ಸರ್ಕಾರಿ ಗೌರವಗಳೊಂದಿಗೆ ಸ್ವಗ್ರಾಮದಲ್ಲಿ ಯೋಧನ ಅಂತ್ಯಕ್ರಿಯೆ

ಬೆಳಗಾವಿ 03 : ಅಸ್ಸಾಂ ರೈಫಲ್ ಸೇನೆಯಲ್ಲಿ ಸೇವೆ ಸಲ್ಲಿಸುತ್ತಿರುವಾಗ ಅನಾರೋಗ್ಯದಿಂದ ಜೂ. 30 ವೀರ ಮರಣಹೊಂದಿದ ಯೋಧ ವಿನೋದ ಅವರ ಅಂತ್ಯಕ್ರಿಯೆ ಹುಟ್ಟೂರಿನಲ್ಲಿ ಸಕಲ ಸರ್ಕಾರಿ ಗೌರವಗಳೊಂದಿಗೆ ಶನಿವಾರ ನಡೆಯಿತು.  

ವೀರ ಯೋಧ ವಿನೋದ ಶಂಕರೆಪ್ಪ ಉಳ್ಳೇಗಡ್ಡಿ(36), ಅವರು ಸತತ 15 ವರ್ಷಗಳ ಕಾಲ ಸೇನೆಯಲ್ಲಿ ಸೇವೆ ಸಲ್ಲಿಸಿದ್ದಾರೆ. ಇತ್ತೀಚೆಗೆ ಯೋಧ ಅನಾರೋಗ್ಯದ ಸಮಸ್ಯೆಗೆ ತುತ್ತಾಗಿದ್ದರು ಎಂದು ಸಂಭಂದಿಕರು ತಿಳಿಸಿದ್ದಾರೆ. ವಿನೋದ ನಾಗಾಲ್ಯಾಂಡ್ ಡಿಮಾಪುರ್ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ತೀವ್ರ ಸಮಸ್ಯೆ ಯೋಧ ವಿನೋಧ ಜೂ.30 ಹುತಾತ್ಮರಾಗಿದ್ದಾರೆ.  

ಶನಿವಾರ ಸೈನಿಕನ ಶವವನ್ನು ವಿಮಾನ ಮೂಲಕ ಬೆಳಗಾವಿಗೆ- ತವರೂರಾದ ಬೈಲಹೊಂಗಲ ತಾಲೂಕಿನ ಸಂಪಗಾವನಲ್ಲಿ ಹುತಾತ್ಮ ಯೋಧನ ಪಾರ್ಥಿವ ಶರೀರದ ಮೆರವಣಿಗೆ ನಡೆಸಲಾಯಿತು. ಮೆರವಣಿಗೆಯಲ್ಲಿ ಜಿಲ್ಲೆಯ ಗಣ್ಯರು ಸೇರಿದಂತೆ ನೂರಾರು ಸಂಖ್ಯೆಯಲ್ಲಿ ಜನರು ಬಾಗಿಯಾಗಿದ್ದರು.  

ತಂದೆ-ತಾಯಿ ಹಾಗೂ ಸಹೋದರಿಯರು, ಶಾಸಕ ಮಹಾಂತೇಶ ದೊಡಗೌಡರ, ಡಿವಾಯ್ ಎಪ್ಸಿ, ತಹೀಶೀಲ್ದಾರ, ಸಿಪಿಐ, ತಾಲೂಕಾ ಇಓ, ನಿವೃತ್ತ ಯೋಧರಾದ ವೀರು ದೊಡವಿಪ್ಪನ್ನವರ, ನಾಗಪ್ಪಾ ಗುಂಡ್ಲೂರ, ಮತ್ತು ಮಲ್ಲಿಕಾರ್ಜುನ ಉಳ್ಳೇಗಡ್ಡಿ, ಬಸವರಾಜ ಮಲ್ಲೂರ ಹಾಗೂ ಗ್ರಾಮಸ್ಥರು ಇತರರು ಇದ್ದರು.