ಪ್ರಸ್ತುತ ಸನ್ನಿವೇಶದಲ್ಲಿ ಅಭಿವೃದ್ಧಿಯಲ್ಲಿ ಗುಣಾತ್ಮಕ ಸಂಶೋಧನೆಯ ಅಗತ್ಯತೆ ಇದೆ: ಅರಿಹಂತ ಪ್ರಸಾದ

ಲೋಕದರ್ಶನ ವರದಿ 

ಧಾರವಾಡ 02: 'ಸಂಶೋಧನೆ ನಿರಂತರ ಪ್ರಕ್ರಿಯೆ, ಮತ್ತು ಅದು ಸಮಕಾಲೀನ ಅಗತ್ಯಗಳಿಗೆ ಹೊಂದಿಕೊಳ್ಳಬೇಕು. ಬಹು-ಶಿಸ್ತಿನ ಮತ್ತು ಮಿಶ್ರ-ವಿಧಾನಗಳು ಪ್ರಸ್ತುತ ಯುಗದಲ್ಲಿ ಗುಣಾತ್ಮಕ ಸಂಶೋಧನೆಯು ಹೆಚ್ಚು ಮಹತ್ವದ್ದಾಗಿದೆ. ಕಾರ್ಯಾಗಾರವು ಂಣಟಛಿ.ಣ ಮತ್ತು ಂಟಿಣಡಿಠಚಿಛಿನಂತಹ ವಿವಿಧ ಸಾಫ್ಟವೇರ್‌ಗಳನ್ನು ಬಳಸಿಕೊಂಡು ಗುಣಾತ್ಮಕ ದತ್ತಾಂಶ ಸಂಗ್ರಹ ತಂತ್ರಗಳು ಮತ್ತು ವಿಶ್ಲೇಷಣೆಯ ಮೇಲೆ ಕೇಂದ್ರೀಕರಿಸುತ್ತದೆ ಎಂದು ಧಾರವಾಡದ ವಿದ್ಯಾಗಿರಿಯ ಜೆ.ಎಸ್‌.ಎಸ್ ಆರ್ಥಿಕ ಮತ್ತು ಜನಸಂಖ್ಯಾ ಸಂಶೋಧನಾ ಕೇಂದ್ರದಲ್ಲಿ ಆಯೋಜಿಸಲಾಗಿದ್ದ 3 ದಿನಗಳ ಗುಣಾತ್ಮಕ ಸಂಶೋಧನಾ ತಂತ್ರಗಳು ದತ್ತಾಂಶ ಸಂಗ್ರಹಣೆ ಮತ್ತು ವಿಶ್ಲೇಷಣೆ ಕಾರ್ಯಾಗಾರವನ್ನು ದೀಪ ಬೆಳಗಿಸುವ ಮೂಲಕ ಉದ್ಘಾಟಿಸಿ ಜೆ.ಎಸ್‌.ಎಸ್ ನ ಆಡಳಿತಾಧಿಕಾರಿಗಳಾದ ಅರಿಹಂತ ಪ್ರಸಾದರವರು ಮಾತನಾಡುತ್ತಿದ್ದರು.  

ದತ್ತಾಂಶ ಸಂಗ್ರಹಣೆ, ವಿಶ್ಲೇಷಣೆ ಮತ್ತು ಅವುಗಳ ಪ್ರಾಯೋಗಿಕ ಅನ್ವಯಿಕೆಗಳನ್ನು ಒಳಗೊಂಡಿರುವ ಗುಣಾತ್ಮಕ ಸಂಶೋಧನಾ ವಿಧಾನಗಳ ಮೇಲೆ ಕೇಂದ್ರೀಕರಿಸುವ ಕಾರ್ಯಾಗಾರಗಳ ಪ್ರಾಮುಖ್ಯತೆಯನ್ನು ತಿಳಿಸುತ್ತದೆ. ಸಂಶೋಧಕರು ಮತ್ತು ಪಿಎಚ್ಡಿ ವಿಧ್ಯಾರ್ಥಿಗಳು ಗುಣಾತ್ಮಕ ಸಂಶೋಧನೆ ಮತ್ತು ಮೌಲ್ಯಮಾಪನ ಅಭ್ಯಾಸಗಳನ್ನು ಅರ್ಥಮಾಡಿಕೊಳ್ಳುವುದು ಮತ್ತು ಅನ್ವಯಿಸುವುದು ಬಹಳ ಮುಖ್ಯ ಎಂದು ಹೇಳಿದರು.  

ಡಾ. ಜ್ಯೋತಿ ಎಸ್‌. ಹಳ್ಳದ, ನಿರ್ದೇಶಕರು ಜೆ.ಎಸ್‌.ಎಸ್‌. ಐ.ಇಆರ್‌. ಜನಸಂಖ್ಯಾ ಸಂಶೋಧನಾ ಕೇಂದ್ರ, ಧಾರವಾಡ ಅವರು ಸ್ವಾಗತ ಹಾಗೂ ಅತಿಥಿಗಳ ಪರಿಚಯ ಭಾಷಣ ಮಾಡಿದರು, ಡಾ. ಮಾನಸ್ ರಂಜನ್ ಪ್ರಧಾನ್, ಸಂಪನ್ಮೂಲ ವ್ಯಕ್ತಿಗಳು, ಐಐಫಿಎಸ್ ಮುಂಬೈ ಇವರು ತಮ್ಮ ಅನಿಸಿಕೆಗಳನ್ನು ಹಂಚಿಕೊಂಡರು ಮತ್ತು ಪ್ರೊ. ವಿಜಯಲಕ್ಷ್ಮಿ ಅಮ್ಮಿನಭಾವಿ, ಸದಸ್ಯರು, ಆಡಳಿತ ಪರಿಷತ್, ಸಿ.ಎಂ.ಡಿ.ಆರ್‌. ಧಾರವಾಡ ಅವರು ಅಧ್ಯಕ್ಷೀಯ ಪರ ನುಡಿಗಳನ್ನಾಡಿದರು. ಗೌರವಾನ್ವಿತ ಅತಿಥಿಗಳಾಗಿ ಮಹಾವೀರ ಉಪಾದ್ಯೆ ಮತ್ತು ಪ್ರೊ. ನಯನತಾರಾ ಸುಬ್ರಾವ್ ನಾಯಕ್ ಅವರು ಉಪಸ್ಥಿತರಿದ್ದರು. ಡಾ. ಜೈ ಪ್ರಭಾಕರ್ ಎಸ್‌.ಸಿ. ಅವರು ವಂದಿಸಿದರು ಮತ್ತು ಸಿ. ಎನ್‌. ನೂಲ್ವಿ ಕಾರ್ಯಕ್ರಮ ನಿರೂಪಿಸಿದರು.