ಬಳ್ಳಾರಿ 31: ಸ್ಥಳೀಯ ಮಾರುಕಟ್ಟೆಯಲ್ಲಿ ಕೃತಕ ಬಣ್ಣಗಳನ್ನು ಸೇರಿಸಿದ ಕಲಬೆರಕೆ ಚಹಾ ಮಾರಾಟವಾಗುತ್ತಿದ್ದು, ಆರೋಗ್ಯಕ್ಕೆ ಹಾನಿಕರವಾದ ಈ ಅಗ್ಗದ ಚಹಾ ಬಗ್ಗೆ ಸಾರ್ವಜನಿಕರು ಎಚ್ಚರ ವಹಿಸಬೇಕು ಎಂದು ಭಾರತದ ಆಹಾರ ಸುರಕ್ಷೆ ಮತ್ತು ಗುಣಮಟ್ಟ ಪ್ರಾಧಿಕಾರ ಸಲಹೆ ಮಾಡಿದೆ. ಚಹಾ ಸಹಜ ಆಂಟಿ ಆಕ್ಸಿಡೆಂಗಳನ್ನು ಅಧಿಕ ಪ್ರಮಾಣದಲ್ಲಿ ಹೊಂದಿರುತ್ತದೆ. ಆದಾಗ್ಯೂ ಸ್ಥಳೀಯವಾಗಿ ಲಭ್ಯವಾಗುವ ಬ್ರಾಂರಹಿತ ಸಾಮಾನ್ಯ ಚಹಾ, ಆರೋಗ್ಯಕ್ಕೆ ಹಾನಿಕರವಾದ ಕೃತಕ ಬಣ್ಣದಂಥ ಕಲ್ಮಶಗಳಿಂದ ಕಲಬೆರಕೆಯಾಗಿರುತ್ತದೆ. ಇದು ಅತ್ಯಂತ ಅಗ್ಗ ಎಂಬ ಕಾರಣಕ್ಕೆ ಗ್ರಾಹಕರು ಅದನ್ನೇ ಖರೀದಿಸುತ್ತಿರುತ್ತಾರೆ ಎಂದು ಪ್ರಕಟಣೆಯಲ್ಲಿ ಹೇಳಿದೆ." ಕೆಲ ನಿದರ್ಿಷ್ಟ ಕೃತಕ ಬಣ್ಣಗಳನ್ನು ನಿದರ್ಿಷ್ಟವಾದ ಆಹಾರ ವಸ್ತುಗಳಿಗೆ ಬಳಸಲು ಅನುಮತಿ ನೀಡುತ್ತದೆ. ಆದರೆ ಆ ಪಟ್ಟಿಯಲ್ಲಿ ಚಹಾ ಸೇರಿಲ್ಲ. ಗ್ರಾಹಕರ ಹಿತದೃಷ್ಟಿಯಿಂದ ಬಣ್ಣದ ಕಲಬೆರಕೆಯನ್ನು ಕಟ್ಟುನಿಟ್ಟಾಗಿ ನಿಷೇಧಿಸಲಾಗಿದೆ" ಎಂದು ಸ್ಪಷ್ಟಪಡಿಸಿದೆ. "ಕಲರಿಂಗ್ ಆಫ್ ಟೀಸ್ ಎಂಬ ಶೀಷರ್ಿಕೆಯ ಲೇಖನದಲ್ಲಿ ಭಾರತದ ಚಹಾ ಮಂಡಳಿ ಕೂಡಾ ಇದನ್ನು ಪ್ರತಿಪಾದಿಸಿ, ಇಂಥ ಚಹಾ ಬಳಸದಂತೆ ಎಚ್ಚರಿಕೆ ನೀಡಿದೆ. ಚಹಾ ಪುಡಿಯನ್ನು ತಣ್ಣೀರಿಗೆ ಸೇರಿಸಿದಾಗ ಕೃತಕ ಬಣ್ಣ ನೀರಿನಲ್ಲಿ ಕರಗುತ್ತದೆ. ಈ ಸರಳ ಸೂತ್ರದ ಮೂಲಕ ಜನ ಕಲಬೆರಕೆ ಚಹಾ ಪತ್ತೆ ಮಾಡಬಹುದು ಎಂದು ಹೇಳಿದೆ.