ಗಾಂಧಿನಗರದಲ್ಲಿ ಮನೆ ಕಳವು ಪತ್ತೆ: ಇಬ್ಬರು ಆರೋಪಿಗಳು ಬಂಧನ, 7.20 ಲಕ್ಷ ಮೌಲ್ಯದ ಆಸ್ತಿ ವಶ

ಬಳ್ಳಾರಿ 22:  ನಗರದ ಗಾಂಧಿನಗರ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ನಡೆದ ಮನೆ ಕಳವು ಪ್ರಕರಣವನ್ನು ಪೊಲೀಸರು ಶೀಘ್ರದಲ್ಲೇ ಭೇದಿಸಿ ಇಬ್ಬರು ಆರೋಪಿಗಳನ್ನು ಬಂಧಿಸಿದ್ದಾರೆ. ಪ್ರಕರಣಕ್ಕೆ ಸಂಬಂಧಿಸಿದಂತೆ ಒಟ್ಟು ?7,20,600 ಮೌಲ್ಯದ ನಗದು ಮತ್ತು ಚಿನ್ನಾಭರಣಗಳನ್ನು ವಶಪಡಿಸಿಕೊಳ್ಳಲಾಗಿದೆ.ಜನವರಿ 25ರಂದು ದಾಖಲಾಗಿದ್ದ ಪ್ರಕರಣ ಸಂಖ್ಯೆ 08/2026 (ಕಲಂ 306 ಬಿ.ಎನ್‌.ಎಸ್) ಅನ್ವಯ, ಮನೆಯಲ್ಲೇ ಕೆಲಸ ಮಾಡುತ್ತಿದ್ದ ನೌಕರನು ಮಾಲೀಕರ ಮನೆಯಿಂದ 54 ಗ್ರಾಂ ತೂಕದ ಬಂಗಾರದ ಮಾಂಗಲ್ಯ ಸರ, ಒಂದು ಕೀಪ್ಯಾಡ್ ಮೊಬೈಲ್ ಫೋನ್ ಹಾಗೂ  ಸ್ಕೂಟರ್ ಕಳವು ಮಾಡಿದ್ದಾನೆಂದು ದೂರಿನಲ್ಲಿ ಉಲ್ಲೇಖಿಸಲಾಗಿತ್ತು. ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿದ ಗಾಂಧಿನಗರ ಠಾಣೆ ಪೊಲೀಸರು ತಕ್ಷಣವೇ ತನಿಖೆ ಆರಂಭಿಸಿದರು.

ಪೊಲೀಸ್ ಇನ್ಸ್ಪೆಕ್ಟರ್ ರವೀಂದ್ರ ಡಿ.ಬಿ ಅವರ ನೇತೃತ್ವದಲ್ಲಿ ಹೆಡ್ಕಾನ್ಸ್ಟೇಬಲ್ಗಳು ಬಿ. ಜಯರಾಮ್, ನಾರಾಯಣ, ರಾಮದಾಸ್ ಹಾಗೂ ಪಿ.ಸಿ ಸಿಬ್ಬಂದಿಗಳಾದ ತಿಮ್ಮಪ್ಪ, ಶ್ರೀಮಂಜುನಾಥ, ವಿಜಯ್ ಭಾಸ್ಕರ್ ಕಿರಣ್ ಮತ್ತು ಕೆ. ಕಾಳಿಂಗಪ್ಪ ಒಳಗೊಂಡ ವಿಶೇಷ ತಂಡ ಶೋಧ ಕಾರ್ಯ ನಡೆಸಿತು.ಫೆಬ್ರವರಿ 7ರಂದು ಪರಾರಿಯಾಗಿದ್ದ ಆರೋಪಿಹಿ1 ಸೋನಪು ರೆಡ್ಡಿ ಲೋವರಾಜು (40), ಆಂಧ್ರ ಪ್ರದೇಶದ ಪೂರ್ವ ಗೋದಾವರಿ ಜಿಲ್ಲೆಯ ರಾಜಮಂಡ್ರಿ ನಿವಾಸಿ, ಅವರನ್ನು ಬಂಧಿಸಿ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ.ತನಿಖೆ ಮುಂದುವರಿದಂತೆ ಆರೋಪಿಹಿ2 ಚೀಪುರಪಲ್ಲಿ ಪೋಸಿಬಾಬು (36), ಪೂರ್ವ ಗೋದಾವರಿ ಮೂಲದ ಆಟೋ ಚಾಲಕನಾಗಿದ್ದು, ರಾಜಮಂಡ್ರಿ ಟೌನ್ನಲ್ಲಿ ವಾಚ್ಮನ್ ಆಗಿ ಕೆಲಸ ಮಾಡುತ್ತಿದ್ದವನಾಗಿರುವುದು ಪತ್ತೆಯಾಯಿತು.