ನವದೆಹಲಿ, ಏಪ್ರಿಲ್‍ 16,ಕೊವಿಡ್‍-19 ಸೋಂಕಿತ ರೋಗಿಗಳಿಂದ ಮಾದರಿಗಳನ್ನು ಸಂಗ್ರಹಿಸುವ ಆರೋಗ್ಯ ವೃತ್ತಿಪರರ ರಕ್ಷಣೆಗಾಗಿ ರಕ್ಷಣಾ ಸಂಶೋಧನಾ ಮತ್ತು ಅಭಿವೃದ್ಧಿ ಸಂಸ್ಥೆ (ಡಿಆರ್ ಡಿಒ) ಕಿಯೋಸ್ಕ್‌’ ವೊಂದನ್ನು ಅಭಿವೃದ್ಧಿ ಪಡಿಸಿದೆ. ಮಾದರಿಗಳನ್ನು ಸಂಗ್ರಹಿಸುವ ವೇಳೆ ವೈದ್ಯಕೀಯ ವೃತ್ತಿಪರರು ಮತ್ತು ಆರೋಗ್ಯ ಕಾರ್ಯಕರ್ತರಿಗೆ ರೋಗಿಗಳಿಂದ ದ್ರವಕಣಗಳು ಹರಡಂತೆ ರಕ್ಷಣಾ ಪರದೆಯನ್ನು ಕಿಯೋಸ್ಕ್‌ ಹೊಂದಿರುತ್ತದೆ. ಈ ಕಿಯೋಸ್ಕ್‌ ಗೆ ‘ಕೊವ್‍ಸಾಕ್‍’ ಎಂದು ಹೆಸರಿಡಲಾಗಿದ್ದು, ಇದನ್ನು ಹೈದರಾಬಾದ್‍ನ ಡಿಆರ್‌ಡಿಒ ಅಂಗಸಂಸ್ಥೆಯಾದ ಹೈದರಾಬಾದ್‍ನ ರಕ್ಷಣಾ ಸಂಶೋಧನಾ ಮತ್ತು ಅಭಿವೃದ್ಧಿ ಪ್ರಯೋಗಾಲಯ (ಡಿಆರ್‌ಡಿಒ) ಅಭಿವೃದ್ಧಿ ಪಡಿಸಿದೆ.  ಸೋಂಕಿತ ರೋಗಿಗಳಿಂದ ಮಾದರಿಗಳನ್ನು ಪಡೆಯುವ ಆರೋಗ್ಯ ಕಾರ್ಯಕರ್ತರಿಗೆ ಕಿಯೋಸ್ಕ್‌ ರಕ್ಷಣೆ ಒದಗಿಸುತ್ತದೆ. ರೋಗಿಗಳು ಕಿಯೋಸ್ಕ್‍ ಒಳಗೆ ಪ್ರವೇಶಿಸಿದಾಗ ಬಾಯಿ ಮತ್ತು ಮೂಗಿನ ದ್ರವವನ್ನು ಆರೋಗ್ಯ ಕಾರ್ಯಕರ್ತರು ಹೊರಗಿನಿಂದಲೇ ತೆಗೆದುಕೊಳ್ಳುತ್ತಾರೆ. ರೋಗಿಗಳು ಮತ್ತು ಆರೋಗ್ಯ ಕಾರ್ಯಕರ್ತರ ನಡುವೆ ರಕ್ಷಣಾ ಪರದೆಯೊಂದನ್ನುಅಳವಡಿಸಲಾಗಿರುತ್ತದೆ. ಇದರಿಂದ ರೋಗಿಯ ದ್ರವ ಕಣಗಳು ಆರೋಗ್ಯ ಕಾರ್ಯಕರ್ತರಿಗೆ ಹರಡುವುದಿಲ್ಲ. ಕಿಯೋಸ್ಕ್‌ ಬಳಸುವುದರಿಂದ ಆರೋಗ್ಯ ಕಾರ್ಯಕರ್ತರು ವೈಯಕ್ತಿಕ ರಕ್ಷಣಾ ಉಪಕರಣ, ಪಿಪಿಇಯನ್ನು ಬದಲಾಯಿಸುವ ಅಗತ್ಯವಿರುವುದಿಲ್ಲ. ಕಿಯೋಸ್ಕ್‌ ಸ್ವಯಂಚಾಲಿತವಾಗಿ ಸೋಂಕು ನಿರೋಧಕ ಸಿಂಪಡಣೆ ಮಾಡುತ್ತದೆ. ಇದರಿಂದ ಮಾದರಿ ಸಂಗ್ರಹವು ಸೋಂಕಿನಿಂದ ಮುಕ್ತವಾಗಿರುತ್ತದೆ ಎಂದು ವಿವರಿಸಿದ್ದಾರೆ.