ಕೋಲಾರದಲ್ಲಿ ಮಳೆಗಾಗಿ ಕಪೆ ಮದುವೆ ಆಚರಣೆ ಗ್ರಾಮಸ್ಥರ ವಿಶೇಷ ಪ್ರಾರ್ಥನೆ

ಕೋಲಾರ, ಜು.04: ಮಳೆ ಅಭಾವದಿಂದ ಸಂಕಷ್ಟ ಎದುರಿಸುತ್ತಿರುವ ಗ್ರಾಮದಲ್ಲಿ ಉತ್ತಮ ಮಳೆಯಿಗಾಗಿ ಗ್ರಾಮಸ್ಥರು ವಿಶಿಷ್ಟ ಸಂಪ್ರದಾಯದಂತೆ “ಕಪೆ ಮದುವೆ” ಕಾರ್ಯಕ್ರಮವನ್ನು ನಡೆಸಿ ದೇವರ ಕೃಪೆಗಾಗಿ ಪ್ರಾರ್ಥಿಸಿದರು. ಗ್ರಾಮದ ಮಹಾದೇವಪ್ಪ ದೇವಸ್ಥಾನದಲ್ಲಿ ಹಿಂದೂ ಸಂಪ್ರದಾಯದಂತೆ ಕಪೆ ಮದುವೆ ವಿಧಿವಿಧಾನಗಳನ್ನು ಭಕ್ತಿಭಾವದಿಂದ ನೆರವೇರಿಸಲಾಯಿತು. ಈ ಮೂಲಕ ಮಳೆಯ ದೈವಿಕ ಅನುಗ್ರಹ ದೊರೆಯುತ್ತದೆ ಎಂಬ ನಂಬಿಕೆಯಿಂದ ಗ್ರಾಮಸ್ಥರು ಸೇರಿ ವಿಶೇಷ ಪೂಜೆ ಸಲ್ಲಿಸಿದರು. ಮದುವೆ ಸಂದರ್ಭದಲ್ಲಿ ಕಪೆಗಳನ್ನು ಹೂವಿನ ಅಲಂಕಾರದಿಂದ ಸಿಂಗರಿಸಿ ಸಂಪ್ರದಾಯಬದ್ಧವಾಗಿ ಮದುವೆ ಶಾಸ್ತ್ರಗಳನ್ನು ನೆರವೇರಿಸಲಾಯಿತು. ಮಹಿಳೆಯರು, ಮಕ್ಕಳು ಹಾಗೂ ಹಿರಿಯರು ಭಕ್ತಿಯಿಂದ ಭಾಗವಹಿಸಿ ಮಳೆಗಾಗಿ ದೇವರಿಗೆ ಪ್ರಾರ್ಥನೆ ಸಲ್ಲಿಸಿದರು.  

ಗ್ರಾಮಸ್ಥರ ನಂಬಿಕೆಯ ಪ್ರಕಾರ, ಕಪೆ ಮದುವೆ ಆಚರಣೆ ಮಾಡಿದ ನಂತರ ಮಳೆ ಬರುತ್ತದೆ ಎಂಬುದು ಪಾರಂಪರಿಕ ನಂಬಿಕೆ. “ಮಳೆ ನಮ್ಮ ಪ್ರಾರ್ಥನೆಗೆ ಸ್ಪಂದಿಸಿದೆ” ಎಂದು ಹಿರಿಯರು ಸಂತೋಷ ವ್ಯಕ್ತಪಡಿಸಿದರು. ಕಾರ್ಯಕ್ರಮದಲ್ಲಿ ಜಯಶ್ರೀ ಕೋಲಕಾರ, ಮಾಯಾದೇವಿ ಸೊನ್ನದ, ಶಾಂತವ್ವ ಅಥಣಿ, ಲಕ್ಷ್ಮವ್ವ ಗಿಡ್ಡಪ್ಪಗೋಳ, ವಿದ್ಯಾಶ್ರೀ ಅಂಬಲಿ, ಗುರುಬಾಯಿ ಗಿಡ್ಡಪ್ಪಗೋಳ, ಕಲ್ಲಪ್ಪ ಸೊನ್ನದ ಸೇರಿದಂತೆ ಹಲವರು ಭಾಗವಹಿಸಿದ್ದರು. ಹಿರಿಯರು ಮತ್ತು ಗ್ರಾಮಸ್ಥರ ನಂಬಿಕೆಯಂತೆ, ಮಳೆಗಾಗಿ ನಡೆಸಿದ ಈ ವಿಶೇಷ ಆಚರಣೆ ಗ್ರಾಮದಲ್ಲಿ ಆಶಾಭಾವನೆ ಮೂಡಿಸಿದೆ. ಮುಂದಿನ ದಿನಗಳಲ್ಲಿ ಉತ್ತಮ ಮಳೆಯಾಗಲಿ ಎಂದು ಎಲ್ಲರೂ ದೇವರಲ್ಲಿ ಪ್ರಾರ್ಥಿಸಿದರು.