ವಿಜಯಪುರ ಜಿಲ್ಲೆಗೆ ೩೭೧ಜೆ ಸೌಲಭ್ಯ ಕಲ್ಪಿಸಲು ರೈತ ಸಂಘ ಮನವಿ

ದೇವರಹಿಪ್ಪರಗಿ ೨೦: ವಿಜಯಪುರ ಜಿಲ್ಲೆಯನ್ನು ಕಲ್ಯಾಣ ಕರ್ನಾಟಕ ವ್ಯಾಪ್ತಿಗೆ ಸೇರ್ಪಡೆಗೊಳಿಸಿ, ಸಂವಿಧಾನದ ೩೭೧ಜೆ ಅಡಿಯಲ್ಲಿ ಸೌಲಭ್ಯಗಳನ್ನು ಒದಗಿಸಬೇಕು ಎಂದು ಕರ್ನಾಟಕ ರಾಜ್ಯ ರೈತ ಸಂಘದ ವಿಜಯಪುರ ಜಿಲ್ಲಾಧ್ಯಕ್ಷರಾದ ಸಿದ್ದನಗೌಡ ಜಲಪೂರ ಆಗ್ರಹಿಸಿದರು.  

ಪಟ್ಟಣದ ತಹಶೀಲ್ದಾರ್ ಕಚೇರಿಗೆ ಬುಧವಾರದಂದು ವಿವಿಧ ಸಂಘಟನೆ ಹಾಗೂ ರೈತ ಸಂಘ ಪದಾಧಿಕಾರಿಗಳು ಸೇರಿ ತಹಶೀಲ್ದಾರ್ ಮೂಲಕ ಸಿಎಂ ಡಿ.ಕೆ. ಶಿವಕುಮಾರ ಅವರಿಗೆ ಮನವಿ ಸಲ್ಲಿಸಿದರು. 

ಮುಖಂಡ ಲಾಯಪ್ಪ ಇಂಗಳೆ, ಕರವೇ ತಾಲೂಕು ಘಟಕದ ಅಧ್ಯಕ್ಷ ರಹೀಮಾನ್ ಕನಕಲ್ ಹಾಗೂ ಕರ್ನಾಟಕ ರಾಜ್ಯ ರೈತ ಸಂಘದ ಜಿಲ್ಲಾಧ್ಯಕ್ಷ ಸಿದ್ದನಗೌಡ ಜಲಪೂರ ಅವರು ಮಾತನಾಡಿ, ವಿಜಯಪುರ ಜಿಲ್ಲೆಯ ರೈತರು ಹಾಗೂ ಜಿಲ್ಲೆಯ ಜನರ ಹಿತದೃಷ್ಟಿಯಿಂದ ೩೭೧ಜೆ ಸೌಲಭ್ಯ ಕಲ್ಪಿಸುವ ಮೂಲಕ ಶಿಕ್ಷಣ, ಉದ್ಯೋಗ ಸೇರಿದಂತೆ ವಿವಿಧ ಕ್ಷೇತ್ರಗಳಲ್ಲಿ ವಿಶೇಷ ಅವಕಾಶಗಳನ್ನು ಒದಗಿಸಬೇಕು. ಏಕೆಂದರೆ ವಿಜಯಪುರ ಜಿಲ್ಲೆಯು ೧೯೪೮ ರವರೆಗೆ ಹೈದರಾಬಾದ್ ನಿಜಾಮರ ಆಳ್ವಿಕೆಗೆ ಒಳಪಟ್ಟಿತ್ತು. ಕಲಬುರ್ಗಿ, ಬೀದರ್, ರಾಯಚೂರು ಜಿಲ್ಲೆಗಳೊಂದಿಗೆ ಒಂದೇ ಸಂಸ್ಕöÈತಿ ಆಡಳಿತ ಶೈಕ್ಷಣಿಕ ಹಿನ್ನೆಲೆಯನ್ನು ಹೊಂದಿದೆ ಆದಕಾರಣ ೩೭೧ ಜೆ ಸೌಲಭ್ಯಗಳನ್ನು ಒದಗಿಸಬೇಕು ಎಂದು ಮನವಿಯಲ್ಲಿ ಒತ್ತಾಯಿಸಲಾಗಿದೆ ಎಂದು ಹೇಳಿದರು. 

ಈ ಬೇಡಿಕೆಯನ್ನು ಸರ್ಕಾರ ಗಂಭೀರವಾಗಿ ಪರಿಗಣಿಸಿ ಶೀಘ್ರ ಕ್ರಮ ಕೈಗೊಳ್ಳಬೇಕು ಎಂದು ರೈತ ಸಂಘ ಹಾಗೂ ವಿವಿಧ ಸಂಘಟನೆಗಳ ಮುಖಂಡರು ಆಗ್ರಹಿಸಿದ್ದಾರೆ.  

ಮುಖಂಡರುಗಳಾದ ವಿನೋದ  ಖೇಡ, ಸಂಪತ್ ಜಮಾದಾರ, ಮಡಿವಾಳಪ್ಪ ಕುಂಬಾರ, ಹಸನ್ ನದಾಫ್, ಎಸ್.ವೈ. ಭಜಂತ್ರಿ, ರಮೇಶ ಯರನಾಳ, ಪರಶುರಾಮ ಯಲಗೊಂಡ, ಬಿ.ಬಿ. ಪಾಟೀಲ, ದಾದಾ ಬೇಪಾರಿ, ಕುಮಾರ ಚವ್ಹಾಣ, ದೌಲಸಾಬ ಹೆಬ್ಬಾಳ, ತಿಪ್ಪಣ್ಣ ಮೂಲಿಮನಿ, ಮಲ್ಕಪ್ಪ ದೊಡಮನಿ, ಎ.ಎ.ವಾಲಿಕಾರ ಸೇರಿದಂತೆ ಹಲವಾರು ಜನ ಮುಖಂಡರು ಉಪಸ್ಥಿತರಿದ್ದರು.