾಗಿ ಶಾಲೆ ಹಾಗೂ ಕಾಲೇಜು ಕಾರ್ಯಕಾರಿ ಮಂಡಳಿಯ ಸದಸ್ಯ ಎ.ಬಿ. ಪಾಟೀಲ, ಶರದ ಬಾಳಿಕಾಯಿ ಅವರು ಎನ್‌ಎಸ್‌ಎಸ್ ಎಂದರೆ ನಾನು ಸಮಾಜ ಸೇವಕ ಎಂದು ರಾಷ್ಟ್ರೀಯ ಸೇವಾ ಯೋಜನೆ ಮಹತ್ವವನ್ನು ಬಗ್ಗೆ ತಿಳಿಸಿದರು.
ಈ ವೇಳೆ ಚಂದ್ರ‍್ಪ ಜುಜಿನ, ಮಹಾವೀರ ಮಿರ್ಜಿ ಕಾಲೇಜಿನ ಪ್ರಾಂಶುಪಾಲ ರವಿ ದಂಡಗಿ, ಉಪಪ್ರಾಂಶುಪಾಲ ಡಾ. ಭರತ ಅಲಸಂದಿ, ಸಹಾಯಕ ಪ್ರಾಧ್ಯಾಪಕ ನಾಗವೇಣಿ ಧರೆನ್ನವರ, ಸೋನಾಲಿ ಅಳಪ್ಪನವರ, ಶಿಬಿರಾಧಿಕಾರಿ ನಾಗೇಶ ತಳವಾರ, ವಿದ್ಯಾರ್ಥಿ ಪ್ರತಿನಿಧಿಗಳಾದ ಬಾಹುಬಲಿ ಬಸ್ತವಾಡ, ಭೂಮಿಕಾ ಪಾರಿಶ್ವಾಡ ಮತ್ತು ಎಲ್ಲ ಶಿಬಿರಾರ್ಥಿಗಳು ಉಪಸ್ಥಿತರಿದ್ದರು.
