ಆ್ಯಕ್ಷನ್ ಡ್ರಾಮಾ 'ಪ್ರತಾಪ್' ಮೂಲಕ ಮತ್ತೆ ಬೆಳ್ಳಿತೆರೆಗೆ ಮರಳಲಿರುವ ಇಶಾ ಡಿಯೋಲ್
ಮುಂಬೈ, ಅ.24 : ನಟಿ ಇಶಾ ಡಿಯೋಲ್ ಮುಂಬರುವ ಆ್ಯಕ್ಷನ್ ಡ್ರಾಮಾ ಚಿತ್ರ 'ಪ್ರತಾಪ್' ಮೂಲಕ ಮತ್ತೆ ಬೆಳ್ಳಿತೆರೆಗೆ ಮರಳಲು ಸಜ್ಜಾಗಿದ್ದಾರೆ. ಸಚಿನ್ ಸರಾಫ್ ನಿರ್ದೇಶನದ ಈ ಚಿತ್ರದಲ್ಲಿ ಅಮಿತ್ ಸಾಧ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
ಚಿತ್ರತಂಡವು ಇಶಾ ಡಿಯೋಲ್ ಅವರ ಪಾತ್ರವಾದ ಪೂನಂ ಅವರ ಪೋಸ್ಟರ್ ಅನ್ನು ಬಿಡುಗಡೆ ಮಾಡಿದೆ. ಕುಟುಂಬ ಸಂಬಂಧಗಳು, ಸ್ವಯಂ ಅರಿವು ಮತ್ತು ಪ್ರತಿಕೂಲ ಪರಿಸ್ಥಿತಿಗಳಲ್ಲಿ ಅಂತರಂಗದ ಶಕ್ತಿಯನ್ನು ಕಂಡುಕೊಳ್ಳುವ ವಿಚಾರಗಳು ಪೂನಂ ಪಾತ್ರದ ಕಥೆಯ ಪ್ರಮುಖ ಅಂಶಗಳಾಗಿವೆ.
ಪೂನಂ ಪಾಲಿಗೆ ಕುಟುಂಬವೇ ಸರ್ವಸ್ವ. ಆದರೆ, ಆಕೆಯ ನಂಬಿಕೆಯ ಅಡಿಪಾಯವೇ ಅಲುಗಾಡುವಂತಹ ಸವಾಲುಗಳು ಎದುರಾದಾಗ, ತನ್ನ ಸಾಮರ್ಥ್ಯವನ್ನು ಗುರುತಿಸಿಕೊಂಡು ಪರಿಸ್ಥಿತಿಯನ್ನು ಎದುರಿಸಬೇಕಾಗುತ್ತದೆ.
ಚಿತ್ರದ ಮೋಷನ್ ಪೋಸ್ಟರ್‌ನಲ್ಲಿ ಅಮಿತ್ ಸಾಧ್ ಅವರು ಎನ್‌ಕೌಂಟರ್ ಸ್ಪೆಷಲಿಸ್ಟ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಕಾನೂನಿನ ಮತ್ತೊಂದು ಬದಿಯಲ್ಲಿ ನಿಲ್ಲುವಂತಹ ಪರಿಸ್ಥಿತಿಯನ್ನು ಎದುರಿಸುತ್ತಾರೆ. ಅಧಿಕಾರ, ನ್ಯಾಯ ಮತ್ತು ವೈಯಕ್ತಿಕ ನಿರ್ಧಾರಗಳಿಂದ ಉಂಟಾಗುವ ಪರಿಣಾಮಗಳ ಸುತ್ತಲಿನ ಭಾವನಾತ್ಮಕ ಸಂಘರ್ಷಗಳನ್ನೂ ಚಿತ್ರದಲ್ಲಿ ಅನಾವರಣಗೊಳಿಸಲಾಗಿದೆ.
ಪ್ರದೀಪ್ ರಂಗ್ವಾನಿ ಮತ್ತು ಯುವಿ ಫಿಲ್ಮ್ಸ್ ಪ್ರಸ್ತುತಪಡಿಸುತ್ತಿರುವ ಈ ಚಿತ್ರದಲ್ಲಿ ತಿಗ್ಮಾಂಶು ಧುಲಿಯಾ, ಸೀಮಾ ಬಿಸ್ವಾಸ್ ಮತ್ತು ಮಿಲಿಂದ್ ಗುಣಾಜಿ ಕೂಡ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.
ಚಿತ್ರದ ಟ್ರೇಲರ್ ಅಕ್ಟೋಬರ್ 26ರಂದು ಬಿಡುಗಡೆಯಾಗಲಿದ್ದು, 'ಪ್ರತಾಪ್' 2026ರ ನವೆಂಬರ್ 20ರಂದು ಚಿತ್ರಮಂದಿರಗಳಲ್ಲಿ ತೆರೆಕಾಣಲಿದೆ.
