ಬಳ್ಳಾರಿ ಎಪಿಎಂಸಿ ಅಧ್ಯಕ್ಷರಾಗಿ ಉಮೇಶ್ ಕುಮಾರ್

ಲೋಕದರ್ಶನ ವರದಿ 

ಬಳ್ಳಾರಿ 26: ಬಳ್ಳಾರಿ ಕೃಷಿ ಉತ್ಪನ್ನ ಮಾರುಕಟ್ಟೆಯ ಅಧ್ಯಕ್ಷರನ್ನಾಗಿ ಉಮೇಶ್ ಕುಮಾರ್ ಇವರನ್ನು ತಕ್ಷಣದಿಂದ ಜಾರಿಗೆ ಬರುವಂತೆ ಮತ್ತು ಮುಂದಿನ ಆದೇಶದವರೆಗೆ ಕರ್ನಾಟಕ ಸರ್ಕಾರ ನಾಮ ನಿರ್ದೇಶನಗೊಳಿಸಿ ಆದೇಶಿಸಿದೆ.  

ಈ ಸಂದರ್ಭದಲ್ಲಿ ಬಳ್ಳಾರಿಯ ಭಾರತೀಯ ಜನತಾ ಪಕ್ಷದ ಮುಖಂಡರು, ಎ.ಪಿ.ಎಂ.ಸಿ ವರ್ತಕರು ಮತ್ತು ಅವರ ಸ್ನೇಹ ಬಳಗದವತಿಯಿಂದ ಸನ್ಮಾನಿಸಿ ಅಭಿನಂದಿಸಲಾಯಿತು.  

ಗೌರವ ಸನ್ಮಾನ ಸ್ವೀಕರಿಸಿ ಮಾತನಾಡಿದ ಅಧ್ಯಕ್ಷ ಉಮೇಶ್‌ಕುಮಾರ್‌ರವರು, ಪಕ್ಷಕ್ಕೆ ನನ್ನ ಸೇವೆಯನ್ನು ಗುರುತಿಸಿ ನನಗೆ ಈ ಜವಾಬ್ದಾರಿಯನ್ನು ನೀಡಿದ ಜಿಲ್ಲಾಧ್ಯಕ್ಷ ಚನ್ನಬಸವನಗೌಡ, ಸಚಿವ ಬಿ ಶ್ರೀರಾಮುಲು, ಶಾಸಕ ಗಾಲಿ ಸೋಮಶೇಖರ್‌ರೆಡ್ಡಿ, ಮಾಜಿ ಶಾಸಕ ಸುರೆಶ್‌ಬಾಬು, ಮಾಜಿ ಎಂ.ಪಿ ಸಣ್ಣ ಪಕ್ಕೀರ​‍್ಪ, ಹಾಲಿ ಸಂಸದ ವೈ ದೇವೇಂದ್ರ ಇವರುಗಳಿಗೆ ಧನ್ಯವಾದಗಳನ್ನು ತಿಳಿಸುತ್ತೇನೆ ಮತ್ತು ಈ ಹುದ್ದೆಗೆ ನಾನು ಮತ್ತು ನಮ್ಮ ಪದಾಧಿಕಾರಿಗಳು ನ್ಯಾಯ ಒದಗಿಸಿ ಎ.ಪಿ.ಎಂ.ಸಿ ಲೋಪದೋಷಗಳನ್ನು ಸರಿಪಡಿಸಿ ಅಭಿವೃದ್ಧಿಗೆ ಪ್ರಯತ್ನಿಸಲಾಗುವುದು ಎಂದರು.  

ಈ ಸಂದರ್ಭದಲ್ಲಿ ಉಪಾಧ್ಯಕ್ಷ ಎಂ ಪಂಪನಗೌಡ ಕಾರೆಕಲ್ಲು, ಸದಸ್ಯ ಕೆ ಬಾಬು ಕಾಕರ‌್ಲತೋಟ, ಬಿ ವೆಂಕಟೇಶ್, ಜಿ ತಿರುಮಲರೆಡ್ಡಿ ದಮ್ಮೂರು, ಕೃಷ್ಣಾರೆಡ್ಡಿ ಅವ್ವಂಬಾವಿ, ಸುಜಾತ ಬೆಳಗಲ್ಲು, ಟಿ ಬುಗ್ಗಯ್ಯ ಸಂಗನಕಲ್ಲು, ಜಿ ಹುಲುಗಪ್ಪ ಹೊಸಯರಗುಡಿ, ಎ ಎರಿ​‍್ರಸ್ವಾಮಿ ಬೊಬ್ಬಕುಂಟೆ, ಸುಶೀಲಾಬಾಯಿ ಹೊನ್ನಳ್ಳಿತಾಂಡ, ಮದಿರೆ ಕುಮಾರಸ್ವಾಮಿ, ಪೂಜಾರಿ ಲಕ್ಷ್ಮಿ, ರಾಮಾಂಜಿನಿ ಕಪ್ಪಗಲ್ಲು, ಜಿ ಸೋಮಶೇಖರಗೌಡ ಕುರುಗೋಡು ಮತ್ತು ಪಕ್ಷದ ಮುಖಂಡರು ಮತ್ತು ಸ್ನೇಹಿತರಾದ ಮೆಡಿಕಲ್ ಶಾಪ್ ಮಲ್ಲಿ, ಬಿ ಮಲ್ಲಿಕಾರ್ಜುನ, ಸತ್ಯಾ, ಶಿವಶಂಕರ್ ಸೇರಿದಂತೆ ಪಕ್ಷದ ಕಾರ್ಯಕರ್ತರು ಇದ್ದರು.