ವ್ಯಕ್ತಿ ಕಾಣೆ; ಪತ್ತೆಗೆ ಮನವಿ

ಬಳ್ಳಾರಿ,ಸೆ.04: ನಗರದ ದೊಡ್ಡ ತರಕಾರಿ ಮಾರ್ಕಿಟ್, ರೆಡ್ಡಿ ಸ್ಟ್ರೀಟ್ ಮೌಲಮಕಾನ್ ಎದುರುಗಡೆ ನಿವಾಸಿ ಸೈಯದ್ ಭಾಷೆ ಎನ್ನುವ 58 ವರ್ಷದ ವ್ಯಕ್ತಿಯು ಆ.20ರಂದು ಕಾಣೆಯಾಗಿದ್ದು, ಬ್ರೂಸ್ಪೇಟೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪತ್ತೆಗೆ ಸಹಕರಿಸಬೇಕು.

ಚಹರೆ: ಎತ್ತರ 5.6 ಅಡಿ, ಸಾದರಣ ಮೈಕಟ್ಟು, ಕೋಲುಮುಖ, ಎಣ್ಣೆಗೆಂಪು ಮೈಬಣ್ಣ, ಕಪ್ಪು ಮಿಶ್ರಿತ ಬಿಳಿ ತಲೆಕೂದಲು, ಕಪ್ಪು ಮಿಶ್ರಿತ ಬಿಳಿ ಗಡ್ಡ ಹೊಂದಿರುತ್ತಾನೆ. ಕಾಣೆಯಾದ ಸಂದರ್ಭದಲ್ಲಿ ತಿಳಿ ಹಳದಿ ಬಣ್ಣದ ಶರ್ಟ್  ಮತ್ತು ಪ್ಯಾಂಟ್ ಧರಿಸಿರುತ್ತಾನೆ. ಕನ್ನಡ, ತೆಲುಗು, ಹಿಂದಿ ಹಾಗೂ ಉರ್ದು ಮಾತನಾಡುತ್ತಾನೆ.

ಕಾಣೆಯಾದ ವ್ಯಕ್ತಿಯ ಬಗ್ಗೆ ಸುಳಿವು ಸಿಕ್ಕಲ್ಲಿ ಬ್ರೂಸ್ಪೇಟೆ ಪೊಲೀಸ್ ಠಾಣೆಯ ದೂ.08392-272022, ಠಾಣೆಯ ಪಿ.ಐ ಮೊ.9480803045, 9480803081ಹಾಗೂ ಬಳ್ಳಾರಿ ಕಂಟ್ರೋಲ್ ರೂಂ ದೂ.08392-258100 ಗೆ ಸಂಪರ್ಕಿಸಬಹುದು ಎಂದು ಠಾಣೆಯ ಠಾಣಾಧಿಕಾರಿ  ತಿಳಿಸಿದ್ದಾರೆ.