ಗುರು ಪೂರ್ಣಿಮೆ ಅಂಗವಾಗಿ ವಿಶೇಷ ಪೂಜೆ, ಪಾದಪೂಜೆ

ಲೋಕದರ್ಶನ ವರದಿ

ಆಲಮೇಲ 29: ಪಟ್ಟಣದ ಗುರು ಸಂಸ್ಥಾನ ಹಿರೇಮಠದಲ್ಲಿ ಗುರು ಪೂರ್ಣಿಮೆ ಅಂಗವಾಗಿ ಮಹಿಳಾ ಭಕ್ತರು ವಿಶೇಷ ಪೂಜೆ, ಪಾದಪೂಜೆ ಹಾಗೂ ಶಿವನಾಮ ಸ್ಮರಣೆಯೊಂದಿಗೆ ಭಕ್ತಿಭಾವದಿಂದ ಆಚರಣೆ ನಡೆಸಿದರು.  

ಈ ಸಂದರ್ಭದಲ್ಲಿ ಗುರು ಸಂಸ್ಥಾನದ ಚಂದ್ರಶೇಖರ ಶ್ರೀಗಳು ಹಾಗೂ ಅರ್ಜುನಗಿ ಮಠದ ಸಂಗನಬಸವ ಶ್ರೀಗಳಿಗೆ ಮಹಿಳಾ ಭಕ್ತರು ಪಾದಪೂಜೆ ನೆರವೇರಿಸಿ, ಶಿವನಾಮ ಸಂಕೀರ್ತನೆ ಹಾಗೂ ಭಕ್ತಿಗೀತೆಗಳನ್ನು ಹಾಡಿ ಗೌರವ ಸಲ್ಲಿಸಿದರು. ಬಳಿಕ ಶ್ರೀಗಳ ಆಶೀರ್ವಾದ ಪಡೆದು ಪ್ರಸಾದ ಸ್ವೀಕರಿಸಿದರು.  

ಕಾರ್ಯಕ್ರಮದಲ್ಲಿ ಮಾತನಾಡಿದ ಮೀನಾಕ್ಷಿ ಕೋಣಶಿರಸಗಿ, ಜೀವನದಲ್ಲಿ ಗುರುಗಳ ಮಾರ್ಗದರ್ಶನ ಅತ್ಯಂತ ಮಹತ್ವದ್ದಾಗಿದ್ದು, ಗುರು ಪೂರ್ಣಿಮೆ ಆತ್ಮಚಿಂತನೆ ಹಾಗೂ ಸದ್ಮಾರ್ಗದಲ್ಲಿ ಸಾಗಲು ಪ್ರೇರಣೆ ನೀಡುವ ಹಬ್ಬವಾಗಿದೆ ಎಂದು ಹೇಳಿದರು.  

ಕಾರ್ಯಕ್ರಮದಲ್ಲಿ ಸಾವಿತಾ ಹಿರೇಮಠ, ರಾಣಿ ಮಠ, ತಾಯಮ್ಮ ಕೇರಿ, ಮಂಜುಳಾ ಕುಂಬಾರ, ನಾಗಮ್ಮ ಜಾಡರ, ಭಾರತಿ ತಾರಾಪೂರ, ಮೈತ್ರಿ, ಕಮಲಾ ಕಡಣಿ, ನಾಗಮ್ಮ ಸುಬೇದಾರ, ಸ್ವಾತಿ ಪತ್ತಾರ, ಭಾಗ್ಯಶ್ರೀ, ಈರವ್ವ ಸೇರಿದಂತೆ ಮಹಿಳಾ ಭಕ್ತರು ಉಪಸ್ಥಿತರಿದ್ದರು.