ಯಲ್ಲಾಪುರ ತಾಲೂಕು ಆಸ್ಪತ್ರೆಗೆ ಭೇಟಿ ನೀಡಿದ ಮುಖ್ಯಮಂತ್ರಿ

ಕಾರವಾರ : ಜಿಲ್ಲೆಯಲ್ಲಿ ಧಾರಾಕಾರವಾಗಿ ಸುರಿದ ಮಳೆ ಹಾಗೂ ಅತಿವೃಷ್ಟಿಯಿಂದ ಬಾಧಿತಗೊಳಗಾದ  ಯಲ್ಲಾಪುರ ತಾಲೂಕಿನ ವಿವಿಧ ಪ್ರದೇಶಗಳಿಗೆ ಗುರುವಾರ  ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಅವರು   ಭೇಟಿ ನೀಡಿದ  ಸಂದರ್ಭದಲ್ಲೇ  ಯಲ್ಲಾಪುರ ತಾಲೂಕು  ಆಸ್ಪತ್ರೆಗೆ ಸಹ   ಭೇಟಿ ನೀಡಿ  ಪರೀಶೀಲನೆ ನಡೆಸಿದರು.       

 ಆಸ್ಪತ್ರೆಗೆ  ಭೇಟಿ ನೀಡಿದ ಸಂದರ್ಭದಲ್ಲಿ  ಆಸ್ಪತ್ರೆಯ  ವಿವಿಧ ವಿಭಾಗಗಳ ಜೊತೆಗೆ  ಕೋವಿಡ್ -19 ಲಸಿಕೆ  ನೀಡುವ ಕೇಂದ್ರನ್ನೂ   ಪರೀಶೀಲನೆ ಮಾಡಿದರು.    ನಂತರ  ಒಳ ಹಾಗೂ ಹೊರ ರೋಗಿಗಳ  ಆರೈಕೆಯಲ್ಲಿ  ಯಾವುದೇ ಕೊರತೆಯಾಗದಂತೆ ಕ್ರಮವಹಿಸಲು ವೈದ್ಯಾಧಿಕಾರಿಗಳಿಗೆ ಸೂಚಿಸಿದರು.         

 ಈ ಸಂದರ್ಭದಲ್ಲಿ  ಜಿಲ್ಲಾ  ಉಸಮಾಜಿ ಸಚಿವ  ಶಿವರಾಮ  ಹೆಬ್ಬಾರ್  ಜಿಲ್ಲಾಧಿಕಾರಿ ಮುಲ್ಲೈ  ಮುಗಿಲನ   ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಶಿವಪ್ರಕಾಶ  ದೇವರಾಜ್   ಸೇರಿದಂತೆ  ಇತರರು  ಉಪಸ್ಥಿತರಿದ್ದರು.