ವಿಜಯಪುರ 28: ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆಯ ನಿವೃತ್ತ ನಿರ್ದೇಶಕ ಮತ್ತು ನಗರದ ನಿವಾಸಿ ಮಲ್ಲಿಕಾರ್ಜುನ ಗುರುಮುರ್ತಿ ಕೆಳಗಡೆ(74) ಅವರು ಮರಣಾನಂತರ ತಮ್ಮ ದೇಹವನ್ನು ಬಿ.ಎಲ್‌.ಡಿ.ಇ ಆಸ್ಪತ್ರೆಗೆ ದಾನ ಮಾಡುವುದಾಗಿ ವಾಗ್ದಾನ ಮಾಡಿದ್ದಾರೆ. 

ಜಿಲ್ಲೆಯಲ್ಲಿ ದೇಹದಾನದ ಮಹತ್ವದ ಕುರಿತು ಜನರಲ್ಲಿ ಜಾಗೃತಿ ಹೆಚ್ಚಾಗುತ್ತಿದೆ.  ಈಗ ಮಲ್ಲಿಕಾರ್ಜುನ ಗುರುಮುರ್ತಿ ಕೆಳಗಡೆ ಅವರು ಮರಣಾನಂತರ ತಮ್ಮ ದೇಹದಾನ ವಾಗ್ದಾನ ಮಾಡಿದ್ದಾರೆ.  ಅಲ್ಲದೇ, ಬಿ.ಎಲ್‌.ಡಿ.ಇ. ಆಸ್ಪತ್ರೆಯ ಅಂಗರಚನಾಶಾಸ್ತ್ರ ವಿಭಾಗದ ಮುಖ್ಯಸ್ಥ ಡಾ. ಆರ್‌.ಎಸ್‌. ಬುಲಗೌಡ ಅವರನ್ನು ಭೇಟಿ ಮಾಡಿ ದೇಹ ದಾನವನ್ನು ಮಾಡಲು ತಮ್ಮ ಹೆಸರು ನೋಂದಾಯಿಸಿ, ದೇಹ ದಾನಮಾಡುವ ಅರ್ಜಿಯನ್ನು ಭರ್ತಿಮಾಡಿ, ಸಹಿಮಾಡಿ ವಿಭಾಗದ ಮುಖ್ಯಸ್ಥರಿಗೆ ಸಲ್ಲಿಸಿದರು.ಅವರ ನಿರ್ಧಾರಕ್ಕೆ ಬಿ.ಎಲ್‌.ಡಿ.ಇ. ಸಂಸ್ಥೆ ಮತ್ತು ಅಂಗರಚನಾಶಾಸ್ತ್ರವಿಭಾಗದ ಸಿಬ್ಬಂದಿ ಕೃತಜ್ಞತೆ ಸಲ್ಲಿಸಿದ್ದಾರೆ.