ಅರಣ್ಯ ಪ್ರದೇಶದಲ್ಲಿ ಅಗ್ನಿಅವಘಡ: ಸುಮಾರು 20 ಎಕರೆಗೂ ಅಧಿಕ ಅರಣ್ಯ ಪ್ರದೇಶ ಸುಟ್ಟು ಭಸ್ಮ
ಲೋಕದರ್ಶನ ವರದಿ
ಜಮಖಂಡಿ 04: ನಗರದ ಕೆಟ್ಟಕೆರೆ ಹಾಗೂ ನಿಲಗೀರಿ ನಿಂಗಪ್ಪ ದೇವಸ್ಥಾನದ ಹಿಂಭಾಗದ ಅರಣ್ಯ ಪ್ರದೇಶದಲ್ಲಿ ಅಗ್ನಿಅವಘಡದಿಂದ ಸುಮಾರು 20 ಎಕರೆಗೂ ಅಧಿಕ ಅರಣ್ಯ ಪ್ರದೇಶ ಸುಟ್ಟು ಭಸ್ಮವಾದ ಘಟನೆ ನಡೆದಿದೆ.
ಅರಣ್ಯ ಪ್ರದೇಶದಲ್ಲಿ ಬೇಸಿಗೆ ಇರುವ ಕಾರಣ ನೆಲಕ್ಕೆ ಹೊಂದಿಗೊಂಡಿರುವ ಹುಲ್ಲು ಸಂಪೂರ್ಣವಾಗಿ ಒಣಗಿದ್ದು. ಅದಕ್ಕೆ ಬೆಂಕಿ ತಗುಲಿದಂದರಿಂದ ಕ್ಷಣಾರ್ಧದಲ್ಲೇ ವ್ಯಾಪಕವಾಗಿ ಹರಡಿ ಅರಣ್ಯದ ಬಹು ಭಾಗವನ್ನು ಆವರಿಸಿ ಸಣ್ಣ - ಪುಟ್ಟ ಗಿಡ-ಮರಗಳು ಸುಟ್ಟಿದ್ದು ಸ್ಥಳೀಯರು ಹಾಗೂ ಅರಣ್ಯ ಇಲಾಖೆಯ ಸಿಬ್ಬಂದಿ ತಕ್ಷಣವೇ ಕಾರ್ಯಪ್ರವೃತ್ತರಾಗಿ ಬೆಂಕಿ ನಂದಿಸಲು ಮರದ ಹಸಿಯ ತಪ್ಪಲಿನಿಂದ ಹೊಡೆದು ಬೆಂಕಿ ನಂದಿಸಲು ಹರಸಾಹಸಪಟ್ಟರು.
ಅಗ್ನಿ ಅವಘಡದ ನಿಖರ ಕಾರಣ ತಿಳಿದುಬಂದಿಲ್ಲವಾದರೂ, ಬಿಸಿಲಿನ ತಾಪಮಾನ ಹೆಚ್ಚಳ ಹಾಗೂ ಒಣಗಿದ ಗಿಡಗಂಟಿಗಳಿಂದ ಬೆಂಕಿಹೊತ್ತಿಕೊಂಡು ಅರಣ್ಯ ಪ್ರದೇಶ ಸುಮಾರು 20 ಎಕ್ಕರೆಯಷ್ಟು ಸುಟ್ಟಿರುವುದು ಎಂದು ತಿಳಿದುಬಂದಿರುತ್ತದೆ.
