ಇಂದು ನಿಲಗಾರ ಗಣಪತಿ ವಿಸರ್ಜನೆ

ಲೋಕದರ್ಶನ ವರದಿ 

ಸಂಕೇಶ್ವರ 05 : ನಿಲಗಾರ ಗಣಪತಿ ಹಬ್ಬವು ಕಳೆದ 22 ದಿನಗಳಿಂದ ಭಕ್ತಿಭಾವ ಹಾಗೂ ಸಂಭ್ರಮದಿಂದ ನಡೆಯುತ್ತಿದ್ದು, ಸುಮಾರು 7 ಲಕ್ಷ ಭಕ್ತರು ಗಣಪತಿ ದರ್ಶನ ಪಡೆದು ಹರಕೆ ತೀರಿಸಿದ್ದಾರೆ. ನಗರದ ಪೇಡಾ ಅಂಗಡಿಗಳು ಹಾಗೂ ಹೋಟೆಲ್ಗಳಲ್ಲಿ ವ್ಯಾಪಾರ-ವಹಿವಾಟು ಕೂಡ ಭರ್ಜರಿಯಾಗಿ ನಡೆದಿದೆ.  

ಸೋಮವಾರ ರಾತ್ರಿ ನಿಲಗಾರ ಗಣಪತಿ ವಿಸರ್ಜನೆ ನಡೆಯಲಿದೆ. ಶಿವಪುತ್ರ ಈಶ್ವರ​‍್ಪ ಹೆದ್ದೂರಶೆಟ್ಟಿ ಅವರ ಸ್ವಗೃಹದಲ್ಲಿ ರಾತ್ರಿ 10ರಿಂದ 12 ಗಂಟೆಯವರೆಗೆ ಪೂಜೆ ನೆರವೇರಲಿದೆ. ಬಳಿಕ ರಾತ್ರಿ 12 ಗಂಟೆಗೆ ವಿಸರ್ಜನಾ ಮೆರವಣಿಗೆ ಆರಂಭವಾಗಲಿದೆ. ಹೆದ್ದೂರಶೆಟ್ಟಿ ಗಲ್ಲಿಯಿಂದ ಮಠಗಲ್ಲಿಗೆ ತೆರಳಿ, ಶಂಕರಲಿಂಗ ಮಠದ ಮೂಲಕ ಹಿರಣ್ಯಕೇಶಿ ನದಿಯಲ್ಲಿ ರಾತ್ರಿ 1ರಿಂದ 2 ಗಂಟೆಯೊಳಗೆ ಗಣಪತಿ ಮೂರ್ತಿಯನ್ನು ವಿಸರ್ಜಿಸಲಾಗುವುದು.  

ವಿಸರ್ಜನಾ ಕಾರ್ಯಕ್ರಮದ ವೇಳೆ ಭಕ್ತರು ಪಟಾಕಿಗಳನ್ನು ಇತರರ ಮೈಮೇಲೆ ಸಿಡಿಸದಂತೆ ಹಾಗೂ ಯಾವುದೇ ಅಹಿತಕರ ಘಟನೆಗಳಿಗೆ ಅವಕಾಶ ನೀಡದಂತೆ ಪೊಲೀಸ್ ಇಲಾಖೆ ಮನವಿ ಮಾಡಿದೆ.  

ವಿಸರ್ಜನಾ ಕಾರ್ಯಕ್ರಮದ ಹಿನ್ನೆಲೆಯಲ್ಲಿ ಬಿಗಿ ಪೊಲೀಸ್ ಬಂದೋಬಸ್ತ್‌ ಏರಿ​‍್ಡಸಲಾಗಿದೆ. 7 ಸಿಪಿಐ, 44 ಪಿಎಸ್‌ಐ, 10 ಎಎಸ್‌ಐ ಹಾಗೂ 60 ಹೆಡ್ಕಾನ್ಸ್ಟೆಬಲ್ ಸೇರಿದಂತೆ ಪೊಲೀಸರನ್ನು ನಿಯೋಜಿಸಲಾಗಿದೆ.