ಗಜಾನನ ಯುವಕ ಸೇವಾ ಟ್ರಸ್ಟ್‌ ಬೆಟಗೇರಿ ವತಿಯಿಂದ ಗಣಪತಿ ವಿಸರ್ಜನೆ..
ಲೋಕದರ್ಶನ ವರದಿ
ಬೆಟಗೇರಿ 20: ಗಜಾನನ ಯುವಕ ಸೇವಾ ಟ್ರಸ್ಟ್‌ ಬೆಟಗೇರಿ ವತಿಯಿಂದ ಬೆಟಗೇರಿಯ ಟರ್ನಲ್ ಪೇಟೆ ಕಮಾನ್ ಹತ್ತಿರ ಇರುವ ಓಣಿಯಲ್ಲಿ 24ನೇ ವರ್ಷದ ಗಣಪತಿಯನ್ನು ಪ್ರತಿಷ್ಠಾಪಿಸಿ ಕೋವಿಡ್‌-19 ಮಾರ್ಗಸೂಚಿ ಅನುಗುಣವಾಗಿ 10 ದಿನಗಳ ಕಾಲ ಗಣಪತಿಯನ್ನು ಪೂಜಿಸಿ ದಿನಾಂಕ 19-09-2021 ರಂದು ನರ್ಲೆಕರ ದವಾಖಾನೆ ಹತ್ತಿರವಿರುವ ರೇಲ್ವೆ ಟ್ಯಾಂಕ್‌ನಲ್ಲಿ ರಾತ್ರಿ 9-15 ಕ್ಕೆ ವಿಸರ್ಜಿಸಲಾಯಿತು.
ಈ ಸಂದರ್ಭದಲ್ಲಿ ಸಭೆಯ ಅಧ್ಯಕ್ಷತೆಯನ್ನು ವಹಿಸಿ ಮಾತನಾಡಿದ ಟ್ರಸ್ಟ್‌ ಅಧ್ಯಕ್ಷರಾದ ರಾಮಣ್ಣ ಇರಕಲ್ಲ ಅವರು ತಮ್ಮೆಲ್ಲರ ಬಡವಾವಣೆಯ ಹಿರಿಯರ, ಯುವಕರ, ಸಂಘಟನೆಯೊಂದಿಗೆ ಪ್ರತಿವರ್ಷ ಗಣೇಶ ಹಬ್ಬ ಆಚರಿಸುತ್ತ ಬಂದಿರುವುದು ಹೆಮ್ಮೆಯ ಸಂಗತಿ 24ನೇ ವರ್ಷದ ಕಾರ್ಯಕ್ರಮಕ್ಕೆ ಸಹಕರಿಸಿದ ಓಣಿಯ ಹಿರಿಯರು, ಮಾರ್ಗದರ್ಶಕರು ಹಾಗೂ ಎಲ್ಲ ಯುವಕರಿಗೆ ಈ ಸಂದರ್ಭದಲ್ಲಿ ಅಭಿನಂದನೆ ಸಲ್ಲಿಸಿದರು.
ಮುಖ್ಯ ಅತಿಥಿಗಳಾಗಿ ಆಗಮಿಸಿ ಮಾತನಾಡಿದ ನಿಜಶರಣ ಅಂಬಿಗರ ಚೌಡಯ್ಯ ಸಮಾಜ ಟ್ರಸ್ಟ್‌ ಗದಗ-ಬೆಟಗೇರಿ ಪ್ರಧಾನ ಕಾರ್ಯದರ್ಶಿಯಾದ ಸಂಗಮೇಶ ಹಾದಿಮನಿಯವರು ಪ್ರತಿ ವರ್ಷದಂತೆ ಈ ವರ್ಷವೂ ಅತ್ಯಂತ ಸರಳ ರೀತಿಯಲ್ಲಿ ತಮ್ಮ ಸಂಘಟನೆಯಿಂದ ಓಣಿಯ ಹಿರಿಯರು ಸಹಕಾರದೊಂದಿಗೆ 24ನೇ ವರ್ಷದ ಗಜಾನನೋತ್ಸವ ಕಾರ್ಯಕ್ರಮವನ್ನು ಅಚ್ಚುಕಟ್ಟಾಗಿ ನಿರ್ವಹಿಸಿದಕ್ಕೆ ತಮ್ಮೆಲ್ಲರಿಗೂ ಗಣೇಶನು ಆಯುರಾರೋಗ್ಯ ಕರುಣಿಸಲಿ ಎಂದು ಪ್ರಾರ್ಥಿಸುತ್ತೇನೆ.
24ನೇ ವರ್ಷದ ಗೌರವಾಧ್ಯಕ್ಷರಾಗಿ ಆಯ್ಕೆಯಾದ ಮಾರುತಿ ಈರ‍್ಪ ಕವಲೂರ ಇವರಿಗೆ ಹಾಗೂ ಅತೀ ಹೆಚ್ಚು ಅಂಕಗಳಿಸಿ ಶಾಲೆಗೆ ಕೀರ್ತಿ ತಂದು ಕೊಟ್ಟ ವಿದ್ಯಾರ್ಥಿನಿಯರಾದ ಕೋಮಲ ಕಂಪ್ಲಿ, ಕೀರ್ತಿ ಪರಕಾಳಿ ಇವರಿಗೆ ಈ ಸಂದರ್ಭದಲ್ಲಿ ಸನ್ಮಾನಿಸಿ ಗೌರವಿಸಲಾಯಿತು.
ಈ ಸಂದರ್ಭದಲ್ಲಿ ಟ್ರಸ್ಟ್‌ ಉಪಾಧ್ಯಕ್ಷ ರಮೇಶ ಪರಕಾಳಿ, ಪ್ರಧಾನ ಕಾರ್ಯದರ್ಶಿ ಸಂತೋಷ ಕವಲೂರ, ಸಹ-ಕಾರ್ಯದರ್ಶಿ ಗೋಪಾಲಸಿಂಗ್ ಕಂಪ್ಲಿ, ಸಂಘಟನಾ ಕಾರ್ಯದರ್ಶಿ ಮಂಜುನಾಥ ಕವಲೂರ, ಸಹ-ಸಂಘಟನಾ ಕಾರ್ಯದರ್ಶಿ ಲೋಕೇಶ ಇರಕಲ್ಲ, ಖಜಾಂಚಿ ದಿವಾಕರ ಪರಕಾಳಿ, ಟ್ರಸ್ಟಿಗಳಾದ ಅನಿಲ ಕರಿ, ಪ್ರಸನ್ನ ಪವಾರ, ಚಂದ್ರು ಪರಗಿ, ರಾಮಸಿಂಗ್ ಬಾವರೆ, ಕೃಷ್ಣಾ ಕೊಪ್ಪರದ, ಓಣಿಯ ಯುವಕರಾದ ವಿನಾಯಕ ಕಬಾಡಿ, ಮಲ್ಲೇಶಪ್ಪ ಕಾಟವಾ, ಬಸವರಾಜ ಪೆನಗೊಂಡ್ಲ, ಶಶಿಕಾಂತ ಗಾಯಕವಾಡ, ಕೃತಿಕ ಪರಕಾಳಿ, ರಾಕೇಶ ಕಬಾಡಿ, ವಿರೇಶ ಪರಕಾಳಿ, ಪರಶುರಾಮ ಶ್ಯಾವಿ, ವಿರೇಶ ಅಡಕಿ, ರಾಘವೇಂದ್ರ ನೀಲಿ, ಪರಶುರಾಮ ಸೈದಾಪೂರ, ರವಿ ತಟ್ಟಿ, ಪ್ರವೀಣ ಚವಲಾ ಉಪಸ್ಥಿತರಿದ್ದರು.
