ಬಳ್ಳಾರಿ ಜಿಪಂ ಮಾಜಿ ಸಿಇಒ ನೆತ್ತಿಯ ಮೇಲೆ ಅಕ್ರಮ ಆರೋಪದ ತೂಗುಗತ್ತಿ

ಬಳ್ಳಾರಿ: ಜಿಲ್ಲಾ ಪಂಚಾಯತ್​ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಯಾಗಿ ಕರ್ತವ್ಯ ನಿರ್ವಹಿಸಿ ದಿಢೀರನೆ ಬೇರೆಡೆಗೆ ವರ್ಗಾವಣೆಗೊಂಡ ಮಾಜಿ ಸಿಇಒ ಕೆ.ನಿತೀಶ್​ ಅವರ ನೆತ್ತಿಯ ಮೇಲೆ ಅಕ್ರಮದ ತೂಗುಗತ್ತಿ ನೇತಾಡುತ್ತಿದೆ.ಬಳ್ಳಾರಿ ಜಿಪಂನ ಸಿಇಒ ಆಗಿ ಕಾರ್ಯನಿರ್ವಹಿಸಿದ ಕೆ.ನಿತೀಶ್​ ಅವರ ಅಧಿಕಾರದ ಅವಧಿಯಲ್ಲಾದ ಅಕ್ರಮಗಳ ಬಗ್ಗೆ ಆರೋಪ ಸಾಬೀತು ಆದ್ರೆ ರಾಜ್ಯ ಸರ್ಕಾರ ಕೈಗೊಳ್ಳುವ ಶಿಸ್ತು ಕ್ರಮಕ್ಕೆ ಕೆ.ನಿತೀಶ್​​ ಒಳಗಾಗುವ ಸಾಧ್ಯತೆ ಇದೆ. ರಾಣೆಬೆನ್ನೂರಿನ ಎಂ.ಪಿ.ಎಂ.ಶಿವಾನಂದ ಎಂಬುವವರು ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್ ರಾಜ್ ಇಲಾಖೆಯ ಅಧೀನ ಕಾರ್ಯದರ್ಶಿ ಟಿ.ಡಿ.ನಾಗೇಂದ್ರ ಅವರಿಗೆ ಬಳ್ಳಾರಿ ಜಿಲ್ಲಾ ಪಂಚಾಯಿತಿ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಯಾಗಿದ್ದಾಗ ಮಾಜಿ ಸಿಇಒ ಕೆ.ನಿತೀಶ್​​ ನಡೆಸಿರುವ ಅಕ್ರಮಗಳ ಕುರಿತು ದೂರು ನೀಡಿದ್ದಾರೆ.

ದೂರುದಾರರು ದೂರು ಲಗತ್ತಿಸಿರೋದರ ಕುರಿತು ಮಾಹಿತಿ ನೀಡಿರುವ ಪ್ರತಿ ಲೋಕದರ್ಶನ ಪತ್ರಿಕೆಗೆ ಲಭ್ಯವಾಗಿದೆ.ಮಾಜಿ ಸಿಇಒ ಕೆ.ನಿತೀಶ್​ ಅಧಿಕಾರ ಅವಧಿಯಲ್ಲಿ‌ ನಡೆದಿರೋ ಅಕ್ರಮಗಳಾದ್ರೂ ಏನೆಂಬುದನ್ನು ದೂರುದಾರ ಶಿವಾನಂದ ‌ಅವರೇ ಹೇಳಬೇಕಾಗಿದೆ. ಈ ಸಂಬಂಧ ಸರ್ಕಾರದ ಅಧೀನ ಕಾರ್ಯದರ್ಶಿ ಅವರಿಗೂ ಈ ಪ್ರತಿಯನ್ನು ನೀಡಿದ್ದಾರೆ. ಅಕ್ರಮ ನಡೆಸಿರುವುದು ಸಾಬೀತಾದಲ್ಲಿ ಶಿಸ್ತು ಕ್ರಮ ಜರುಗಿಸುವಂತೆ ಶಿವಾನಂದ ದೂರು ಅರ್ಜಿಯಲ್ಲಿ ಉಲ್ಲೇಖಿಸಿದ್ದಾರೆ .