ತಂದೆ-ಮಗಳು ಕಾಣೆ: ಪ್ರಕರಣ ದಾಖಲು

ಬಳ್ಳಾರಿ 03: ಕುಡುತಿನಿ ಪಟ್ಟಣದ ನಿವಾಸಿಗಳಾದ ಓಂಕಾರಗೌಡ ಎನ್ನುವ 45ವರ್ಷದ ವ್ಯಕ್ತಿ ಮತ್ತು ಮಗಳಾದ ಗಗನಶ್ರೀ ಎನ್ನುವ 15ವರ್ಷದ ಬಾಲಕಿ ಅ.31ರಂದು ಕಾಣೆಯಾಗಿರುವ ಕುರಿತು ಕುಡುತಿನಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ ಎಂದು ಠಾಣೆಯ ಪೊಲೀಸ್ ಸಬ್‌ಇನ್ಸ್‌ಪೆಕ್ಟರ್ ತಿಳಿಸಿದ್ದಾರೆ. 

ಕಾಣೆಯಾದ ಓಂಕಾರಗೌಡನ ಚಹರೆ ಗುರುತು: ಸುಮಾರು 5ಅಡಿ, 5ಇಂಚು ಎತ್ತರ, ಕೋಲುಮುಖ, ಎಣ್ಣೆಗೆಂಪು ಮೈಬಣ್ಣ, ಸಾಧಾರಣ ಮೈಕಟ್ಟು ಹೊಂದಿರುತ್ತಾನೆ. 

ಕನ್ನಡ, ತೆಲುಗು, ಹಿಂದಿ ಭಾಷೆ ಮಾತನಾಡುತ್ತಾನೆ. ಕಾಣೆಯಾದ ಸಂದರ್ಭದಲ್ಲಿ ತಿಳಿ ಖಾಕಿ ಬಣ್ಣದ ಅರ್ಧ ತೋಳಿನ ಅಂಗಿ ಮತ್ತು ಕಪ್ಪು ಬಣ್ಣದ ಪ್ಯಾಂಟ್ ಧರಿಸಿರುತ್ತಾನೆ. 

ಮಗಳು ಗಗನಶ್ರೀ ಚಹರೆ ಗುರುತು: ಸುಮಾರು 4ಅಡಿ 8ಇಂಚು ಎತ್ತರ, ಕೋಲುಮುಖ, ಗೋಧಿ ಮೈಬಣ್ಣ, ತೆಳುವಾದ ಮೈಕಟ್ಟು ಹೊಂದಿದ್ದು, ಕಾಣೆಯಾದ ಸಂದರ್ಭದಲ್ಲಿ ಬಿಳಿ ಬಣ್ಣದ ಟಾಪ್, ಕಪ್ಪು ಬಣ್ಣದ ಪ್ಯಾಂಟ್, ಕಪ್ಪು ಬಣ್ಣದ ವೇಲ್‌ವುಳ್ಳ ಚೂಡಿಧಾರ ಧರಿಸಿರುತ್ತಾಳೆ. 

ಮೇಲ್ಕಂಡ ಚಹರೆಯುಳ್ಳ ತಂದೆ ಮತ್ತು ಮಗಳ ಸುಳಿವು ಸಿಕ್ಕಲ್ಲಿ ಹತ್ತಿರದ ಪೊಲೀಸ್ ಠಾಣೆ ಅಥವಾ ಬಳ್ಳಾರಿ ಕಂಟ್ರೋಲ್ ರೂಂ.08392-258100ಗೆ ಸಂಪರ್ಕಿಸಬಹುದು ಎಂದು ತಿಳಿಸಿದ್ದಾರೆ.